Araz-Naxçıvan – Neftçi (Bakı) 2:1 (1:0)
12. Kristian Avram – 6,0
2. Slavik Alxasov – 6,0
4. İqor Ribeyro – 5,5
17. İssuf Paro – 6,0
34. Urfan Abbasov (k) – 6,5
5. Qara Qarayev – 5,5
29. Vanderson Melo –6,0
24. Mustafa Əhmədzadə - 5,5
(6. Vadim Abdullayev, 74) – 4,5
97. Felipe Santos – 6,0
(10. Bernardo Dias, 74) – 4,5
23. Nuno Rodriqes –5,5
(14. Miço Kuzmanoviç, 68) – 5,0
16. Ramon Maçado – 7,0
(7. Ülvi İsgəndərov, 90+1) – qiymətsiz
Ehtiyat oyunçular
94. Tərlan Əhmədli
99. Raul Əhmədzadə
22. Elçin Mustafayev
20. Turan Vəlizadə
71. Sənan Ağalarov
57. Elcan Məmmədov
21. Sezar Meza Kolli
8. Karlos Jatoba
Baş məşqçi: Elmar Baxşıyev
Komandanın ən yaxşısı: Ramon Maçado

1. Emil Balayev (k) – 5,5
3. Höccət Haqverdi – 5,0
44. Yuri Matias – 5,5
4. Elvin Camalov – 6,0
24. Mustafa Sek – 5,5
(19. Azər Salahlı, 46) – 5,5
13. Emil Səfərov – 5,0
(10. Filip Ozobiç, 46) – 6,5
8. Emin Mahmudov – 6,0
23. Robert Bauer – 5,5
(88. Andrey Ştoqrin, 86) – qiymətsiz
47. Murad Məmmədov –5,0
(20. Alfa Konte, 46) - 5,0
77. Yeqor Boqomolski – 5,0
(91. Ağadadaş Salyanski, 46) – 5,5
90. Ramil Şeydayev – 5,5
Ehtiyat oyunçular
93. Rza Cəfərov
30. Rustam Samiqullin
7. Azər Əliyev
78. Elcan Əbilov
14. Edvin Kuç
99. Ervin Koffi
18. Rinosuke Ohori
Baş məşqçi: Samir Abasov
Komandanın ən yaxşısı: Filip Ozobiç

Qollar: V.Melo, 29 (1:0, S.Alxasov). R.Maçado, 64 (2:0). F.Ozobiç, 68 (2:1, E.Mahmudov).
Vərəqələr: Y.Boqomolski, 20 (qeyri-idman hərəkəti). Q.Qarayev, 44 (qeyri-idman hərəkəti). F.Santos, 73 (qeyri-idman hərəkəti). R.Şeydayev, 73 (qeyri-idman hərəkəti). İ.Paro, 90+4 (qeyri-idman hərəkəti) – sarı.
Hakimlər: RAUF CABBAROV, Zöhrab Abbasov, Teymur Teymurov, Elvin Bayramov (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Namiq Hüseynov (Bakı).
Hakim-inspektor: İmanxan Sultani (Bakı).
AFFA nümayəndəsi: Elçin Mehtiyev (Bakı).
26 yanvar. Bakı. “Liv Bona Dea Arena”. 400 tamaşaçı (6500 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 6,0.

Mövsümə möhtəşəm başlayan, lakin son turlarda zəif çıxış edən “Araz-Naxçıvan” 3 oyundu məğlub olmayan “Neftçi”ni qəbul etdi. Mümkün qələbə tərəflərdən hər birinə turnir mövqeyini yaxşılaşdırmaq baxımından vacib idi. Matça maraq o qədər də böyük deyildi. Tribunalarda “ağ-qaralar”ın sadiq azarkeş qrupu “Forza Neftçi” və bir qrup naxçıvanlı var idi. Hər iki qrup sona qədər sevimlilərinə dəstək verdi.

İlk dəqiqələrdə nə “Araz-Naxçıvan”, nə də “Neftçi” təhlükəli vəziyyət yarada bildi. Komandalar bəzən qısa, bəzən də uzun ötürmələrlə hücum qurmağa çalışırdı. İlk təhlükəli vəziyyət 27-ci dəqiqədə nominal meydan sahibləri yaratdı. Felipenin uzaq küncə ötürməsini Alxasov bir toxunuşla Vandersona qaytardı. Melonun zərbəsi zamanı ölkə çempionatında 100-cü oyununu keçirən Emil Balayev yerində idi. Cəmi 2 dəqiqə sonra “qırmızı-ağlar” hesabı açdı. Slavikin küncə zərbəsindən qapı qarşısına ötürməsini Vanderson Melo qolla ilə tamamladı – 1:0. 35-ci dəqiqədə “Araz-Naxçıvan” fərqi artırmağa yaxın oldu. Höccətdən topu “oğurlayan” Felipe Ramonu zərbə mövqeyinə çıxardı, ancaq Maçadonun zərbəsini Sek blokladı. 43-cü dəqiqədə “qırmızı-ağlar” növbəti əla imkanı boşa verdi. Urfanın cərimə meydançasına ötürməsinin ardından Mustafa qeyri-dəqiq zərbə vurdu.

İkinci hissədə də gərgin mübarizə getdi. 56-cı dəqiqədə Elvin Camalovdan yayınan Vanderson Melonun zərbəsinə blok qoyuldu. Qayıdan top yaxınlaşan Slavik uzaqdan bəxtini sınasa da, top qapıdan aralı keçdi. 64-cü dəqiqədə Maçado bir qədər irəliləyib sağ cinahdan hücuma qoşulan Urfana doğru ötürmə verdi. Urfanın cərimə meydançasına ötürməsinin qarşısını Camalov alsa da, top Maçadonun önünə düşdü. O isə dəqiq zərbə ilə topu tora qovuşdurdu – 2:0. Çox keçmədən “Neftçi” qollardan birinin əvəzini çıxdı. Ağadadaş – Emin - Ozobiç kombinasiyasını sonuncu dəqiq zərbə ilə tamamladı – 2:1. Son dəqiqələrdə “ağ-qaralar” bir qədər fəallaşsa da, məğlubiyyətdən qaçmaq mümkün olmadı. Ölkənin ən zəngin tarixə malik klubu indi autsayderlər sırasındadı. Nə qədər qəribə olsa da, reallıq beləd. İş ondadı ki, tunelin sonunda işıq da görünmür. Samir Abasov isə hər uğursuzluqdan sonra özündən başqa az qala hər kəsi suçlayır. Görəsən, nə vaxta qədər belə olacaq?

Gözdən qaçmadı
* Oyundan öncə “Qarabağ”ın fəxri prezidenti Abdolbari Gözəlin xatirəsi birdəqiqəlik sükutla yad olundu.
* Naxçıvanlı azarkeşlər oyundan öncə Qara Qarayevi dəstəkləyərkən “Forza Neftçi”də alqışlara qoşuldu.

ƏSƏD SEYİDOV