Sumqayıt – Araz-Naxçıvan 0:0
1. Mehdi Cənnətov – 6,0
14. Elvin Bədəlov (k) – 5,0
(2. Sertan Taşkın, 83) – qiymətsiz
7. Rövlan Muradov – 5,0
17. Murad Xaçayev – 5,0
8. Səbuhi Abdullazadə - 5,5
20. Ayxan Süleymanlı – 5,5
(24. Sənan Muradlı, 83) – qiymətsiz
19. Roy Kehat – 5,0
12. Georgi Karaişvili – 5,5
(60. Tresor Mossi, 83) – qiymətsiz
11. Momo Yansane – 5,0
(21. Nihad Əhmədzadə, 90) – qiymətsiz
5. Alan Dias – 5,0
77. Casurbek Caloliddinov – 5,0
(30. Kamran Quliyev, 62) – 4,5
Ehtiyat oyunçular
94. Rəşad Əzizli
36. Xəyal Fərzullayev
41. Uğur Cahangirov
29. Qabil Əlizadə
66. Ruslan Əliyev
75. Nadir Orucov
95. Miloş Miloviç
Baş məşqçi: Vaqif Cavadov
Komandanın ən yaxşısı: Mehdi Cənnətov

12. Kristian Avram – 5,5
5. Qara Qarayev – 5,0
34. Urfan Abbasov (k) – 5,0
2. Slavik Alxasov – 5,0
(7. Ülvi İsgəndərov, 87) – qiymətsiz
24. Mustafa Əhmədzadə - 5,0
(6. Vadim Abdullayev, 74) – qiymətsiz
16. Ramon Maçado – 6,0
21. Sezar Meza Kolli – 4,5
(23. Nuno Rodriges, 46) – 4,5
29. Vanderson Melo – 5,0
(10. Bernardo Dias, 74) – qiymətsiz
17. İssuf Paro – 5,5
4. İqor Ribeyro – 5,0
97. Felipe Santos – 4,5
(14. Miço Kuzmanoviç, 46) – 4,5
Ehtiyat oyunçular
94. Tərlan Əhmədli
99. Raul Əhmədzadə
22. Elçin Mustafayev
20. Turan Vəlizadə
71. Sənan Ağalarov
57. Elcan Məmmədov
8. Karlos Jatoba
Baş məşqçi: Elmar Baxşıyev
Komandanın ən yaxşısı: Ramon Maçado

R.Muradov 10-cu dəqiqədə penaltidən yararlana bilməyib (qapıçı).
Vərəqələr: E.Bədəlov, 47 (qeyri-idman hərəkəti). V.Melo, 53 (qeyri-idman hərəkəti). S.Abdullazadə, 69 (qeyri-idman hərəkəti). S.M.Kolli, 69 (qeyri-idman hərəkəti). R.Maçado, 69 (qeyri-idman hərəkəti). İ.Ribeyro, 89 (oyunun bərpasının ləngidilməsi). A.Dias, 90 (qeyri-idman hərəkəti) – sarı.
Hakimlər: CAVİD CƏLİLOV, Müslüm Əliyev, Eyyub İbrahimov, Kamran Əliyev (hamısı Bakı).
VAR hakimi: Əliyar Ağayev (Bakı).
VAR hakiminin köməkçisi: Zeynal Zeynalov (Bakı).
Hakim-inspektor: Ömər Paşayev (Bakı).
AFFA nümayəndəsi: Anar Şixəliyev (Bakı).
1 fevral. Sumqayıt. Mehdi Hüseynzadə adına şəhər stadionu. 900 tamaşaçı (9502 yerlik).
Birinci hissəyə 3, ikinci hissəyə 5 dəqiqə əlavə olunub.
Oyunun qiyməti: 5,5.

Sumqayıta – matçın keçiriləcəyi “Mehdi Hüseynzadə”yə yollanarkən istər-istəməz düşünürdüm ki, son dörd oyunda cəmi bir qol vuran, həmin maçların yalnız birində qələbə qazanan və “Zirə”nin ikinci pilləyə doğru sürət yığdığını dərk edən “Araz-Naxçıvan” mütləq qələbə qazanacaq. Özü də qol yox, qollarla. Bu üzdən məni qınamaq fikrinə düşən sumqayıtlılarln nəzərinə çatdırım ki, günahkar deyiləm! Ona görə ki, “kimyaçılar” son 4 matçda nəinki qələbə qazanmış, heç qol da vura bilməmişdi. Belədə heyətlərin müqayisəsiylə bağlı şərt işə düşdü ki, qonaqları matçın aşkar favoriti saydım. Əlbəttə, futbolun sürprizlərini də istisna etmirdim.

Elə belə də oldu. Dəqiq desəm, “Sumqayıt” yaxşı, “Araz-Naxçıvan” pis mənada təəccübləndirdi. Təbii ki, Rövlanın yerinə yetirə bilmədiyi penaltini saymasaq. Əslində buna bəxtsizlik də demək olar. Ona görə ki, 6-cı dəqiqədə Qara Karaişvilinin boş qapıdan keçirmək istədiyi topu kənarlaşdırmaqla komandasını xilas etdi. Ardından Diasın cərimə meydançası daxilindən “çərçivə”yə göndərmək istədiyi top Paronun əlinə dəydi. Hakim əvvəl oyunu davam etdirsə də, Diasın israrlı etirazından və VAR-ın müdaxiləsindən sonra epizopdu incələdi və qonaqların əleyhinə penalti təyin etdi.

10-cu dəqiqədə topun arxasına keçən Rövlan isə Avramla mübarizədən məğlub ayrıldı. Bir qədər sonra meydan sahiblərinin yeni forvardı fərqlənməyə yaxın olsa da, həm qeyri-dəqiq oynadı, həm də ofsayd qeydə alındı. 20-ci dəqiqədə Ramon hesabı açmaq eşqinə düşdü ki, Mehdi buna imkan vermədi. Növbəti dəqiqələr “qırmızı-ağlar”ın müdafiə xəttində buraxdığı səhvlərlə yadda qaldı. Fürsətdən yararlanmaq istəyən “kimyaçılar”ın ardıcıl hücumları isə işə yaramadı. Daha doğrusu, Karaişvili, ardından Rövlən, Səbuhi və Ayxan qeyri-dəqiq oynadı. Caloliddinovun 39-cu dəqiqədə topu uzaqdan tora qovuşdurmaq arzusu isə Avramın ayıq-sayığlığı sayəsində reallaşmadı. Naxçivanlılar bu ərəfədə qədər yalnız bir təhlükəli epizoda imza atdı – 41-ci dəqiqədə Meza Kollinin qol müəllifi olmaq istəyinə Ayxanın həlledici müdaxiləsi mane oldu.

İkiinci hissə Muxtar Respublika təmsilçisinin hegomonluğu şəraitində keçdi. Elə ilk hesabı açmaq cəhdi də “Araz-Naxçıvan”ın payına düşdü. 56-cı dəqiqədə Melo yöndəmsiz zərbə üzündən hesabı açmaq şansını əldən verdi. Qonaqların ikinci cəhdi Mehdinin müdaxiləsiylə uğursuzluğa düçar oldu. Qolkiper Melonun yaxın məsafədən “çərçivə”yə göndərmək istədiyi topu dərhal uzaqlaşdırdı. Qapıçı 62-ci dəqiqədə növbəti dəfə özünü yaxşı tərəfdən göstərdi. O, topu Ramonun ayaqlarından “oğurlamaqla” komandasını qoldan xilas etdi.

Bir qədər sonra Urfanın uzaqdan zərbəsini asanlıqla dəf edən “əlcək sahibi” 80-ci dəqiqədə Slaviklə təkbətək mübarizədən də qalib ayrıldı. Çox keçmədən Bernardo Diası da kritik müdaxilə sayəsində məyus edən qolkiper komandasının qəhrəmanına çevrildi. “Qırmızı-ağlar” final fitinə qədər hesabı açmaq cəhdlərindən vaz keçmədi. Sonuncu belə epizod 90+1-ci dəqiqəyə təsadüf etdi ki, Kuzmanoviç fürsəti əldən verdi. Beləliklə, “Araz-Naxçıvan”ın ikinci pillədəki yeri bir qədər də silkələndi. “Sumqayıt” isə avrokuboklar uğrunda mübarizəyə qoşulmaqdan bir qədər də uzaqlaşdı.

Gözdən qaçmadı
* “UltraSumqayıt” və “Kimyaçılar” tribunalarda idi. “Araz-Naxçıvan” isə həmişəki kimi dəstəksiz qaldı.

KƏNAN BAHADIR