"Yaxşı nəticə qazanmaq üçün mübarizə aparacağıq" - İlqar Aslanov
“Hazırlıq plana uyğun şəkildə davam edir. Gün ərzində iki məşq keçirik. Çalışırıq fiziki hazırlığı yüksəldək, eyni zamanda taktiki planda tapşırıqlar yerinə yetiririk”.
"Football-plus.az" xəbər verir ki, bunu 19 yaşadək futzalçılardan ibarət millimizin baş məşqçisi İlqar Aslanov hazırda davam edən təlim-məşq toplanışı ilə bağlı danışarkən deyib. Mütəxəssis futbolçuların istəkli olduqlarını bildirib:
“2-3 nəfərin zədəsi var. Həkim çalışır ki, səfərə qədər onları müalicə etsin. Bu mərhələyə də 2-si qapıçı olmaqla ümumilikdə 12 futzalçı ilə yollanacağıq".
Baş məşqçi qarşılaşacaqları rəqiblərlə bağlı da fikirlərini bölüşüb:
“Bosniya və Hersoqovinanın iki oyununu izləmişik. Serbiya ilə matçın birində yenildilər, digərində qələbə qazandılar. Oyun üslubunu, zəif və güclü tərəflərini aydınlaşdırmağa çalışdıq. Xorvatiya və Türkiyə yığmaları haqda isə şifahi məlumatım var. Xorvatiya Avropanın ən güclülərindəndi və qrup oyunlarına ev sahibliyi edəcəklər. Türkiyə futzalı da son illərdə inkişafdadı.
İstənilən halda yaxşı nəticə qazanmaq üçün mübarizə aparacağıq. Bilirik ki, güc baxımından bu mərhələdə qarşılaşacağımız rəqiblərlə yanvarda üz-üzə gəldiyimiz komandalar müqayisə olunmayacaq dərəcədə fərqlidi”.
İstənilən halda yaxşı nəticə qazanmaq üçün mübarizə aparacağıq. Bilirik ki, güc baxımından bu mərhələdə qarşılaşacağımız rəqiblərlə yanvarda üz-üzə gəldiyimiz komandalar müqayisə olunmayacaq dərəcədə fərqlidi”.
Qeyd edək ki, Avropa çempionatının əsas mərhələsi çərçivəsində martın 26-da Bosniya və Hersoqovina, ertəsi gün Xorvatiya, martın 29-da isə Türkiyənin müvafiq yaş qrupuna aid komandası ilə qarşılaşacaq 19 yaşadək futzalçılardan ibarət millimiz 25-də qrup oyunlarının keçiriləcəyi Xorvatiyaya yola düşəcək.
