Sabah (Bakı) - Kəpəz (Gəncə) 0:1 (0:1)
55. Nicat Mehbalıyev - 5,5
17. Tellur Mütəllimov - 5,5
15. Seymur Məmmədov - 5,0
(6. Abdulax Xaybulayev, 57) - 5,0
88. Xəyal Əliyev - 6,0
(70. Cesse Sekidika, 57) - 5,5
7. Boyan Letiç - 5,0
(5. Rəhman Daşdəmirov, 57) - 5,0
4. Sofian Çakla - 5,0
18. Pavol Safranko (k) - 5,5
3. Con İrasabal - 5,5
13. İvan Lepinitsa - 5,5
11. Kahim Parris - 5,0
(9. Anatoli Nuriyev, 57) - 5,0
33. Umarali Raxmonaliyev - 5,5
(99. Neqoş Kupusoviç, 81) - qiymətsiz
Ehtiyat oyunçular
1. Yusif İmanov
92. Stas Pokatilov
8. Ayaz Quliyev
32. Elgün Dünyamalıyev
Baş məşqçi: Vasili Berezutski
Komandanın ən yaxşısı: Xəyal Əliyev

1. Rojerio Santos - 6,0
12. Turan Manafov - 6,0
5. Rauf Hüseynli - 5,5
21. Camal Cəfərov - 5,5
(7. Ehtiram Şahverdiyev, 70) - 5,0
19. Sadiq Şəfiyev - 5,0
(9. Luis Paçu, 46) - 5,5
26. Valdemar Almeyda - 6,5
29. Dioqo Verdaşka - 5,5
78. Yeqor Xvalko (k) - 5,5
28. Rati Ardazişvili - 6,0
(99. Əli Səmədov, 90) - qiymətsiz
3. Mahamadu Ba - 4,5
(8. Elmir Tağıyev, 20) - 5,5
88. Şervoni Mabatşoyev - 5,5
(11. Trent Buhagyar, 70) - 4,5
Ehtiyat oyunçular
22. Məmməd Hüseynov
18. Elgün Bayramov
70. Nicat Süleymanov
6. Nemət Musayev
17. Ümid Səmədov
10. Karim Lkoça
Baş məşqçi: Azər Bağırov
Komandanın ən yaxşısı: Valdemar Almeyda

Qol: V.Almeyda, 41.
Vərəqələr: İ.Lepinitsa, 30 (qeyri-idman hərəkəti). R.Hüseynli, 53 (oyunun bərpasının ləngidilməsi). T.Manafov, 81 (qeyri-idman hərəkəti). Ə.Səmədov, 90+3 (qeyri-idman hərəkəti) - sarı.
Hakimlər: RAUF CABBAROV, Pərvin Talıbov, Şirmamed Mamedov (hamısı Bakı), Rəvan Həmzəzadə (Şəki).
VAR hakimi: Nicat İsmayıllı (Bakı).
VAR hakiminin köməkçisi: Akif Əmirəli (Bakı).
Hakim-inspektor: Anar Salmanov (Bakı).
AFFA nümayəndəsi: Elçin Mehtiyev (Bakı).
6 aprel. Bakı. “Bank Respublika Arena”. 1149 tamaşaçı (8600 yerlik).
Birinci hissəyə 3, ikinci hissəyə 4 dəqiqə əlavə olunub.
Oyunun qiyməti: 5,5.

Ardıcıl 6 tur qələbəyə həsrət qalan “Sabah” bu seriyaya son qoymaq niyyətindəydisə, “Kəpəz” bir gün əvvəl xal itirən “Səbail”lə aradakı fərqi artırmaq istəyirdi.

Matçın ilk dəqiqləri qarşılıqlı hücumlar şəraitində keçdi. 7-ci dəqiqədə Tellur uzaqdan bəxtini sınasa da, zərbəsi qeyri-dəqiq oldu. Cəmi 1 dəqiqə sonra meydan sahiblərinin ifasında təhlükəli vəziyyətə şahidlik etdik. Tellurun qapı qarşısına ötürməsini Verdaşka uzaqlaşdıra bilmədi. Belədə topu ələ keçirən Lepinitsa “çərçivə”ni nişan alsa da, top qapıdan aralı keçdi. 10-cu dəqiqədə üç rəqibdən yayınan Manafov cərimə meydançasına daxil olub, ötürmə versə də, İrasabal təhlükənin qarşısını ala bildi. 21-23-cü dəqiqələr aralığında Rojerio Santos həm Şafrankonun, həm də Xəyalın zərbəsinin qarşısını aldı. “Sabah” daha çox hücum etsə də, hissəsin sonunda qonaqlar hesabı açdı.

Ardazişvilinin driblinq sayəsində başlatdığı hücumun sonunda Valdemar Almeyda topu tora qovuşdurdu. Hissənin son dəqiqəsində “bayquşlar” hesabı bərabərləşdirməyə yaxın oldu. Raxmonaliyev topu Parrisə çatdırsa da, o, Rojerio səddini aşa bilmədi.
Təbii ki, məğlubiyyət “Sabah”ın planlarına daxil deyildi. Bu üzdən “bayquşlar”ın 2-cı hissədə fəallaşması təbii idi. 50-ci dəqiqədə İrasabalın zərbəsindən sonra top dirəyə tuş gəldi.

Oyunun axarından narazı qalan Berezutski 57-ci dəqiqədə dörd dəyişikliyə əl atdı. Xaybulayev, Sekidika, Daşdəmirov və Nuriyev meydana çıxdı. Amma bu addım də hesabı bərabərləşdirməyə imkan vermədi. Meydan sahibləri ardıcıl hücumlar qursalar da, son nöqtəni qoymaqda çətinlik çəkirdilər. “Kəpəz” qələbə hesabına “Səbail”lə xal fərqini 7-yə çatdırdı, demək olar ki, elitada qalmaq vəzifəsinin öhdəsindən gəldi. “Sabah” isə artıq 7 turdu qələbəyə həsrətdi. Əlbəttə, hər kəs Berezutskinin məhz kubokda mümkün uğura görə qovulmadığının fərqindədi.

Gözdən qaçmadı
* 20-ci dəqiqədə “Kəpəz”in futbolçusu Ba meydanı xərəkdə tərk etdi.
* “Kəpəz Ultras” “Nicat, gəl bura, bir az mırtlaşaq”, “Masazır susubdu, bizi dinləyir” dedi.
* “Xəmsə” matç bitəndən sonra pirotexniki vasitələrdən istifadə etdi.

ƏSƏD SEYİDOV