Marandiçi gəldi, Batista üçün mövsüm bitdi
“Turan Tovuz”da zədəli futbolçuların sayı 5-ə çatıb. Siyahıya “Araz-Naxçıvan”la oyundan öncə məşqdə zədələnən Jo Batista da daxil olub.
Denis Marandiçi, Şəhriyar Əliyev, Roderik Miller, Rüfət Əhmədov və Jo Batistanın durumunu “bozqurdlar”ın mətbuat xidmətinin rəhbəri Süleyman Tağıyevdən öyrəndik. Onun “Football-plus.az”a cavabı:
“Denis gəlib, yüngül məşqlərə başlayıb. Bərpanın son mərhələsini keçəcək. Batista Portuqaliyada əməliyyat olunub. Mövsümü başa vurub. Rüfət iki hətfədən sonra komandaya qoşulacaq. Miller komanda ilə məşqlərə başlayıb. Fiziki hazırlıq məşqçisinin nəzarətində formasını bərpa etmək üçün də əlavə məşq edir. Şəhriyar iki həftə sonra məşqə başlayacaq”.
ƏSƏD SEYİDOV
Digər xəbərlər
