“Qarabağ” Misli premyer-liqasının 16-cı turunda səfərdə “Sabah”la heç-heçə etdi - 1:1.

“Football-plus.az” xəbər verir ki, “Qarabağ”ın baş məşqçisi Qurban Qurbanov oyunsonrası mətbuat konfransında jurnalistlərin suallarını cavabladı.

- Futbolçularıma təşəkkür edirəm. Sonlara yaxın tam dinamikanı ortaya qoydular. Oyunu iki hissəyə bölərdim. Hansı ki ilk hissə və ikinci yarının başlanğıcında temp aşağı idi. Rəqib də buna səbəb oldu. Bu üslubu seçmişdilər. Bizim futbolçularımız da bir az uydular və öyrəşdilər. Sanki rahat oynamağa başladılar. Get-gedə temp yuxarı qalxdı. Azarkeşlər üçün də daha maraqlı futbol oldu. Rəqibin hücum xəttində keyfiyyətli futbolçular var. Bizim futbolçularda oyunu ələ almağı bacardılar. Ədalətli nəticə bərabərlik idi.

- Bir neçə rotasiya nə ilə əlaqədardı?
- “Qəbələ” ilə oyunda da dəyişiklik etmişdik. Sonlara yaxın ehtiyatlanırıq. Medina yaxşı futbolçularımızdan biridi. İki oyun sona qədər oynadı. Sonda əzələ problemi oldu. Avropada temp başqadı. Həmişə biz ehtiyatlanırıq. Bədavini dəyişdim, Bəhlulu buraxdım. Bəlkə başqa cür də etmək olardı. Elə ciddi dəyişikliklər olmadı. Bununla belə futbolçuların durumuna görə belə addıma atmışdım.

- Bu gün sanki fərqli sxemlə oynadız…
- Sistem öz yerində idi. Sadəcə biraz standart vəziyyətləri düşünürdük. Daha çox Elvin hücum xəttinə dəstək olsun. Kiçik bir risk idi.

- Berezutski ilə ilk dueliniz idi. Mikelsin ehtiyatda saxlanması sizin üçün sürpriz idimi?
- Bilmirəm sürpriz demək olar ya olmaz. Rəqib 120 dəqiqə mübarizə aparmışdı. Bəlkə də oyun fəlsəfəsi belə idi. Müdafiədə tam sağlam olmaq və əks hücumlarda yaxalamaq. Bəlkə də tezdi mənim üçün fikirlərimi bildirmək. Qarşıdakı oyunları izləmək lazımdı ki, sürprizlər olmasın. Heyəti görəndə təəəcübləndik.

- Bu dəyişikləri edərkən “Elfsborq”la oyunu nəzərə almışdınızmı?
- Sadəcə oyuna fubolçuların ilk öncə hazır olması lazımdı. Yorğun olmamalıdılar. Ümümən rəqibi tam analiz etdikdən sonra bizim 1-2 məşqimiz olacaq. Heyətdəki dəyişikliklər bununla bağlı deyildi.

- Juninyonun əvəzlənməsi nə ilə bağlı idi?
- Limitlə...

- Komanda uzaqdan zərbələrdən az istifadə edir. Bunun üçün hansısa bir şey edəcəksinizmi?
- Bu istiqamətdə məşq edirik.

- Bu gün premyer-liqanın lideri dəyişdi. Elmar Baxşıyev deyib ki, çempionluq barəsində düşünmürük. Siz “Araz-Naxçıvan”dan rəqabət hiss eliyirsinizmi?
- Turnirin lideridilər. Əsasən bu cür komandalar lazımdı. Onlar öz işlərini görürlər. Sevinirəm bu cür hala və Elmara uğurlar arzu edirəm. Mənim üçün çox maraqlıdı.

- Addaidə sanki natamamlıq var…
- Böyük potensialı var. Sadəcə tələbləri tam yerinə yetirə bilmir. Buna da zaman lazımdı. Davamlı 90 dəqiqə meydanda oynamaq lazımdı. Sanki bəzi epizodlarda rahatlıq hiss olunurdu. Ciddi problem deyil. Düşünürəmki bu mühitə uyğunlaşandan sonra, sərbəstlik hiss edəcək.

- “Lyon” ilə matçda bir neçə epizodu futbolçular qaçırdı. Futbolçularınıza xəbərdarlıq edəcəksinizmi ki, fürsətləri boşa verməsinlər?
- Mütləq deyəcəyik. Maksimum çalışırıq ki, səhvlərini aradan qaldırsınlar.

ƏSƏD SEYİDOV