Turan Tovuz - Şamaxı 3:2 (1:2)
1. İvan Konovalov - 6,5
4. Şəhriyar Əliyev (k) - 6,5
10. Xəyal Nəcəfov - 5,5
(13. Fərid Yusifli, 46) - 5,5
88. Faiq Hacıyev - 6,5
7. İsmayıl Zülfüqarlı - 5,5
(44. Rüfət Əhmədov, 53) - 5,5
9. Kristian da Silva - 5,5
5. Roderik Miller - 7,5
23. Alexandro Serrano - 7,0
15. Emmanuel Hakman - 7,0
80. Otto Con - 6,5
21. Aleks Souza - 6,5
(6. Araş Qaderi, 85) - qiymətsiz
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
33. Eltun Turabov
8. Tural Bayramlı
11. Ayxan Hüseynov
99. Sadiq Şəfiyev
70. Məzahir Məmmədzadə
20. İbrahim Ramazanov
Baş məşqçi: Kurban Berdiyev
Komandanın ən yaxşısı: Roderik Miller

1. Rikardo Fernandes - 6,0
60. Səbayıl Bağırov (k) - 5,5
17. Rafael Məhərrəmli - 5,5
(10. Emin Zamanov, 78) - qiymətsiz
6. Rauf Rüstəmli - 6,0
(22. Qurban Səfərov, 90) - qiymətsiz
82. Rüfət Abbasov - 6,0
24. Edqar Adilxanov - 6,5
(5. Arsen Ağcabəyov, 71) - 5,0
32. Vasiliye Radenoviç - 5,5
20. Leroy Mikels - 7,0
93. Brahim Konate - 6,0
9. Belajdi Pusi - 6,5
66. Vasiliye Bakiç - 6,0
Ehtiyat oyunçular
85. Kamal Bayramov
62. Abdulla Seydəhmədov
80. Zahid Mərdanov
13. Ramin Əhmədov
19. Fəxri Məmmədli
11. Conatan Benteke
Baş məşqçi: Ayxan Abbasov
Komandanın ən yaxşısı: Leroy Mikels

Qollar: B.Pusi, 12 (0:1, L.Mikels). R.Miller, 21 (1:1, E.Hakman). E.Adilxanov, 39 (1:2, L.Mikels). A.Serrano, 60-p. (2:2). R.Miller, 90+4 (3:2, E.Hakman).
Vərəqələr: B.Konate, 57 (hakimin qərarına etiraz). R.Miller, 90+4 (qeyri-idman hərəkəti). M.Hacıyev, 90+4 (qeyri-idman hərəkəti). Eltun Turabov, 90+4 (qeyri-idman hərəkəti) - sarı.
Hakimlər: KAMAL UMUDLU, Vüsal Məmmədov, Asiman Əzizli, Rauf Allahverdiyev (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Şirməmməməd Məmmədov (Bakı).
Hakim-inspektor: Babək Quliyev (Bakı).
AFFA nümayəndəsi: Asif Əliyev (Bakı).
9 dekabr. Tovuz. Şəhər stadionu. 3000 tamaşaçı (6800 yerlik).
Birinci hissəyə 1, ikinci hissəyə 5 dəqiqə əlavə olunub.
Oyunun qiyməti: 7,5.

"Zirə"nin isti nəfəsini kürəyində hiss edən "Turan Tovuz" 4, "Şamaxı" isə 8 oyunluq qələbəsizlik seriyasına son qoymalıydı. Maraqlıdı ki, qonaqlar ciddi azarkeş dəstəyinə və meydan sahiblərinin fəallığına rəğmən, daha üstün oyun göstərir və tutarlı hücumlarla yadda qalmaq istəyirdi.

Düzdü, "bozqurd" 8-ci dəqiqədə Otto sayəsində önə atıldı və rəqibi çəkindirməyə cəhd etdi. Lakin Radenoviç komandasını təhlükədən qorudu. "Şamaxı" debütdəki cəsarətli oyunla çoxlarını yanıltdı. Hətta hadisələrin axarı "şirlər"in hesabı erkən açmasıyla nəticələndi. Belə ki, 12-ci dəqiqədə Konate təkbaşına irəli atıldı və cərimə meydançasının həndəvərinə qədər gəldikdən sonra topu Mikelsə çatdırdı. Leroyun qapıya paralel ötürməsini dəyərləndirən Pusi isə topu tora qovuşdurdu. Çox keçmədən qonaqlar daha bir maraqlı hücum qurdu. Bu dəfə Edqar cərimə meydançasına daxil olan Leroya ötürmə verdi, ancaq Şəhriyarın həlledici müdaxiləsi işə yaradı. Ardından Konovalov Səbayılın qapıya zərbəsini zərərsizləşdirdi. "Turan Tovuz" 21-ci dəqiqədə hesabı bərabərləşdirdi. Kristian künc zərbəsini yerinə yetirdi. Əslində Hakman onun cərimə meydançasına göndərdiyi topu başla qapıya yönəltmək istəyirdi. Top qanalının zərbəsindən sonra fərqli istiqamətə yön alsa da, Millerin doğru zamanda etdiyi müdaxilə qolla nəticələndi. Bir qədər sonra "Şamaxı" yenidən fərqlənmək imkanı qazandı. İlk dəqiqələrdən fəallığıyla seçilən Edqar komandasını hesabda önə keçirmək şansını İsmayılın müdaxiləsi, İvanın cəldliyi səbəbindən dəyərləndirə bilmədi.

Ardından Faiqin qeyri-dəqiq zərbəsini izlədik. Daha sonra Konatenin "çərçivə"yə göndərmək istədiyi top qapının yanından keçdi. Düzdü, "bozqurd" həm hücum, həm də müdafiə xəttində diqqətli olmağa çalışır, daha bir qol vurmaqla fasiləyə hesabda öndə yollanmaq istəyirdi. Lakin yenə “Şamaxı” önə keçdi. 39-cu dəqiqədə Edqar Mikelsin cərimə meydançasına çatdırdığı topu tora qovuşdurdu. Beləliklə, birinci hissə "şirlər"in həm oyun, həm də hesab baxımından üstünlüyü ilə başa çatdı.

İkinci hissəyə tovuzlular daha fəal başlasa da, "Şamaxı"nın müdafiə xətti meydan sahiblərinin qapıya zərbə endirməsinə şərait yaratmırdı. Qonaqlar gah təkbətək mübarizələrdən qalib ayrılmaqla təhlükəni sovuşdururdu, gah da topu dərhal uzaqlaşdırmaqla. Hər halda, "bozqurd" hesabı bərabərləşdirə bildi. 57-ci dəqiqədə yerinə yetirilən künc zərbəsindən sonra yaşananlar üzündən "Şamaxı"nın qapısına penalti təyin olundu. Ona görə ki, Pusi cərimə meydançası daxilində Milleri kobud müdaxiləylə yerə yıxdı. 60-cı dəqiqədə "nöqtə"yə yaxınlaşan Serrano Rikardoyla mübarizədən qalib ayrıldı - 2:2. Bir qədər sonra "bozqurd" hesabda önə keçə bilərdi ki, top Kristianın zərbəsindən sonra dirəkdən döndü. Hakmanın 69-cu dəqiqədə başla vurduğu qol isə sayılmadı. Buna onun həmin anda Konateyə qarşı qayda pozuntusuna yol verməsi səbəb oldu.

Ardından Ottonun qapıya qeyri-dəqiq zərbəsinə şahidlik etdik. Düzü, komandalar bundan sonra dinamik oyun tərziylə yadda qalmadı. Böyük ehtimalla, həm "Turan Tovuz", həm də "Şamaxı" ötən həftə keçirdiyi kubok matçından sonra yorğunluqdan qurtulmamışdı. Hər halda, sona yaxın meydan sahibləri daha fəal görünürdü. Rikardo 83-cü dəqiqədə Souzanın, az sonra Ottonun zərbəsini dəf etdi. Uzatma dəqiqələrində isə iki qol vuruldu. 90+3-cü dəqiqədə Pusi fərqləndi. Amma topu qəbul etdiyi anda ofsaydda olduğuna görə qol sayılmadı. Yekun hesabı müəyyənləşdirən epizod isə bir dəqiqə sonra yaşandı. Miller Hakmanın uzaqdan göndərdiyi topu tora qovuşdurmaqla komandasının qələbə qoluna müəlliflik etdi. Beləliklə, "Turan Tovuz" ilk "üçlük"dəki yerini möhkəmlətdi, "Şamaxı"nın qələbəsiz oyunlar seriyası isə 9-a çatdı!

Gözdən qaçmadı
* "Şamaxı"nın baş meneceri Kamran İsmayılov "şirlər"in ilk qolunda sevincini gizlətmədi. Bunu görən tovuzlu azarkeşlər komandalarının hər qolunda ona doğru çevrilərək acıq verdi.
* "Turan Tovuz"un ilk qolunun müəllifi Miller olsa da, stadionun diktoru "Sabah"la kubok matçında zədələnən Marandiçinin adını elan etdi. Həmçinin azarkeşlər  əməliyyat olunan futbolçunun şəkillərini nümayiş etdirdilər.
* Edqar Adilxanov karyerasında ilk dəfə premyer-liqa matçında qol vurdu.

KƏNAN BAHADIR