U-20-nin ardından 21 yaşadək futbolçulardan ibarət yığma da təlim-məşq toplanışına başlayıb. Gənclər millisi iyunun 9-dək bir arada olacaq. Rəşad Sadıqov hazırlığa 26 futbolçu cəlb edib. Qeyd edək ki, komandamız hazırlıq çərçivəsində iyunun 4-də Astanada Qazaxıstanın, iyunun 8-də isə “Dalğa Arena”da Macarıstanın müvafiq yaş qrupundan ibarət millisi ilə yoldaşlıq oyunu keçirəcək. Sadıqov qarşıdakı matçlarda bu futbolçuları sınaqdan keçirəcək: Kamran İbrahimov, Ömər Buludov, Anton Krivotsyuk, Elvin Sərkərov (hamısı “Neftçi”), Amin Seydiyev, Rüstəm Nuriyev, Qismət Alıyev, Hacıağa Hacılı (hamısı “Qəbələ”), Hüseynəli Quliyev, Şakir Seyidov, Fəhmin Muradbəyli (hamısı “Səbail”), Bəhlul Mustafazadə, Ehtiram Şahverdiyev (hər ikisi “Sumqayıt”), Abdulla Seyidəhmədov, İlkin Muradov (hər ikisi “Zirə”), Murad Mahmudov, Renat Dadaşov (hər ikisi “Ayntraxt”, Frankfurt/Almaniya), İbrahim Hüseynov, Tural Bayramov (hər ikisi “Qarabağ”), Sərtan Taşkın (Keşlə), İsmayıl İbrahimli (MOİK), Ziya Əzizov (“Den Boş”, Hollandiya), Fərid Nəbiyev (“Şevardeni 1906”, Gürcüstan), Ozan Can Kökcü (“Valveyk”, Hollandiya), Rövlan Muradov (“Slaviya”, Çexiya), Budaq Nəsirov (“Sportinq”, Portuqaliya).
