Turan Tovuz – Neftçi (Bakı) 1:1 (0:1)
1. İvan Konovalov – 5,5
4. Şəhriyar Əliyev (k) – 5,5
88. Faiq Hacıyev – 5,5
13. Fərid Yusifli – 5,5
44. Rüfət Əhmədov – 6,0
(7. İsmayıl Zülfüqarlı, 74) – qiymətsiz
9. Kristian Da Silva – 5,5
23. Alexandro Serrano – 6,0
15. Emmanuel Hakman – 6,0
80. Otto Con – 5,5
6. Araş Qaderi – 5,5
21. Aleks Souza – 6,5
(5. Roderik Miller, 89) – qiymətsiz
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
33. Eltun Turabov
10. Xəyal Nəcəfov
8. Tural Bayramlı
11. Ayxan Quseynov
77. Veysəl Rzayev
99. Sadiq Şəfiyev
70. Məzahir Məmmədzadə
Baş məşqçi: Kurban Berd;yev
Komandanın ən yaxşısı: Aleks Souza
93. Rza Cəfərov (k) – 6,0
10. Filip Ozobiç – 6,5
(90. Ramil Şeydayev, 74) – 5,5
3. Höccət Haqverdi – 5,5
13. Emil Səfərov – 5,5
14. Edvin Kuç – 5,5
4. Mark Tamaş – 5,5
99. Ervin Koffi – 6,0
44. Yuri Matias – 6,0
24. Mustafa Sek – 6,0
20. Alfa Konte – 5,0
(88. Andrey Ştoqrin, 65) – 4,5
77. Yeqor Boqomolski – 5,5
(91. Ağadadaş Salyanski, 74) – 5,0
Ehtiyat oyunçular
30. Rustam Samiqullin
81. Mehdi Həsənov
19. Azər Salahlı
7. Azər Əliyev
78. Elcan Əbilov
47. Murad Məmmədov
23. Robert Bauer
11. Kilan Lebon
Baş məşqçi: Samir Abasov
Komandanın ən yaxşısı: Filip Ozobiç
Qol: F.Ozobiç, 45 (1:0). A.Souza, 54 (1:1).
Vərəqələr: A.Qaderi, 30 (qeyri-idman hərəkəti). F.Yusifli, 45+2 (qeyri-idman hərəkəti). A.Souza, 75 (qeyri-idman hərəkəti). H.Haqverdi, 85 (hakimin qərarına etiraz). E.Səfərov, 89 (hakimin qərarına etiraz). Y.Matias, 90+1 (hakimin qərarına etiraz). Ş.Əliyev, 90+4 (hakimin qərarına etiraz) – sarı.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Kamran Əliyev (hamısı Bakı).
VAR hakimi: Rauf Allahverdiyev (Bakı).
VAR hakiminin köməkçisi: Eyyub İbrahimov (Bakı).
Hakim-inspektor: Ramil Diniyev (Bakı).
AFFA nümayəndəsi: İlham Əliyev (Bakı).
21 dekabr. Tovuz. Şəhər stadionu. 3000 tamaşaçı (6800 yerlik).
Birinci hissəyə 3, ikinci hissəyə 4 dəqiqə əlavə olunub.
Oyunun qiyməti: 6,0.

Sonuncu qələbəsini 16-cı turda “Şamaxı” üzərində qazanan “Turan Tovuz” 3 xalı “Neftçi”dən “qoparmaq” istəyirdisə, “ağ-qaralar” qələbə hesabına autsayder statusundan qurtulmaq niyyətində idi.

Oyuna “Turan Tovuz” daha fəal başladı. Artıq 6-cı dəqiqədə Con Kristiana, o da Rüfətə ötürmə verdi. Əhmədovun qapı qarşısına ötürməsini Rza yumruqları ilə qarşıladı. 15-ci dəqiqədə Serranonun cərimə zərbəsindən qapı qarşısına ötürməsini Şəhriyar Əliyev başla tamamlasa da, top qapıdan aralı keçdi. Hər iki komanda hücum qurmağa çalışır, lakin real qol vəziyyəti yaratmaqda çətinlik çəkirdi.

45-ci dəqiqədə “Neftçi” hesabı aça bildi. Sek iki rəqibdən sıyrılıb cərimə meydançasına daxil oldu. Fərid Yusifli sürüşərək Sekin qarşısını kəssə də, topu ələ keçirən Ozobiç dəqiq zərbə ilə “Neftçi”ni irəli çıxardı. İlk hissənin sonlarında Rüfət Əhmədov topu cərimə meydançasına göndərdi. Matiasın topu başla uzaqlaşdırmaq cəhdi alınmadı. Belədə topu ələ keçirən Faiq qapı qarşısına ötürmə versə də, Aleks Souzanın zərbəsini Rza Cəfərov dəf etdi. 2-ci hissəyə fəal başlayan tovuzlular tezliklə mükafatlandırıldı. 54-cü dəqiqədə Da Silva künc zərbəsindən qapı qarşısına ötürmə versə də, Konte topu uzaqlaşdıra bilmədi. Aleks Souza baş zərbəsi ilə topu tora qovuşdurdu – 1:1. 69-cu dəqiqədə Hakman – Con - Hacıyev kombinasiyasını sonuncu qeyri-dəqiq zərbə ilə tamamladı. 82-ci dəqiqədə “Turan Tovuz” hesabda önə keçməyə yaxın oldu. Serrano cərimə zərbəsindən qapı qarşısına doğru ötürmə verdi. Top Sekə dəyərək yönünü dəyişdi. Hakman zərbə vursa da, top öncə komanda yoldaşı Şəhriyara, sonra isə özünə dəyərək meydanı tərk etdi.

Sona yaxın Hakman bir daha “Neftçi”nin qapısı qarşısında təhlükəli anlar yaşatdı. Onun zərbəsindən sonra top “Neftçi”nin futbolçusuna dəyərək meydanı tərk etdi. Oyuna sonradan qoşulan Miller bu dəfə də qəhrəman ola bilərdi. Lakin onun zərbəsi toru yandan silkələdi.

Beləliklə, cari mövsümdə 2-ci dəfə üz-üzə gələn komandalar arasında yenə qalib müəyyənləşmədi. Mövsümün ilk turunda bu komandalar qolsuz heç-heçə ilə kifayətlənmişdi. Qış fasiləsinə “Turan Tovuz” 32 xalla 3-cü, “Neftçi” isə 17 xalla 8-ci pillədən yollandı.

Gözdən qaçmadı
* “Forza Neftçi” hakimin start fitindən 5 dəqiqə sonra tribunadakı yerini aldı.
* “Turan Tovuz”un prezidenti Ehtiran Quliyev azarkeşləri salamlayarkən “Ultras Turan” “ən böyük başkan bizim başkan” dedi. 
* Sona yaxın İnqilab Məmmədov “Neftçi”nin baş məşqçisi Samir Abasova xəbərdarlıq etdi.

ƏSƏD SEYİDOV