Kəpəz (Gəncə) – Qarabağ (Ağdam) 0:0
1. Rojerio Santos – 6,5
2. İlkin Qırtımov (k) – 5,5
7. Ehtiram Şahverdiyev – 5,5
(21. Camal Cəfərov, 46) – 5,5
12. Turan Manafov – 5,0
5. Rauf Hüseynli – 6,0
26. Valdemar Almeyda – 5,5
9. Luis Paçu – 5,5
(19. Sadiq Şəfiyev, 87) – qiymətsiz
29. Dioqo Verdaska – 5,5
28. Rati Ardazişvili – 5,5
(8. Elmir Tağıyev, 81) – qiymətsiz
3. Mahamadu Ba – 5,5
88. Şevroni Mabatşoyev – 6,0
(11. Trent Buhagyar, 81) – qiymətsiz
Ehtiyat oyunçular
22. Məmməd Hüseynov
18. Elgün Bayramov
99. Əli Səmədov
70. Nicat Süleymanov
6. Nemət Musayev
17. Ümid Səmədov
78. Yeqor Xvalko
10. Karim Lkoça
Baş məşqçi: Azər Bağırov
Komandanın ən yaxşısı: Rojerio Santos

1. Şahrudin Məhəmmədəliyev (k) – 5,5
24. Aleksey İsayev – 5,5
(19. Redon Cica, 77) – qiymətsiz
13. Bəhlul Mustafazadə - 5,5
27. Toral Bayramov – 6,0
90. Nəriman Axundzadə - 5,5
81. Kevin Medina – 6,0
66. Patrik Andrade – 5,5
(7. Yassin Benzya, 61) – 5,0
9. Kadi Borges – 6,5
2. Mateus Silva – 5,5
(29. Marko Veşoviç, 77) – qiymətsiz
21. Aleksey Kaşuk – 5,0
(15. Leandro Andrade, 61) – 5,0
11. Emmanuel Addai – 5,5
(10. Abdulla Zubir, 61) – 5,0
Ehtiyat oyunçular
99. Mateuş Koxalski
97. Fabian Buntiç
55. Bədavi Hüseynov
Baş məşqçi: Qurban Qurbanov
Komandanın ən yaxşısı: Kadi Borges

Vərəqələr: P.Andrade, 48 (qeyri-idman hərəkəti). T.Buhagyar, 83 (qeyri-idman hərəkəti). C.Cəfərov, 90+2 (qeyri-idman hərəkəti) – sarı.
Hakimlər: FƏRİD HACIYEV, Vüsal Məmmədov, Rəhman İmami (hamısı Bakı), Rəvan Həmzəzadə (Şəki).
VAR hakimi: Cavid Cəlilov (Bakı).
VAR hakiminin köməkçisi: Akif Əmirəli (Bakı).
Hakim-inspektor: Əmrah İbrahimov (Bakı).
AFFA nümayəndəsi: İlham Əliyev (Bakı).
15 mart. Tovuz. Şəhər stadionu. 1500 tamaşaçı (6800 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun qiyməti: 5,5.

“Qarabağ”la “Kəpəz”in statusları arasında indi çox böyük qeyri-bərabərlik işarəsi var.

Ölkə çempionatı ilə yaxından maraqlanan hər kəs indi uzaqbaşı ağdamlıların çempionluğu hansı turda qazanacağını düşünür. “Kəpəz” düşərgəsini düşündürən sual isə başqadı: elitada yerimizi qoruya biləcəyik, ya yox? Bəribaşdan deyək ki, Gəncə klubu çempiondan da xal almaqla bu yolda daha bir önəmli addım atdı.

Oyun başlayan kimi topa nəzarətin “Qarabağ”ın əlinə keçməsi təbii idi. Azərbaycan klublarından hansı bu rəqiblə oyunda fərqli ssenari cıza bilir ki?! İlk təhlükəli vəziyyət 4-cü dəqiqəyə təsadüf etdi. Sol cinahla irəliləyən Toral Bayramov Kadiyə doğru ötürmə versə də, braziliyalının zərbəsini Rojerio dəf etdi. 5 dəqiqə sonra Addai uzaqdan bəxtini sınadı, qapıçı yenə yerində idi. 13-cü dəqiqədə Kadinin künc zərbəsindən qapı qarşısına ötürməsini Medina başla tamamlamaq istəsə də, Rojerio bu dəfə də topun tora daxil olmasına mane ola bildi.

Nominal meydan sahiblərinin ifasında ilk təhlükəli vəziyyəti yalnız 40-cı dəqiqədə izlədik. Rauf Hüseynlidən ötürmə alan Ehtiramın zərbəsinə blok qoyuldu. Qayıdan topa yaxılaşan Mabatşoyev başla “çərçivə”ni nişan alsa da, Şahruddin yerində idi.
Ağdamlılar 2-ci hissəyə də hücumlarla başladı, lakim meydan sahibləri müdafiədə diqqətli idi. Hadisələrin axarından məmnun olmayan Qurban Qurbanov 61-ci dəqiqədə ilk ciddi müdaxiləsini etdi - Zubir, Leandro və Benzya oyuna qoşuldu.

Bu hissədə ilk təhlükəli vəziyyət 70-ci dəqiqədə yarandı. Zubir – Benzya – Axundzadə kombinasiyasında sonuncu qapını dəqiq nişan ala bilmədi. 72-ci dəqiqədə Toralın cərimə meydançasına ötürməsinin ardından Kadinin zərbəsi qeyri-dəqiq oldu. 5 dəqiqə sonra da braziliyalı topu qapıdan aralı vurdu. Oyun sona qədər daha çox “Qarabağ”ın hücumları şəraitində davam etsə də, hesab açılmadı. Və bu nəticəyə görə kiminsə narazı qaldığını deyə bilmərik.

İndiki “Kəpəz”in “Qarabağ”ı məğlub etməsi “boyundan yuxarı tullanmaq” olardı. O “Qarabağ”ı ki, addım-addım növbəti çempionluğa yaxınlaşır.

Gözdən qaçmadı
* Referi “Kəpəz”in baş məşqçisinə “sarı” göstərməyə gələn zaman Azər Bağırov üzünü tribunaya tərəf çevirdi.
* Sona yaxın Paçu əl hərəkəti ilə azarkeşlərin dəstəyi daha da artırmasını istədi.

ƏSƏD SEYİDOV