Şamaxı – Sabah (Bakı) 3:1 (1:1)
1. Rikardo Fernandes – 5,5
17. Rafael Məhərrəmlİ – 6,0
(80. Zahid Mərdanov, 90) – qiymətsiz
5. Arsen Ağcabəyov – 5,0
(60. Səbayıl Bağırov, 53) – 5,0
6. Rauf Rüstəmli – 5,5
82. Rüfət Abbasov – 5,5
24. Edqar Adilxanov – 6,5
(11. Conatan Benteke, 80) – qiymətsiz
32. Vasiliye Radenoviç – 5,5
20. Leroy Mikels (k) – 6,5
93. Brahim Konate – 5,5
9. Belajdi Pusi – 7,0
(22. Qurban Səfərov, 90) – qiymətsiz
66. Vasiliye Bakiç – 5,0
Ehtiyat oyunçular
85. Kamal Bayramov
62. Abdulla Seydəhmədov
10. Emin Zamanov
13. Ramin Əhmədov
19. Fəxri Məmmədli
Baş məşqçi: Ayxan Abbasov
Komandanın ən yaxşısı: Belajdi Pusi

1. Yusif İmanov – 5,0
10. Namik Ələskərov (k) – 5,0
(6. Abdulax Xaybulaev, 63) – 4,5
17. Tellur Mütəllimov – 5,0
(12. Vinsent Till, 73) – 4,5
9. Anatoli Nuriyev – 5,5
(2. Amin Seydiyev, 46) – 5,0
8. Ayaz Quliyev – 5,0
7. Boyan Letiç – 5,0
(20. Coy-Lens Mikels, 63) – 5,0
18. Pavol Şafranko – 6,0
40. İqor Noqeyra – 5,0
70. Cesse Sekidika – 5,0
3. Con İrasabal – 5,0
11. Kahim Parris – 5,0
(99. Neqoş Kupusoviç, 78) – qiymətsiz
Ehtiyat oyunçular
55. Nicat Mehbalıyev
94. Rəvan Mirzəmmədov
4. Elvin Camalov
5. Rəhman Daşdəmirov
77. Şakir Seyidov
88. Xəyal Əliyev
44. Sofian Çakla
Baş məşqçi: Vasili Berezutski
Komandanın ən yaxşısı: Pavol Şafranko

Qollar: E.Adilxanov, 23 (1:0). P.Şafranko, 38 (1:1, A.Nuriyev). B.Pusi, 55 (2:1, R.Məhərrəmli). L.Mikels, 62 (3:1, B.Pusi).
Vərəqələr: A.Seydiyev, 72 (qeyri-idman hərəkəti). R.Fernandes, 90+2 (oyunun bərpasının ləngidilməsi). V.Bakiç, 90+3 (qeyri-idman hərəkəti) – sarı.
Hakimlər: CAVİD CƏLİLOV, Kamran Bayramov, Müslüm Əliyev, Əli Əliyev (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Vüsal Məmmədov (Bakı).
Hakim-inspektor: Babək Quliyev (Bakı).
AFFA nümayəndəsi: Anar Şıxəliyev (Bakı).
22 dekabr. Şamaxı. Şəhər stadionu, 1000 tamaşaçı (2200 yerlik).
Birinci hissəyə 1, ikinci hissəyə 6 dəqiqə əlavə olunub.
Oyunun qiyməti: 6,5.

Bir tərəfdə son 11 oyunda qələbə qazana bilməyən, ətrafında danışılmış oyunlarla bağlı araşdırmalar və müzakirələr aparılan “Şamaxı”, digər tərəfdə Vasili Berezutskinin təyinatından sonra “Turan Tovuz”, “Araz-Naxçıvan”, hətta “Qarabağ” kimi komandalarla mübarizədə xallar qazanan “Sabah” var idi. Belədə kimin qalib gələcəyini proqnozlaşdırmaq çətin məsələ deyildi.

Futbol ictimaiyyyətinin əksəriyyəti qonaqların qələbə qazanacağını düşünürdü. Hətta hesab 1:1 olarkən deyilirdi ki, “Sabah” növbəti qolları vurub lazım olan xalları hesabına yazacaq. Düzdü, “bayquşlar” dəfələrlə hesabda geridə olsa da, vəziyyəti öz xeyrinə dəyişə bilib. Lakin bu dəfə “şirlər” Masazır təmsilçisinə aman vermədi. Əslində qonaqlar 3-cü dəqiqədə hesabı açsaydı, hər şey başqa cür ola bilərdi. Lakin Parris cərimə meydançasında topu qəbul edərkən səhvə yol verdiyindən şans əldən çıxdı.

Növbəti təhlükəli vəziyyət üçün 23-cü dəqiqəni gözləməli olduq ki, “Şamaxı” Edqar sayəsində hesabı açdı. 19 yaşlı yarımmüdafiəçi təkbaşına irəlilədi və İrasabal səddini də keçəndən sonra “çərçivə”ni dəqiq nişan aldı – 1:0. Bir qədər sonra Pusinin fərqi artırmaq arzusunu Yusifin ayıq-sayıqlığı puç etdi. Qonaqların oyun ərzində ikinci təhlükəli hücumu qolla nəticələndi. Şafranko Anatolinin qapıya paralel ötürməsindən maksimum faydalandı və Radenoviçlə mübarizədən qalib ayrılaraq hesabı bərabərləşdirdi. Ardınca Konate uğursuz, dəqiq desək, Yusifin zərərsizləşdirdiyi zərbə ilə yadda qaldı. Ayazın komandasını hesabda önə keçirmək istəyinə Fernandes mane oldu. Nəticədə komandalar fasiləyə “sülh”lə yollandı. Bir qəsər əvvəl vurğuladığımız kimi, ikinci hissəylə bağlı gözləntilər doğrulmadı. Düzdü, “Sabah” ardıcıl hücumlarla rəqibi çəkindirməyə çalışdı. Əvvəlcə Tellur qol vurmaq istəsə də, Fernandes irəli atıldı və topu ondan “oğurlayaraq” təhlükəni sovuşdurdu.

Ardından Sekidikanın qapıya zərbəsi qeydə alındı ki, top Rüfətə dəyərək istiqamətini dəyişdi. Belədə “indi növbə bizimdi” deyən “Şamaxı” irəli atıldı. Yusif Konatenin zərbəsini dəf etsə də, Pusinin fərqlənməsinə mane ola bilmədi. Beləcə albaniyalı Rafaelin künc zərbəsindən göndərdiyi topu başa tora qovuşdurdu – 2:1. Hesab “Sabah”dan çox “Şamaxı”nı ruhlandırdı ki, meydan sahibləri fərqi artırmağa müvəffəq oldu. Buna qədər isə Edqarın cəhdi qeyri-dəqiqlik üçündən boşa çıxdı. Hər halda, Mikels 62-ci dəqiqədə Pusinin ötürməsi sayəsində qol vurmaqla komanda yoldaşının “günahını yudu”. Bundan sonra nə Berezutskinin əvəzetmələri fayda verdi, nə də “bayquşlar”ın hücum cəhdləri. Hətta “şirlər” daha istəkli çıxışla yadda qaldı desək, yanılmarıq.

Odu ki, Masazır təmsilçisinin məğlubiyyəti qaçılmaz oldu. Beləliklə, “Şamaxı”nın qələbə həsrəti sona çatdı. “Sabah” isə ilk “4-lüy”ə düşmək üçün çox çalışmalı olacaq.

Gözdən qaçmadı
// “Şamaxı”nın Bolqarıstan “Arda”sından mövsümün sonuna qədər icarəyə götürdüyü Cəlal Hüseynov da matçı tribunadan izlədi
// “Şamaxı” azarkeşləri və “Soldati Di Sabah” əvvəldən sona qədər komandalarını dəstəklədi. Şamaxılılar qonaq tərəfdarlara müxtəlif şüarlarla (“Futbol sənin nəyinə? “Sabah”, dön evinə”, “Sabah” sus, “Şamaxı”nı dinlə”) acıq verməyi də unutmadı.
// Ayxan Abbasov hakimin qərarlarından naraz qaldı. Cavid Cəlilov ona şifahi xəbərdarlıq etdi.

KƏNAN BAHADIR