Mayın 22-si, saat 14.00-da “Rusiya bu gün” Beynəlxalq Multimedia Mətbuat Mərkəzində MDB və Gürcüstandan 60-a yaxın idman jurnalisti, ixtisaslaşmış idman mediası və idman turizminin mütəxəssislərinin iştirakı ilə ictimai və informasiya proqramlarının “Futbol üzrə dünya çempionatı – 2018” Media layihəsi keçiriləcək.
Tədbir “Rusiya - 2018” Təşkilat Komitəsi ilə əməkdaşlıq çərçivəsində MDB dövlətlərinin humanitar əməkdaşlığı Beynəlxalq Dövlət fondunun dəstəyi ilə “Şimal-Cənub” Politologiya mərkəzi tərəfindən keçiriləcək.
Layihənin məqsədi “Dünya çempionatı – 2018-ə doğru” – “xalq diplomatiyası” və xalqlararası əməkdaşlığın idman ənənələrinin və idman qardaşlığının populyarlaşması vasitəsi ilə MDB və Gürcüstan ərazisində humanitar əlaqələrin inkişafıdı. Tədbirdə dünya idmanı üçün əhəmiyyətli hadisənin təşkilatçılığı ilə bağlı geniş suallar toplusunun müzakirəsi nəzərdə tutulub.
Tanınmış qonaqlar analoji qlobal tədbirlərdə şəxsi təcrübələrini bölüşəcək, DÇ-2018-ə hazırlıq çərçivəsində istifadə olunacaq ictimai və informativ proqramları auditoriyaya təqdim edəcəklər. Tanınmış qonaqlar dedikdə, bunlar DÇ-2018-in KİV-lə iş üzrə əlaqələndiricisi Anton Lisin, FİFA-nın media üzrə nümayəndəsi İrina Baranova, EXO radiosunun idman jurnalisti Aleksey Osin, MATÇ TV-nin şərhçisi Elvin Kərimov, “Spartak”ın azarkeşlərlə iş üzrə əlaqələndiricisi Timur Quçmazovdu.
Qeyd edək ki, layihəyə “Futbol+”in əməkdaşı da qatılacaq, bəndəniz Moskvada görüb-eşitdiklərindən sizləri də xəbərdar edəcək.
HƏBİB