Neftçi (Bakı) - Sumqayıt 1:0 (0:0)
93. Rza Cəfərov (k) - 6,0
8. Emin Mahmudov - 6,5
(18. Rinosuke Ohori, 82) - qiymətsiz
3. Höccət Haqverdi - 5,5
19. Azər Salahlı - 5,5
(20. Alfa Konte, 82) - qiymətsiz
4. Elvin Camalov - 6,0
14. Edvin Kuç - 5,5
(10. Filip Ozobiç, 82) - qiymətsiz
99. Ervin Koffi - 6,0
44. Yuri Matias - 5,5
24. Mustafa Sek - 5,5
9. Bassala Sambu - 5,0
(91. Ağadadaş Salyanski, 57) - 5,0
11. Aleks Fernandes - 5,0
(47. Murad Məmmədov, 57) - 5,0
Ehtiyat oyunçular
1. Emil Balayev
17. Rəhman Hacıyev
7. Azər Əliyev
90. Ramil Şeydayev
13. Emil Səfərov
23. Robert Bauer
22. Dembo Darbo
Baş məşqçi: Samir Abasov
Komandanın ən yaxşısı: Emin Mahmudov

1. Mehdi Cənnətov - 5,5
14. Elvin Bədəlov (k) - 5,0
7. Rövlan Muradov - 5,0
(2. Sərtan Taşkın, 86) - qiymətsiz
17. Murad Xaçayev - 5,5
20. Ayxan Süleymanlı - 5,0
(8. Səbuhi Abdullazadə, 72) - 4,5
19. Roy Kehat - 5,0
95. Miloş Miloviç - 5,0
12. Georgi Karaişvili - 5,0
11. Momo Yansane - 5,5
(9. Bobir Abdixolikov, 62) - 5,0
60. Tresor Mossi - 5,5
77. Casurbek Caloliddinov - 6,0
(23. Ronaldo Vaskes, 86) - qiymətsiz
Ehtiyat oyunçular
94. Rəşad Əzizli
36. Xəyal Fərzullayev
6. Vüqar Mustafayev
30. Kamran Quliyev
21. Nihad Əhmədzadə
24. Sənan Muradlı
75. Nadir Orucov
Baş məşqçi: Vaqif Cavadov
Komandanın ən yaxşısı: Casurbek Caloliddinov

Qol: F.Ozobiç, 90+3-p.
Vərəqələr: R.Kehat, 35 (qeyri-idman hərəkəti). C.Caloliddinov, 41 (qeyri-idman hərəkəti). S.Abdullazadə, 90+5 (hakimin qərarına etiraz) - sarı.
Hakimlər: TURAL QURBANOV, Asiman Əzizli, Kərim Zeynalov, Əli Əliyev (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Elşad Abdullayev (Bakı).
Hakim-inspektor: İmanxan Sultani (Bakı).
AFFA nümayəndəsi: Rüfət Əmirov (Bakı).
21 fevral. Bakı. “Neftçi Arena”. 200 tamaşaçı (11000 yerlik).
Yalnız ikinci hissəyə 5 dəqiqə əlavə olunub.
Oyunun qiyməti: 6,0.

Məni nə stadionun boş tribunaları təəccübləndirdi, nə də komandaların oyun tərzi. Kəskin və qarlı hava şəraitinin Bakı küçələrini hakimiyyəti altına aldığı saatlar üçün başqa cür mənzərə düşünmək sadəlövhlük olardı.

Düzdü, matçın baş tutması üçün xeyli tədbir görülmüşdü. Top da qırmızı rəngdə idi, meydançanın ağ görməyə öyrəşdiyimiz xətləri də. Komandalar yetərincə ehtiyatlı oyunla yadda qaldı. Zədədən qorunmaqla yanaşı, sərfəli nəticəyə nail olmaq istəyən futbolçular ara-sıra hücum cəhdləriylə cansıxıcı dəqiqələrə həyəcan qatmağa çalışsa da, matçın əsas vaxtında qol qeydə alınmadı. Baxmayaraq ki, bir neçə epizodda buna xeyli yaxınlaşdılar. İlk tutarlı hücumun müəllifi olan "kimyaçılar" 3-cü dəqiqədə Casurbekin qapıya zərbəsi sayəsində hesabı aça bilərdi ki, Rza yerində idi.

Bir qədər sonra Momo Casurbekin cərimə meydançasının önünə göndərdiyi topu yiyələnməkdə çətinlik çəkdi. Elvinin dərhal təzyiq göstərdiyi futbolçu topu düzgün yönəltməyə fürsət tapsaydı, bəlkə hər şey başqa cür olacaqdı. Ardınca Sambu Koffinin uzaqdan ötürməsi sayəsində yaranan imkanı dəyərləndirə bilmədi. Dəqiq desək, ingiltərəli Mossini aldatsa da, Mehdiylə təkbətək mübarizədən məğlub ayrıldı. 24-cü dəqiqədə "Neftçi"nin daha bir yeni transferi özünü yaxşı tərəfdən göstərməyə cəhd etdi. Debüt matçında fərqlənmək eşqinə düşən Aleks Mehdini "nişan aldı".

Ruhdan düşməyən braziliyalı ikinci cəhddə də eyni aqibətlə üzləşdi. O, bu dəfə Eminin ötürməsini qapıya qeyri-dəqiq zərbə ilə tamamladı. Aleksin 33-cü dəqiqədə qeydə alınan üçüncü cəhdi isə Muradın kritik müdaxiləsinə tuş gəldi.

İkinci hissənin təhlükəli anları Sekin yöndəmsiz qapıyazərbəsiylə start götürdü. Ardınca Kuç komanda yoldaşının uğursuzluğunu təkrarladı. Düzü, burda komandaların yorulduğu hiss olunur, zərbələr effektiv alınmırdı. Qarlı, ağır qazonu da nəzərə alsaq, bəlkə də oyunçuları qınamaq yerinə düşməz. Amma bunu Tural Qurbanova aid etməyək. Referi 77-ci dəqiqədə cərimə meydançasının daxilində Casurbeki yerə sərən Seki əfv etsə də, 90+2-ci dəqiqədə Ağadadaşı həmin mövqedə yıxan Elvini bağışlamadı və dərhal "nöqtə"ni göstərdi. Topa yaxınlaşan Ozobiçin "çərçivə"ni dəqiq nişan alması matçın taleyini həll etdi. Beləliklə, "Sumqayıt"ın bir kubok matçı da daxil olmaqla qələbəsiz və qolsuz oyunlar seriyası 9-a çatdısa, "Neftçi" 6-cı sıradakı yerini möhkəmlətdi.

Gözdən qaçmadı
* "Sumqayıt"dan Bobir Abdixolikov, "Neftçi"dən Aleks Fernandes debüt etdi
* Samir Abasov 62-ci, Vaqif Cavadov 79-cu dəqiqədə hakimin qərarına etiraz etdiyinə görə "sarı" aldı
* "Sumqayıt" səfərdə dəstəksiz qaldı. "Neftçi" qələbəsini "Forza Neftçi"ylə qeyd etdi.

KƏNAN BAHADIR