Çərşənbə axşamı 2018/19 avrokubok mövsümünün ilk püşkatma mərasimi keçirilib. Əvvəlcə Çempionlar Liqasında ilkin mərhələnin cütləri müəyyənləşib. Qeyd edək ki, yeni formatda keçiriləcək ÇL-də bu mərhələdə 4 komanda iştirak edəcək və onlardan yalnız 1-i növbəti mərhələyə adlayacaq. Yeni formata əsasən əvvəlcə iyunun 26-da yarımfinal görüşləri olacaq. Qaliblər 3 gün sonra final matçında üz-üzə gələcək və qələbə qazanan komanda adını birinci təsnifat mərhələsinə yazdıracaq. Həmin klub eyni zamanda Azərbaycan çempionu “Qarabağ”ın potensial rəqibinə çevriləcək. Məğlub 3 komanda isə Avropa Liqasının ikinci təsnifat mərhələsinə yollanacaq.
Çempionlar Liqası
Çempionlar yolu, ilkin mərhələ
yarımfinal, 26 iyun
FK Santa Koloma (Andorra) - Drita (Kosovo)
Fiorita (San Marino) - Linkoln (Cəbəllütariq)
final, 29 iyun
Fiorita (San Marino)/Linkoln (Cəbəllütariq) - FK Santa Koloma (Andorra)/Drita (Kosovo)
İlkin mərhələnin bütün oyunları Cəbəllütariqdəki “Viktoriya” stadionunda keçiriləcək.
Avropa Liqasında isə ilkin mərhələdə 14 klub 7 cüt təşkil edib. İlk görüşlər iyunun 28-də, cavab qarşılaşmaları iyulun 5-də oynanılacaq. Qalib gələn 7 komanda birinci təsnifat mərhələsindən mübarizəyə qoşulacaq təmsilçilərimizin - “Qəbələ”, “Neftçi” və “Keşlə”nin potensial rəqibləri olacaq.
Avropa Liqası
ilkin mərhələ
Europa (Cəbəllütariq) - Priştina (Kosovo)
San Xulia (Andorra) - Qzira Yunayted (Malta)
Enqordani (Andorra) - Folqore (San Marino)
B36 Torshavn (Farer adaları) – Sent Cozef (Cəbəllütariq)
Birkirkara (Malta) - Klaksvik (Farer adaları)
Tre Fiori (San Marino) - Bala Taun (Uels)
Sefn Druids (Uels) - Trakay (Litva)
MİRAĞA