Sizin reklam burada

Turun oyunçusu

Title
Turun oyunçusu
Aleksandr Dedov (Zirə)
Premyer-liqanın son turu çərçivəsində prinsipial qarşılaşmalar baş tutdu. Nəticəsi ən çox maraq doğuran oyun isə “Kapital Bank Arena”da gerçəkləşdi. “Sumqayıt”la “Zirə” Avroliqaya son şansını itirməmək uğrunda döyüşdülər. “Qartallar” qalib gəlməklə həmin hədəfi reallaşdırdı. Qəsəbə təmsilçisi hesabda geri düşsə də, əzmkar qələbə qazandı. Qonaqların heyətində həmin oyunun ən yaxşısı Aleksandr Dedov idi. “Sumqayıt” ilk yarıda hesabı açdıqdan sonra bəlkə də çoxları “Zirə”nin işinin bitdiyini düşünürdü. Ancaq səhnəyə Aleksandr Dedov çıxdı və onun baxımlı qolu qəsəbə təmsilçisinə yenidən həyat verdi. Ümumiyyətlə, moldovalı futbolçu irəli xətdə xeyli iş gördü, yorulmadan mübarizə apardı, rəqib müdafiəçilərin rahat nəfəs almasına imkan vermədi və taleyüklü matçda qazanılan qələbədə əsas pay sahibi oldu.
Football-plus.az Məlumatlardan yararlandıqda istinad vacibdi. ✔ Məlumatlardan internet səhifələrində yararlanarkən müvafiq keçidin qoyulması vacibdi.