Premyer-liqa klubları heyətlə bağlı çalışmaları davam etdirir. Ölkəmizi Avroliqada təmsil edəcək "Neftçi" də bu mənada müəyyən addımlar atıb. İqnasio Errera, Rəşad Sadiqov və Elnur Cəfərovla yolları ayıran "ağ-qaralar" Ruslan Abışovla bağlı fərqli qərar verib. Belə ki, kapitan daha iki il “flaqman”ın şərəfini qoruyacaq. Artıq klubla futbolçu arasında bununla bağlı razılıq əldə olunub.
Yeri gəlmişkən, "Neftçi"nin hələ də baş məşqçi məsələsi açıq qalır. Bu posta bir neçə namizəd olsa da, son qərar böyük ehtimalla bu həftə veriləcək.
FARİZ