Səbail (Bakı) - Qarabağ (Ağdam) 1:4 (0:2)
1. Hüseynəli Quliyev - 5,5
74. Yusif Nəbiyev (k) - 5,5
18. Süleyman Əhmədov - 5,0
(7. Madi Queta, 67) - 5,0
83. Nihad Quliyev - 5,0
19. Samir Abdullayev - 5,0
(96. İlkin Muradov, 61) - 5,0
16. Emin Rüstəmov - 5,0
10. David Qomis - 6,0
(11. Rüfət Abdullazadə, 80) - qiymətsiz 
3. Dmitri Litvin - 5,0
99. İnnosent Nşuti - 5,0
(97. Oruc Məmmədov, 61) -  5,0
4. Marko Nikoliç -  5,0
(77. Fərid Nəbiyev, 61) - 5,5
5. Gitay Sofir - 5,5
Ehtiyat oyunçular
12. Əlirza Müştəbazadə
25. Nicat Məmmədzadə
67. Rəvan Abasov
88. Hacıəli Şirəliyev
44. Amir Bilali
Baş məşqçi: Elvin Məmmədov
Komandanın ən yaxşısı: David Qomis

99. Mateuş Koxalski - 5,5
13. Bəhlul Mustafazadə - 5,5
44. Elvin Cəfərquliyev - 5,5
27. Toral Bayramov - 5,5
90. Nəriman Axundzadə - 6,0
(22. Musa Qurbanlı, 67) - 4,5
10. Abdulla Zubir (k) - 6,0
(11. Emmanuel Addai, 67) - 4,5
7. Yassin Benzya - 6,0
(19. Redon Cica, 73) - 5,0
8. Marko Yankoviç - 5,5
(24. Aleksey İsayev, 67) - 4,5
9. Kadi Borges - 5,5
2. Mateus Silva - 5,5
15. Leandro Andrade - 6,5
(21. Aleksey Kaşuk, 73) - 4,5
Ehtiyat oyunçular
97. Fabian Buntiç
12. Sadiq Məmmədzadə
55. Bədavi Hüseynov
30. Abbas Hüseynov
29. Marko Veşoviç
81. Kevin Medina
66. Patrik Andrade
Baş məşqçi: Qurban Qurbanov
Komandanın ən yaxşısı: Leandro Andrade

Qollar: A.Zubir, 17 (0:1, L.Andrade). L.Andrade, 19 (0:2, A.Zubir). L.Andrade, 52 (0:3, M.Silva). L.Andrade, 65 (0:4, N.Axundzadə). D.Qomis, 72 (1:4, G.Sofir).
Hakimlər: TURAL QURBANOV, Asiman Əzizli, Rəhman İmami, Kamran Əliyev (hamısı Bakı).
VAR hakimi: Fərid Hacıyev (Bakı).
VAR hakiminin köməkçisi: Kamran Bayramov (Bakı).
Hakim-inspektor: İmanxan Sultani (Bakı).
AFFA nümayəndəsi: Elgiz Abbasov (Masallı).
11 aprel. Bakı. “ASCO Arena”. 1200 tamaşaçı (3200 yerlik). 
Hər hissəyə 2 dəqiqə əlavə olunub.
Oyunun qiyməti: 6,0.

Premyer-liqanın 30-cu turu Bayılda start götürdü. Autsayderlə liderin duelində qonaqların böyükhesablı qələbə qazanacağını təxmin etmək çətin deyildi. 

“Qarabağ” oyuna daha fəal başladı. 4-cü dəqiqədə Emin Rüstəmovun səhvindən yararlanan Leandro zərbə endirsə də, Hüseynəli topu küncə çıxarmağı bacardı. Ağdam təmsilçisi meydan sahiblərinin növbəti səhvini bağışlamadı. 17-ci dəqiqədə Nikoliçdən topu “oğurlayan” Zubir Kadiyə ötürmə verdi. Hücumun davamında Axundzadə və Leandro da iştirak etdi, Zubir hesabı açdı. Cəmi iki dəqiqə sonra qonaqlar növbəti dəfə fərqlənməyi bacardı. Elvin – Zubir - Leandro kombinasiyasını sonuncu dəqiq zərbə ilə bitirdi. “Səbail” ara-sıra əks-hücum qursa da, rəqib qapısı önündə real təhlükə yarada bilmirdi.

2-ci hissə başlayan kimi hesab arasında fərq daha da artdı. 52-ci dəqiqədədə Samir Abdullayevdən topu alan Mateus Andradeyə ötürmə verdi. Leandro dəqiq zərbə ilə 3-cü qolu vurdu. 58-ci dəqiqədə Yusif Nəbiyev uzaqdan bəxtini sınasa da, Koxalski yerində idi. 65-ci dəqiqədə Leandro het-triki rəsmiləşdirdi. Elvin, Zubir və Nəriman da qola töhfə verdi. Təbii ki, “dənizçilər”in bundan sonra nəsə edəcəyinə inanmağa dəyməzdi. Düzdü, onlar təsəlli qolunu vura bildi. Qomisin uzaq küncə göndərdiyi topun qarşısında Koxalski aciz idi. Son 18 dəqiqədə reallaşan qarşılıqlı hücumlar nəticəsiz qaldı.

“Qarabağ” bu qələbə ilə çempionluq yolunda son addımlarından birini atdı. “Səbail” isə artıq elitada son günlərini yaşayır.

ƏSƏD SEYİDOV