Turan Tovuz – Sumqayıt 1:2 (1:1)
41. Sergey Samok – 5,5
17. Rəhim Sadıxov – 5,5
88. Faiq Hacıyev – 5,5
11. Ayxan Hüseynov – 6,5
7. İsmayıl Zülfüqarlı – 5,0
(10. Xəyal Nəcəfov, 71) – 4,5
9. Kristian da Silva (k) – 5,5
23. Alexandro Serrano – 6,0
32. Hayderson Urtado – 5,0
(77. Veysəl Rzayev, 46) – 5,0
6. Araş Qaderi - 5,0
40. Kauan Martins – 5,0
21. Aleks Souza – 5,5
Ehtiyat oyunçular
1. İvan Konovalov
71. Mehman Hacıyev
39. Sadiq Quliyev
19. Orxan Əliyev
33. Eltun Turabov
8. Tural Bayramlı
13. Fərid Yusifli
44. Rüfət Əhmədov
29. Anton Kraçkovski
Baş məşqçi: Kurban Berdıyev
Komandanın ən yaxşısı: Ayxan Hüseynov

36. Xəyal Fərzullayev – 6,0
14. Elvin Bədəlov (k) – 6,0
2. Sərtan Taşkın – 5,5
(7. Rövlan Muradov, 85) – qiymətsiz
17. Murad Xaçayev – 5,5
8. Səbuhi Abdullazadə - 6,0
20. Ayxan Süleymanlı – 6,5
19. Roy Kehat – 5,5
(6. Vüqar Mustafayev, 90) – qiymətsiz
5. Alan Dias – 6,0
23. Ronaldo Vaskes – 5,5
(21. Nihad Əhmədzadə, 90) – qiymətsiz
60. Tresor Mossi – 5,0
9. Bobir Abdixolikov – 6,0
(11. Momo Yansane, 77) – qiymətsiz
Ehtiyat oyunçular
1. Mehdi Cənnətov
94. Rəşad Əzizli
75. Nadir Orucov
99. Silvanus Nimeli
77. Casurbek Caloliddinov
Baş məşqçi: Vaqif Cavadov
Komandanın ən yaxşısı: Ayxan Süleymanlı

Qollar: A.Hüseynov, 8 (1:0, A.Serrano). A.Süleymanlı, 18 (1:1, E.Bədəlov). B.Abdixolikov, 64 (1:2, S.Abdullazadə).
Vərəqə: A.Süleymanlı, 82 (qeyri-idman hərəkəti) – sarı.
Hakimlər: ƏLİYAR AĞAYEV, Zeynal Zeynalov, Müslüm Əliyev, Kamranbəy Rəhimov (hamısı Bakı).
VAR hakimi: Kamal Umudlu (Bakı).
VAR hakiminin köməkçisi: Zöhrab Abbasov (Bakı).
Hakim-inspektor: Feyzulla Feyzullayev (Bakı).
AFFA nümayəndəsi: Elçin Məmmədov (Bakı).
16 mart. Tovuz. Şəhər stadionu. 4700 tamaşaçı (6800 yerlik).
Hər hissəyə 4 dəqiqə əlavə olunub.
Oyunun qiyməti: 6,0.

Tovuzda keçirilən oyun hər iki tərəf, xüsusən də meydan sahibləri üçün xüsusi əhəmiyyət daşıyırdı.

“Araz-Naxçıvan” cümə, “Zirə” şənbə günü xal itirdiyindən “bozqurd” mümkün qələbə sayəsində onlara yaxınlaşacaqdı. “Sumqayıt” isə elitada yerini qorumaq vəzifəsinin öhdəsindən mümkün qədər tez gəlmək istəyir. Ötən tur 9 oyunluq qələbə həsrətinə son qoyan “kimyaçılar”ın müəyyən emosional yüksəliş yaşaması da anlaşılan idi.

Oyunda ilk təhlükəli vəziyyət 6-cı dəqiqədə yaranadı. Serranodan topu qəbul edən Faiq Hacıyevin zərbəsi qapıdan aralı keçdi. Cəmi 2 dəqiqə sonra Serranodan ötürmə alan Ayxan dəqiq zərbə ilə topu tora qovuşdurdu – 1:0. Qonaqlar qətiyyən ruhdan düşmədi və tezliklə bərabərlik topunu vurdu. Elvin Bədəlovun qapı qarşısına ötürməsinindən sonra Ayxan Süleymanlı dəqiq baş zərbəsi ilə topu qapıdan keçirdi – 1:1. 28-ci dəqiqədə Ayxan növbəti dəfə fərqlənməyi bacarsa da, qol qeydə alınmadı. Çünki ona ötürmə verən Faiq ofsaydda idi. 38-ci dəqiqədə Ayxan künc zərbəsindən qapı qarşısına ötürmə verdi, amma Urtadonun başla zərbə endirməsinə Xəyal Fərzullayev mane ola bildi.

İkinci hissədə ilk təhlükəli vəziyyəti qonaqlar yaratdı. Ayxan Süleymanlının künc zərbəsindən qapı qarşısına ötürməni Kehat başla tamamlamaq istəsə də, top qapının üstündən keçdi. 58-ci dəqiqədə Souza – Faiq - Ayxan kombinasiyasında sonuncunun zərbəsi toru yandan silkələdi. Qarşılıqlı hücumlar şəraitində davam edən oyunun 63-cü dəqiqəsində “Sumqayıt” önə keçdi. Ayxan Süleymanlı ilə Səbuhi Abdullazadənin qurduğu kombinasiyanı Abdixolikov məhsuldar zərbə ilə tamamladı. Hesabda geri düşən meydan sahibləri sonda təzyiqi yetərincə artırdı. 82-ci dəqiqədə Rəhim Sadıxovun zərbəsini Xəyal küncə çıxarmağı bacardı. Saniyələr sonra “bozqurd” hesabı bərabərləşdirməyə yaxın oldu. Ayxanın künc zərbəsindən qapı qarşısına ötürməsini Araş başla tamamlasa da, Süleymanlı topu boş qapıdan çıxardı. Lap sonda isə Aleksin zərbəsinin qarşısını Xəyal hokkey qapıçıları kimi aldı.

Beləliklə, “Sumqayıt” ardıcıl 2-ci qələbəsini qazandı. “Turan Tovuz” isə 3 turdu qələbəyə həsrətdi.

Gözdən qaçmadı
* “Kimyaçılar” azarkeş qrupu tribunada pirotexniki vasitədən istifadə etdi.
* Oyunu izləyənlər sırasında Futbolun İnkşaf Fondunun icraçı direktoru Tural Piriyev də var idi.
* “Sumqayıt”ın futbolçuları sona yaxın “orucunu açdı”.

ƏSƏD SEYİDOV