Neftçi (Bakı) – Araz-Naxçıvan 1:1 (1:1)
93. Rza Cəfərov (k) – 5,5
10. Filip Ozobiç – 5,5
(90. Ramil Şeydayev, 72) – 5,0
3. Höccət Haqverdi – 5,5
19. Azər Salahlı – 5,5
4. Elvin Camalov – 5,5
14. Edvin Kuç – 5,5
99. Ervin Koffi – 5,5
44. Yuri Matias – 5,5
24. Mustafa Sek – 5,0
(13. Emil Səfərov, 59) – 5,0
9. Bassala Sambu – 6,5
(22. Dembo Darbo, 59) – 5,0
18. Rinosuke Ohori – 6,0
(11. Aleks Fernandes, 72) – 4,5
Ehtiyat oyunçular
1. Emil Balayev
30. Rustam Samiqullin
17. Rəhman Hacıyev
91. Ağadadaş Salyanski
47. Murad Məmmədov
6. Rafael Quzzo
23. Robert Bauer
77. Yeqor Boqomolski
Baş məşqçi: Samir Abasov
Komandanın ən yaxşısı: Bassala Sambu

12. Kristian Avram – 5,5
5. Qara Qarayev – 5,5
34. Urfan Abbasov (k) – 5,5
2. Slavik Alxasov – 5,5
7. Ülvi İsgəndərov – 5,0
(9. Əyyub Allaş, 64) – 4,5
(8. Karlos Jatoba, 89) – qiymətsiz
16. Ramon Maçado – 6,0
29. Vanderson Melo – 5,5
(6. Vadim Abdullayev, 64) – 5,0
17. İssuf Paro – 6,5
23. Nuno Rodriges – 5,5
(21. Sezar Meza Kolli, 79) – qiymətsiz
4. İqor Ribeyro – 5,5
10. Bernardo Dias – 5,5
Ehtiyat oyunçular
94. Tərlan Əhmədli
26. Ömər Buludov
22. Elçin Mustafayev
20. Turan Vəlizadə
11. Bayraməli Qurbanov
71. Sənan Ağalarov
Baş məşqçi: Elmar Baxşıyev
Komandanın ən yaxşısı: İssuf Paro

Qollar: B.Sambu, 3 (1:0, R.Ohori). İ.Paro, 7 (1:1, R.Maçado).
Vərəqələr: E.Kuç, 5 (qeyri-idman hərəkəti). V.Melo, 22 (qeyri-idman hərəkəti). Y.Matias, 40 (qeyri-idman hərəkəti). E.Camalov, 53 (qeyri-idman hərəkəti). H.Haqverdi, 77 (hakimin qərarına etiraz). V.Abdullayev, 82 (qeyri-idman hərəkəti). İ.Ribeyro, 90+3 (qeyri-idman hərəkəti) – sarı.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Fərid Hacıyev (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Teymur Teymurov (Bakı).
Hakim-inspektor: Babək Quliyev (Bakı).
AFFA nümayəndəsi: Azər Əsgərov (Bakı).
29 mart. Bakı. “Neftçi Arena”, 1000 tamaşaçı (11000 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 5,5.

Başqa vaxt çempionat yoluyla avrokuboklara yollanmaq şansı tükənməkdə olan “Neftçi”nin 3-cü pillədə qərarlaşan “Araz-Naxçıvan”la oyunda nəsə bacarmayacağını, qonaqların meydandan qalib ayrılacağını söyləmək asan olardı. Lakin bu komandalar uzun müddətdi problemlərin öhdəsindən gəlməkdə acizdi. Bu matçda sabit nəticələr qazanmaqda çətinlik çəkən “ağ-qaralar”ın heyətində millinin düşərgəsindən yorğun qayıdan xeyli futbolçu var idi.

İş orasındadı ki, son 7 matçda qələbəyə həsrət qalan “qırmızı-ağlar”ın uğursuz seriyanı səfərdə qıracağı da inandırıcı görünmürdü. Başqa məqam komandaların 4 gün sonra kubokun yarımfinalında da meydana çıxacağı idi. Məhz bu səbəblərdən nəticəni maraqla gözləməyə dəyərdi. Elə biz də oyunu bu məqsədlə izləyirdik ki, yerimizi isitməmiş “Neftçi” hesabı açdı. Elvin – Ohori - Sambu kombinasiyasını sonuncu 3-cü dəqiqədə qolla bitirdi. Qonaqların “cavab atəşi” də özünü çox gözlətmədi. 7-ci dəqiqədə irəli atılan naxçıvanlılar Maçadonun sağ cinahdan cərimə meydançasına ötürməsi, Paronun dəqiq zərbəsi ilə hesabı bərabərləşdirdi. Belə startdan sonra məhsuldar oyun görəcəyimizi düşünsək də, yanıldıq.

Komandalar dəfələrlə bəxtini sınasa da, hesab dəyişmədi. Bu yöndə ilk cəhd qonaqların ifasında qeydə alındı. 16-cı dəqiqədə Dias Ülvinin ötürməsi sayəsində fərqlənməyə yaxın oldu ki, Rza baxımlı seyvə imza atdı. Ardından Koffi komandasını sevindirə bilərdi. Lakin onun “çərçivə”yə göndərmək istədiyi top Slavikə toxunandan sonra meydanı tərk etdi. Birinci hissənin sonuna qədər “Neftçi”dən Ozobiç və Kuç, “Araz-Naxçıvan”dan isə Ülvi ilə Dias qeyri-dəqiq zərbələrin müəllifi oldu.

Komandalar ikinci yarının ilk dəqiqələrində dinamik oyun göstərsə də, yorğunluq tədricən sözünü dedi. Meydan sahibləri Aleks, Darbo, Ramil, qonaqlar Melo, Dias və Maçado kimi futbolçuların fərlqənmək imkanlarını boşa verməsi üzündən qələbə sevinci yaşaya bilmədi. Təbii ki, bu, “Araz-Naxçıvan” üçün daha ağır itki oldu. “Qırmızı-ağlar” 3-cü pillədəki yerini “Turan Tovuz”un uğursuzluqları hesabına qoruyur ki, bunu tarixində ilk dəfə avrokuboklara yollanmaq istəyən naxçıvanlılar üçün uğur saymaq günah olar!

KƏNAN BAHADIR


Gözdən qaçmadı
* İlk dəqiqələrdən Matiası səhvlərinə görə danlamağa başlayan İnqilab Məmmədov ona, nəhayət, sarı vərəqə ilə yerini göstərdi. 
* Azər zədələndiyi üçün meydanı tərk edən Allaşın qəsdən yubandığını görüb futbolçunu itələdi. İnqilab Məmmədov buna görə Azərə şifahi xəbərdarlıq edəndə ondan bu cavabı eşitdi: “heç olmasa, “sarı”sını ver!”
* İnqilab Məmmədov qərarlarına etiraz edən Seymur Rəhimova (Samir Abasovun köməkçisi – red.) 87-ci, Samir Abasova isə 88-ci dəqiqədə sarı vərəqə göstərdi.
* Oyun bitəndən sonra “Neftçi” azarkeşi kimi tanınan cüdoçu, olimpiya çempionu Hidayət Heydərovla polislər arasında gərginlik yaşandı.

MÜZƏFFƏR QULUZADƏ