“Səbail”də sürpriz təyinat: Aftandil Hacıyev baş məşqçi oldu
On futbolçuyla yollar ayrıldı
Premyer-liqanın iki iştirakçısı – “Səbail” və “Sumqayıt” arasında bənzərlik çoxdu. Söhbət təkcə adlarının eyni hərflə başlamasından getmir. Başa çatan mövsümdə hər iki komandanı adaş olan mütəxəssislər çalışdırdı. Maraqlıdı ki, hər ikisi çempionat bitən kimi istefa verdi. Elə heyətlərindəki əsaslı dəyişikliklərdə də bənzərlik tapmaq olar. Ancaq bu haqda bir qədər sonra.
Dünən “Səbail”in baş məşqçi vəzifəsinə gözlənilməz təyinat rəsmiləşdi. Samir Əliyevin xələfinin daha təcrübəli sima olacağını gözləyənlər yanıldı. Sabiq yığma üzvünü vaxtilə millidə çıxış etmiş başqa veteran futbolçu əvəzlədi. Söhbət illərdi “Qarabağ”ın əvəzedicilərini çalışdıran Aftandil Hacıyevdən gedir. 36 yaşlı mütəxəssis bir müddət öncə 21 yaşadək futbolçulardan ibarət yığmamızda Rəşad Sadıqovun köməkçisi olmuşdu. Çox güman, məşqçi-futbolçu Hacıyevin yerinə başqa köməkçi tapmalı olacaq. “Səbail” yeni çalışdırıcısıyla “2+1 illik” şərti ilə müqavilə bağlayıb. Aftandil bəy ilk dəfə premyer-liqa komandasını çalışdıracaq. Bunadək Hacıyevin ən böyük uğuru “Qarabağ”ın əvəzedicilərini çempion etməsidi. Qısası, bu təyinat yetərincə riskli görünür. Hətta bir qədər də irəli gedib, deyə bilərik ki, “Səbail”in azsaylı azarkeşləri indidən növbəti mövsümlə bağlı böyük xəyallar qurmaya bilər. Seçilmiş strategiya onu göstərir ki, hədəf maksimum autsayder olmamaq və daha da təcrübə toplamaqdı. Çox güman, növbəti mövsümün büdcəsi də böyük olmayacaq.
Heyətdə də “təmizlik” əməliyyatına start verilib. Artıq 10 futbolçuyla yollar ayrılıb. Bunlardan ən çox diqqəti çəkən Faruk Miya və Yevgeni Koçukdu. Bu futbolçuların icarə müqaviləsinin müddəti başa çatdığı üçün geri qayıdıb. Adı “Neftçi”ylə yanaşı hallanan Miyanın premyer-liqada 2 qol və 2 məhsuldar ötürmə müəllifi olduğunu qeyd edib, keçək başqalarına. Müqavilələri başa çatan daha 6 futbolçu sərbəst buraxılıb. Söhbət Elman Taqayev, Ayrton Stati, Nikolos Apakidze, Murad Ağayev, Vahit Orazsahedov və Nurlan Novruzovdan gedir. Bundan başqa Raul Yaqubzadə və Kərim Diniyevlə qarşılıqlı razılıq əsasında müqaviləyə xitam verilib. “Yarpaq tökümü”nün davam edəcəy, Rahil Məmmədovun da yolçu olacağı gözlənilir. Gəzən söz-söhbətlərə görə, Qurban Qurbanov “Neftçi”nin yetirməsini “Qarabağ”a aparmaq istəyir. Ancaq bu variant hələ ki ehtimal olaraq qalır.
Mətbuatda “Səbail”in əvəzedicilərini ölkə çempionu edən Elman Sultanovun da işdən çıxarılması haqda məlumatlar yayılıb. Ancaq buna məntiqi izah tapmaq çətin idi. Debüt ilində komandaya titul qazandıran mütəxəssislə niyə yollar ayrılsın ki?! Çox keçmədən xəbərin əsassız olduğu üzə çıxdı. “Səbail”in mətbuat katibi Törə Əhmədova Sultanovun komandadan ayrılması xəbərinin həqiqəti əks etdirmədiyini bildirdi.
Bu arada “Səbail” mövsümün yekunuyla bağlı tədbir keçirib. Gecədə klub nominasiyaları üzrə qaliblərin adları açıqlanıb. Klubun sosial şəbəkələrində keçirdiyi səsvermənin yekunlarına görə, azarkeşlərin rəyinə əsasən ən yaxşı oyunçu Fəhmin Muradbəyli, məşqçilərin və əsas heyət oyunçularının rəyinə əsasən isə mövsümün ən yaxşı futbolçusu Yevgeni Koçuk seçilib.
SƏRXAN

Son xəbərlər

İspaniya Almaniyaya qarşı - YENİLƏNİR

“Yaponiya son 20 dəqiqədə göstərdi ki...”

Mbappe bu 3 əfsanəni geridə qoydu

Levandovski ən yaxşı seçildi

Lukaku Belçikanın heyətinə qayıdır

Neymar ilə Danilonun aqibəti müəyyənləşdi

Sərdar Azmun azərbaycanlıdı? - ARAŞDIRMA

Ronaldo rekordlardan doymur

Valensiya DÇ tarixində bunu bacaran 4-cü futbolçu oldu

Sərdar Azmundan ''Fənərbaxça'' etirafı

Hakim Cavid Hüseynova hansı sözünə görə qırmızı vərəqə verib? - AÇIQLAMA

Mundiallar tarixində 3-cü qapıçı oldu

Milli komandanın yeni rekordçusu oldu

Fransalı oyunçu sıraya döndü

Dünya çempionatında ardıcıl 8-ci məğlubiyyət

Azarkeç DÇ-nin oyunu zamanı dünyasını dəyişdi

İdmançımız dünya oyunlarında gümüş medal qazandı

Dünya çempionatının finalında İT menecer olacaq azərbaycanlı ilə MÜSAHİBƏ

Tofiq Həbibin qohumu ilə döyüşmək istəyir

Məşqçisi Cokoviçin sirrini açdı

Oğul Rafael ata Rafaelin həyatını dəyişib

Azərbaycan çempionatının keçirilmə vaxtı açıqlandı

"Qarabağ" - "Zirə" matçının biletləri satışa çıxarılır

Prezident cinsi zorakılıqda suçlandı və istefa verdi

15-ci turun təyinatları bəlli oldu

Azərbaycan klubu dünya çempionatında oynayan futbolçunu transfer etmək istəyir

Mundialla erkən vidalaşdı

Entoni Devis klub rekordunu təkrarladı

Veteran futbolçu dünyasını dəyişdi

Ernandes əməliyyat olundu

Saniyədə 20 min paylaşım!

Bu dəfə himni oxudular, fitə basıldılar

Oveçkin 790-a çatdı

İdmançımız qızıl medal qazandı

Antonun komandasından növbəti qələbə

Ronaldoya daha bir müştəri

Niderland Ekvador matçında qollu sülh - VİDEO

“Çikaqo” “Boston”un qələbə seriyasını qırdı

Ponomaryov: “Bu mövsüm qarşımıza əsas məqsəd kimi çempionluq uğrunda mübarizəni qoyduq” - MÜSAHİBƏ

Qətər - Seneqal matçında 4 qol - VİDEO

"Kuboku qazanmaq istəyirik" - "Səbail"in futbolçusu

"Bu bizi qətiyyən qorxutmur" - Mirabdulla Abbasov

Fərid Qayıbov olimpiya idman komplekslərinin rəhbərləri ilə görüşdü

Mundiallar tarixində ilk

Cokoviç özünü hamıdan yaxşı sayır

Bütün xəbərlər