Səbail (Bakı) - Turan Tovuz 0:0
12. Əlirza Müştəbazadə - 6,0
96. İlkin Muradov - 5,5
74. Yusif Nəbiyev (k) - 5,5
77. Fərid Nəbiyev - 5,5
(10. David Qomis, 88) - qiymətsiz
20. Mərt Çəlik - 5,5
11. Rüfət Abdullazadə - 5,5
(19. Samir Abdullayev, 90+3) - qiymətsiz
3. Dmitri Litvin - 5,0
99. İnnosent Nşuti - 5,5
(22. Mirabdulla Abbasov, 76) – qiymətsiz
4. Marko Nikoliç - 5,0
7. Madi Queta - 5,0
(18. Süleyman Əhmədov, 88) - qiymətsiz
5. Gitay Sofir - 5,0
(83. Nihad Quliyev, 90+3) - qiymətsiz
Ehtiyat oyunçular
1. Hüseynəli Quliyev
25. Nicat Məmmədzadə
16. Emin Rüstəmov
97. Oruc Məmmədov
88. Hacıəli Şirəliyev
44. Amir Bilali
Baş məşqçi: Elvin Məmmədov
Komandanın ən yaxşısı: Əlirza Müştəbazadə

41. Sergey Samok - 5,5
17. Rəhim Sadıxov - 5,5
11. Ayxan Hüseynov - 5,0
(19. Orxan Əliyev, 72) - 4,5
7. İsmayıl Zülfüqarlı - 5,0
13. Fərid Yusifli - 5,0
44. Rüfət Əhmədov - 4,5
(77. Veysəl Rzayev, 19) - 5,0
23. Alexandro Serrano - 6,0
15. Emmanuel Hakman (k) - 5,0
32. Hayderson Urtado - 5,5
40. Kauan Martins - 5,0
21. Aleks Souza - 5,0
(90. Joarlem Santos, 87) - qiymətsiz
Ehtiyat oyunçular
1. İvan Konovalov
71. Mehman Hacıyev
39. Sadiq Quliyev
33. Eltun Turabov
10. Xəyal Nəcəfov
8. Tural Bayramlı
30. Mircamal Əlizadə
6. Araş Qaderi
29. Anton Kraçkovski
Baş məşqçi: Kurban Berdiyev
Komandanın ən yaxşısı: Alexandro Serrano

Vərəqələr: İ.Konovalov, 64 (qeyri-idman hərəkəti). K.Martins, 71 (qeyri-idman hərəkəti). H.Urtado, 77 (qeyri-idman hərəkəti). M.Çəlik, 90+4 (oyunun bərpasının ləngidilməsi) - sarı.
Hakimlər: RƏŞAD ƏHMƏDOV (Mingəçevir), Zöhrab Abbasov, Teymur Teymurov, Kamran Əliyev (hamısı Bakı).
VAR hakimi: Kamal Umuldu (Bakı).
VAR hakiminin kğməkçisi: Zeynal Zeynalov (Bakı).
Hakim-inspektor: Zöhrab Qədiyev (Bakı).
AFFA nümayəndəsi: Anar Şixəliyev (Bakı).
5 aprel. Bakı. “ASCO Arena”. 750 tamaşaçı (3200 yerlik).
Hər hissəyə 4 dəqiqə əlavə olunub.
Oyunun qiyməti: 5,0.

“Səbail” - “Turan Tovuz” oyunu ilə bağlı hər iki tərəfin müəyyən niyyəti var idi. “Dənizçilər” Elvin Məmmədovun rəhbərliyi altında ilk oyunda məğlub olmamışdı, bu dəfə isə qələbə qazanmaqla “Kəpəz”lə aradakı xal fərqini azatlmaq istəyirdilər. Son 4 oyunda cəmi bir xal qazanan tovuzlular da qələbədən başqa heç bir nəticəni ağla gətirmirdilər.

5-ci dəqiqədə Aleks Souzanın qapı önünə ötürmənin qarşısını Yusif Nəbiyev aldı. 9-cu dəqiqədə meydan sahibləri bu hücuma cavab verdi. Sofir – Abdullazdə - Nşuti kombinasiyasında sonuncu Samok səddini keçə bilmədi. 3 dəqiqə sonra Ayxan Hüseynovun cərimə zərbəsindən qapı qarşısına ötürməsini Əlirza yumruqları ilə uzaqlaşdırdı. 45-ci dəqiqədə Mərtdən ötürmə alan Quetanın zərbə endirməsinə Samok mane oldu. Nəhayət, hissənin sonlarında “çərçivə”yə düşən zərbə izlədik. Rəhim Sadıxov topu başla Serranoya çatdırdı. O, qapını nişan alsa da, Əlirza yerində idi.

İkinci hissə başlar-başlamaz meydan sahibləri qol fürsətini qaçırdı. Hakmanın Martinsə doğru etdiyi ötürmənin arasına Rüfət girdi. Abdullazadə Fərid Yusiflidən yayınıb, topu Fəridə çatdırdı. Nəbiyevin qarşısını Emmanuel kəsdi. 65-ci dəqiqədə Nşutidən topu “oğurlayan” Urtado Ayxana ötürmə verdi. Hüseynov uzaqdan bəxtini sınasa da, zərbəsi qeyri-dəqiq oldu. Tovuzlular 80-ci dəqiqədə hesabı açmağa yaxın oldu. Serranonun cərimə zərbəsindən birbaşa qapıya göndərdiyi topun qolla nəticələnməsinə tir mane oldu. Sona qədər qarşılıqlı hücumlar şəraitində dava edən oyunda hesab açılmadı. “Səbail” Məmmədovun rəhbərliyi altında keçirdiyi 2-ci oyunda məğlub olmasa da, çətin ki, bu nəticəyə sevinə. Axı “Kəpəz” dayanmadan xal ehtiyatını artırır. Mövsümə avrokuboklara vəsiqə iddiası ilə başlayan “Turan Tovuz” isə get-gedə hədəfindən uzaq düşür.

Gözdən qaçmadı
* Kurban Berdıyev dördüncü hakimə “başına vurdu, “sarı” hardadı?” dedi.
* Oyundan sonra tovuzlu azarkeşlərlə “Turan Tovuz” futbolçuları arasında qalmaqal yaşandı. Nəticələrdən razı olmayan tovuzlular futbolçuları təhqir atəşinə tutarkən Veysəl Rzayev onlarla hesablaşmaq üçün tribunaya çıxdı. Veysəl Rzayev uzaqlaşandan sonra Mehman Hacıyev də komanda yoldaşının etdiyi hərəkəti təkrarlama çalışdı. Amma Tural Bayramlı ona mane oldu.

ƏSƏD SEYİDOV