Sabah (Bakı) – Zirə 1:1 (1:0)
92. Stas Pokatilov – 5,5
2. Amin Seydiyev (k) – 5,5
5. Rəhman Daşdəmirov – 5,5
6. Abdulax Xaybulaev – 5,5
88. Xəyal Əliyev – 5,0
(9. Anatoli Nuriyev, 71) – 5,0
18. Pavol Şafranko – 5,5
40. İqor Noqeyra – 5,5
70. Cesse Sekidika – 6,5
3. Con İrasabal – 5,5
13. İvan Lepinitsa – 6,0
33. Umarali Raxmonaliyev – 6,0
Ehtiyat oyunçular
1. Yusif İmanov
55. Nicat Mehbalıyev
10. Namik Ələskərov
17. Tellur Mütəllimov
15. Seymur Məmmədov
32. Elgün Dünyamalıyev
7. Boyan Letiç
4. Sofian Çakla
12. Vinsent Till
99. Neqoş Kupusoviç
Baş məşqçi: Vasili Berezutski
Komandanın ən yaxşısı: Cesse Sekidika

13. Aydın Bayramov – 5,5
32. Qismət Alıyev (k) – 5,5
8. İsmayıl İbrahimli – 5,5
(6. Eldar Quliyev, 79) – qiymətsiz
11. Rüstəm Əhmədzadə - 5,0
(7. Məqsəd İsayev, 46) – 5,0
5. Stefan Aka – 5,5
4. Ruan Renato – 5,5
10. Giorgi Papunaşvili – 5,5
(21. Hacıağa Hacılı, 79) – qiymətsiz
70. İssa Cibrila – 5,0
(90. Davit Volkov, 46) – 6,5
23. Rafael Utziq – 5,5
17. Ayron Qomis – 6,0
19. Salifu Suma – 6,0
(3. Ange Mutsinzi, 90) – qiymətsiz
Ehtiyat oyunçular
97. Tyaqo Silva
41. Anar Nəzirov
14. Elçin Əlicanov
29. Ceyhun Nuriyev
15. Pyer Zebli
18. Martins Junior
Baş məşqçi: Rəşad Sadıqov
Komandanın ən yaxşısı: Davit Volkov

Qollar: C.Sekidika, 34 (1:0). D.Volkov, 63 (1:1).
Vərəqələr: A.Xaybulaev, 31 (qeyri-idman hərəkəti). İ.Lepinitsa, 60 (qeyri-idman hərəkəti). A.Seydiyev, 62 (qeyri-idman hərəkəti) – sarı.
Hakimlər: RƏŞAD ƏHMƏDOV (Mingəçevir). Rahil Ramazanov, Teymur Teymurov, Əli Əliyev (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Cəmil Quliyev (Bakı).
Hakim-inspektor: Ömər Paşayev (Bakı).
AFFA nümayəndəsi: Erkin Hüseynov (Bakı).
15 mart. Bakı. “Bank Respublika Arena”. 1000 tamaşaçı (8600 yerlik).
Birinci hissəyə 1, ikinci hissəyə 3 dəqiqə əlavə olunub.
Oyunun qiyməti: 6,0.

Mövsüm ərzində xeyli xal itkisiylə üzləşən “Sabah” paytaxt derbisində “Zirə”ni məğlub etməklə millinin oyunlarıyla bağlı fasiləyə xoş əhval-ruhiyyədə yollanmaq, “qartallar” isə ikinci pillədəki mövqeyini möhkəmləndirmək istəyirdi.

Təbii ki, “bayquşlar” məqsədinə çata bilmək üçün daha fərqli oyun göstərməyə məcbur idi. Axı “futbol ili” ərzində bir çox matçda ruhsuz görünən komanda qəsəbə təmsilçisinə qalib gəlmək üçün daha yaxşı oyun göstərməli, psixoloji baxımdan hazırlıqlı olmalıydı. Lakin Vasili Berezutskinin kollektivi bu dəfə də təəccübləndirmədi. Bunun əvəzində qonaqlar uzun müddət sonra fərqli oyun tərziylə diqqəti çəkdi. Daha doğrusu, demək olar ki, ilk yarım saat ərzində hər iki tərəf tutarlı hücum qurmaqdan çəkindi. Belədə ilk təhlükəli vəziyyəti izləmək 27-ci dəqiqədə qismət oldu. Burda Papunaşvili təxminən 30 metr məsafədən bəxtini sınadı ki, top Pokatilovun müdaxiləsindən sonra tirin üstündən şütüdü.

Bir qədər sonra cərimə meydançasındakı qarışıqlıqdan yararlanan Cesse hesabı açdı. Dəqiq desək, 34-cü dəqiqədə Umarali Lepinitsaya, sonuncu isə Xəyala ötürmə etdi. Təhlükəni dəf etmək istəyən Renato gənc hücumçuyla mübarizədən qalib ayrılsa da, top Sekidikanın önünə düşdü. Nəticədə fürsətdən maksimum yararlanan nigeriyalı komandasını sevindirdi. Növbəti təhlükəli vəziyyəti də meydan sahibləri yaratdı. Daha doğrusu, Amin 42-ci dəqiqədə Umaralinin cərimə meydançasına göndərdiyi topa toxuna bilmədi.

Hər halda, “Zirə”ni qəbul etdiyi son üç matçda fərqlənə bilməyən “bayquşlar” birinci hissədə uğursuz seriyaya son qoydu. İndi azı hesabı qorumaq lazım idi ki, ikinci yarı bu baxımdan düşərli olmadı. Sən demə, Rəşad Sadıqov Volkovu meydana buraxmaqla düzgün seçim edib. O başqa məsələ ki, qonaqlar gürcüstanlının fərqlənməsinə qədər daha bir fürsəti boşa verdi. 52-ci dəqiqədə topu Şafrankodan “oğurlayan” Qomis qüvvətli zərbəylə bəxtini sınadı və top tirin üstündən keçdi. Qəsəbə təmsilçisi arzusuna 63-cü dəqiqədə çatdı. Qismətin cərimə meydançasına göndərdiyi topu başla uzaqlaşdırmaq istəyən Xəyalın istiqaməti düzgün təyin edə bilməməsi Volkova ötürmə verməsiylə nəticələndi. Belədə təcrübəli hücumçu başla fərqləndi. İndi komandalar qələbə qolu üçün irəli atılmalıydı. Əslində 66-cı dəqiqədə künc zərbəsini yerinə yetirən qəsəbə təmsilçisi istəyinə çata bilərdi. Ona görə ki, Amin Qismətin cərimə meydançasına çatdırdığı topu bilmədən Akanın önünə atdı. Afrikalının qeyri-dəqiqliyi fürsətin əldən çıxmasıyla nəticələndi. “Sabah”ın 75-ci dəqiqədə vurduğu qol isə sayılmadı. Çünki topu Lepinitsadan qəbul etdikdən sonra tora qovuşduran Şafranko oyundankənar vəziyyətdə idi.

Ardınca komandalar daha bir neçə fürsəti boşa verdi. Yaddaqalan epizodlara gəlincə, Noqeyra qeyri-dəqiqlik üzündən komandasını məyus etdisə, 90+3-cü dəqiqədə “çərçivə”ni nişan almağa çalışan Eldara mane olmaqla günahını “yudu”. “Sabah”ın daha bir təhlükəli hücumu isə yarıda qaldı. Belə ki, cərimə meydançasının həndəvərində qərarlaşan Amin Anatolinin ötürdüyü topu qəbul etdikdən sonra final fitini eşitdiyi üçün ayaq saxladı. Beləcə matç “bayquşlar”ın etiraz səsini ucaltdığı anlarla başa çatdı. Görəsən, Masazır təmsilçisinin azarkeşləri böhran yaşayan komandalarına nə vaxt barmaq silkələyəcək?

Gözdən qaçmadı
* Rəşad Sadıqovun köməkçisi Nəriman Hüseynov 86-cı dəqiqədə hakimin qərarına etiraz etdiyinə görə sarı vərəqə aldı.
* Vasili Berezutski Rəşad Əhmədovun matçı bitirməsinə ciddi şəkildə etiraz etsə də, dördüncü hakim onu sakitləşdirməyə çalışdı.
* “Soldati di Sabah” və “Qartallar” fanklubları tribunalarda yerini almışdı.
* Matçdan sonra hamama yollanan futbolçular yuyunmağa isti su tapmadı.

KƏNAN BAHADIR