Neftçi (Bakı) – Zirə 2:1 (1:0)
93. Rza Cəfərov (k) – 5,5
10. Filip Ozobiç – 6,5
(14. Edvin Kuç, 65) – 6,0
17. Rəhman Hacıyev – 5,5
(47. Murad Məmmədov, 77) – 5,0
90. Ramil Şeydayev – 5,5
(91. Ağadadaş Salyanski, 87) – qiymətsiz
13. Emil Səfərov – 7,0
6. Rafael Quzzo – 5,5
99. Ervin Koffi – 5,5
44. Yuri Matias – 5,5
23. Robert Bauer – 5,5
24. Mustafa Sek – 6,0
88. Andrey Ştoqrin – 5,5
(20. Alfa Konte, 65) – 5,0
Ehtiyat oyunçular
1. Emil Balayev
30. Rustam Samiqullin
3. Höccət Haqverdi
7. Azər Əliyev
4. Mark Tamaş
77. Yeqor Boqomolski
Baş məşqçi: Samir Abasov
Komandanın ən yaxşısı: Emil Səfərov
13. Aydın Bayramov – 5,0
32. Qismət Alıyev (k) – 5,0
8. İsmayıl İbrahimli – 5,0
14. Elçin Əlicanov – 5,0
4. Ruan Renato – 5,0
70. İssa Cibrila – 6,0
(16. Fuad Bayramov, 83) – qiymətsiz
23. Rafael Utziq – 5,0
(29. Ceyhun Nuriyev, 69) – 5,0
18. Martins Junior – 4,5
(24. Yusuf Laval, 46) – 4,5
17. Ayron Qomis – 5,0
6. Eldar Quliyev – 4,5
(10. Giorgi Papunaşvili, 46) – 4,5
19. Salifu Suma – 4,5
(90. Davit Volkov, 46) – 5,5
Ehtiyat oyunçular
97. Tyaqo Silva
41. Anar Nəzirov
21. Hacıağa Hacılı
22. İldar Alekperov
5. Stefan Aka
3. Ange Mutsinzi
28. Abbas İbrahim
Baş məşqçi: Rəşad Sadıqov
Komandanın ən yaxşısı: İssa Cibrila

Qollar: F.Ozobiç, 28 (1:0, M.Sek). İ.Cibrila, 51 (1:1, D.Volkov). E.Səfərov, 68 (2:1, E.Kuç).
Vərəqələr: R.Quzzo, 22 (qeyri-idman hərəkəti). E.Kuç, 78 (qeyri-idman hərəkəti). Q.Alıyev, 79 (qeyri-idman hərəkəti) – sarı.
Hakimlər: KAMAL UMUDLU, Namiq Hüseynov, Vüsal Məmmədov, Əli Əliyev (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Rəvan Həmzəzadə (Şəki).
Hakim-inspektor: Babək Quliyev (Bakı).
AFFA nümayəndəsi: Zümrüd Ağayeva (Bakı).
Yalnız ikinci hissəyə 4 dəqiqə əlavə olunub.
23 noyabr. Bakı. “Neftçi Arena”. 1174 tamaşaçı (11000 yerlik).
Oyunun qiyməti: 6,0.

Paytaxt derbisindən üzüağ çıxmaq baş məşqçi postuna gələndən sonra cəmi bir qələbə qazanan Samir Abasov üçün də önəmli idi, Rəşad Sadıqov üçün də. Axı “Zirə” də son oyunlarda qaneedici nəticələr qazanmırdı. “Qartallar” həm də ona görə qalib gəlməliydi ki, ilk “dördlük”dəki yerini möhkəmləndirsin. “Ağ-qaralar”ın yaxşı günlər yaşamadığını nəzərə alsaq, qəsəbə təmsilçisini daha şanslı saymaq mümkün idi. Amma meydan sahibləri 28-ci dəqiqədə hesabı açmaqla “doğma divarlar” arasında uduzmaq istəmədiyi sübut etdi.

Düzdü, buna qədər həm “Neftçi”, həm də “Zirə” qol vəziyyətləri yaratdı. Lakin Utziqin yaxın küncə endirdiyi zərbə qeyri-dəqiq oldu. Ardından Aydın Matiasın fərqlənməsinə imkan vermədi. Elə Martinsin akrobatik hərəkətlə toru silkəmələk cəhdi də faydasız oldu. Ona görə ki, Rəhmanın həlledici müdaxiləsi komandasını qoldan xilas etdi. Çox keçmədən Aydın Rəhmanın qol müəllifi olmasına da şərait yaratmasa da, Ozobiçin qarşısında “ağ bayraq qaldırdı”. Xorvat Sekin qapıya paralel ötürməsindən maksimum yararlandı. Təbii ki, məğlubiyyətin qoxusunu duyan “qartallar”ın önə atılması, daha intensiv hücumlar qurması gözlənilən idi. Amma komandalar fasiləyə 1:0 hesabı ilə yollandı.

Niyə? Qısaca deyə bilərik ki, “qartallar” həlledici zərbələr zamanı dəqiq qərar verməkdə çətinlik çəkir, rəqibin cərimə meydançasında sıxlaşsalar da, xətlərarası əlaqəni təmin edə bilmir, imkanları sağa-sola xərcləməklə gücünü tükədirdi. “Neftçi” isə daha səliqəli, planlı və təmkinli oyunla diqqəti çəkdi. Hətta fərqi artırmaq üçün şanslar qazanıldı. Burda Aydın Rəhman və Koffinin zərbələrini dəf etdi. İş orasındadı ki, “ağ-qaralar” ikinci hissənin ilk dəqiqələrində həmin oyunu göstərmədi. Meydan sahiblərinin müdafiə olunmağa üstünlük verməsi isə qonaqların hesabı bərabərləşdirməsiylə nəticələndi. 51-ci dəqiqədə Cibrila Volkovun cərimə meydançası daxilindəki ötürməsini qolla tamamladı.
Növbəti dəqiqələrdə hücumda fəallaşan “Neftçi” izlədik. Ozobiçin qeyri-dəqiq zərbəsini Ramilin Renatoyla təkbətək mübarizədən məğlub ayrıldığı üçün istifadə edə bilmədiyi fürsət müşayiət etdi.

Hər halda, problemlər “ağ-qaralar”ın qələbə qazanmasına mane olmadı. 68-ci dəqiqədə Kuçun ötürdüyü topu təxminən 25 metr məsafədən tora qovuşduran Emil komandasını sevindirdi. “Zirə” hesabı bərabərləşdirmək üçün ən yaxşı fürsəti 89-cu dəqiqədə yaxaladı ki, təkbaşına irəliləməyə üstünlük verən Renato qeyri-dəqiqliyin qurbanı oldu. Beləliklə, “Neftçi” Azərbaycan derbisindən əvvəl mövsümün ikinci qələbəsini qazandı. “Qartallar” isə son 6 turda cəmi iki dəfə 3 xalın dadına baxıb. Görəsən, Rəşad Sadıqov vəziyyətdən çıxış yolu tapa biləcəkmi?

Gözdən qaçmadı
* “Forza Neftçi” və “Qartallar” fanklubları tribunada idi.
* Samir Abasov 61-ci dəqiqədə hakimin qərarına etiraz etdi və “sarı” aldı.

KƏNAN BAHADIR