Şamaxı - Neftçi (Bakı) 0:2 (0:1)
1. Rikardo Fernandes - 6,0
5. Arsen Ağcabəyov - 5,0
18. Cəlal Hüseynov (k) - 5,0
(23. Murad Vəliyev, 46) - 5,0
82. Rüfət Abbasov - 5,5
(19. Fəxri Məmmədli, 75) - 4,5
24. Edqar Adilxanov - 5,5
(60. Səbayıl Bağırov, 89) - qiymətsiz
12. Maykl Tuike - 5,5
(73. Elmar Məmmədov, 75) - 4,5
32. Vasiliye Radenoviç - 5,0
93. Brahim Konate - 5,5
30. Andrey Tırkovyanu - 5,5
66. Vasiliye Bakiç - 5,0
33. Alfons Msanqa - 5,0
(6. Rauf Rüstəmli, 75) - 4,5
Ehtiyat oyunçular
85. Kamal Bayramov
62. Abdulla Seydəhmədov
Baş məşqçi: Ayxan Abbasov
Komandanın ən yaxşısı: Rikardo Fernandes

1. Emil Balayev (k) - 5,5
10. Filip Ozobiç - 6,0
3. Höccət Haqverdi - 5,0
19. Azər Salahlı - 5,5
7. Azər Əliyev - 5,5
90. Ramil Şeydayev - 5,5
13. Emil Səfərov - 4,5
(11. Aleks Fernandes, 20) - 5,5
14. Edvin Kuç - 5,0
6. Rafael Quzzo - 5,0
(17. Rəhman Hacıyev, 60) - 5,0
99. Ervin Koffi - 5,5
9. Bassala Sambu - 5,5
(91. Ağadadaş Salyanski, 90+2) - qiymətsiz
Ehtiyat oyunçular
93. Rza Cəfərov
30. Rustam Samiqullin
47. Murad Məmmədov
22. Dembo Darbo
77. Yeqor Boqomolski
Məşqçi: Mübariz Orucov
Komandanın ən yaxşısı: Filip Ozobiç

Qollar: R.Şeydayev, 42-p. (0:1). F.Ozobiç, 89 (0:2).
Vərəqələr: A.Msanqa, 62 (qeyri-idman hərəkəti). B.Konate, 83 (qeyriidman hərəkəti) - sarı.
Hakimlər: FƏRİD HACIYEV, Vüsal Məmmədov, Rəhman İmami, Əli Əliyev (hamısı Bakı).
VAR hakimi: Rəvan Həmzəzadə (Şəki).
VAR hakiminin köməkçisi: Kamran Bayramov (Bakı).
Hakim-inspektor: Babək Quliyev (Bakı).
AFFA nümayəndəsi: Eldəniz Musayev (Bakı).
7 aprel. Şamaxı. Şəhər stadionu. 1500 tamaşaçı (2250 yerlik).
Oyunun qiyməti: 5,5.

Bu oyun komandalar üçün nə dərəcədə önəmli idi? Əslində “Şamaxı” cari mövsüm üçün turnir hədəfinin öhdəsindən gəlib, sonuncu pillədə qərarlaşan “Səbail”dən 8 xal öndə qərarlaşan “şirlər” nədən qorxmalıdı ki?! Bu başqa məsələ ki, onlar cari mövsümdə “Neftçi”ni ilk dəfə məğlub etməyi çox istəyərdilər. “Neftçi” isə “Sabah”ın çoxdan “lövbər saldığı” 5-ci pilləni ələ keçirməkdən imtina etməzdi.

İlk təhlükəli vəziyyəti qonaqların ifasında izlədik. 2-ci dəqiqədə Bakiçdən sıyrılan Ozobiç Sambuya topu çatdırsa da, Bassalunun zərbəsinə Arsen blok qoymağı bacardı. Yan xətt hakiminin bayrağının havada olması da öz yerində. Cəmi 4 dəqiqə sonra Msanqadan ötürmə alan Maykl çevrilib zərbə endirsə də, Emil Balayev yerində idi. 17-ci dəqiqədə Emil – Ramil - Azər kombinasiyası zamanı sonuncunun zərbəsini Vasiliye küncə çıxarmağı bacardı. “Neftçi”nin qol axtarışı hissənin sonunda nəticə verdi. 40-cı dəqiqədə Azər Əliyevdən uzun ötürmə alan Ozobiçin qarşısını Bakiç kobudluqla aldı. Belədə matçın baş hakimi “nöqtə”ni göstərdi. Topun arxasına keçən Ramil Şeydayev komandasını önə keçirdi.

“Şamaxı” 2-ci hissədə hesabı bərabərləşdirmək üçün irəli atıldı.

53-cü dəqiqədə Tırkovyanudan ötürmə alan Edqar qapını nişan alsa da, top az fərqlə aralı keçdi. 5 dəqiqə sonra isə qonaqlar fərqi artırmağa yaxın oldu. Konate geriyə ötürmə zamanı səhvə yol verdi. Dərhal topu ələ keçirən Aleks Bassaluya ötürmə verdi. Sambunun uzaq küncə göndərdiyi zərbənin qarşısını Rikardo ala bildi. 60-cı dəqiqədə Höccətlə Kuçdan sıyrılan Tuikin zərbəsi qeyri-dəqiq oldu. 70-ci dəqiqədə Sambu uzaqdan bəxtini sınasa da, Rikardo yerində idi. Sona yaxın “Neftçi” növbəti dəfə fərqlənməyi bacardı.. 89-cu dəqiqədə Şeydayevin qapı qarşısına ötürməsini Fəxri Məmmədli topu uzaqlaşdıra bilmədi. Belədə qayıdan topa saxlamadan zərbə endirən Ozobiç rəqib qapısına yol tapdı. Bu inamlı qələbə “Neftçi”ni “Sabah”a lap yaxınlaşdırdı. “Şamaxı” isə artıq narahat olmağa başlamalıdı.