Mayın 12-də kişilərdən ibarət taekvondo yığmamız Tatarıstanın paytaxtı Kazanda keçirilən Avropa çempionatında ilk medalını qazanıb. Milad Beigi Harçeqani (80 kq) 3-cü yeri tutub. Dünya çempionu polşalı Karol Holudoviçlə ispan Raul Martinesə qalib gələrək, yarımfinala yüksəlib. Ancaq finalın biraddımlığında rus Maksim Kramtsovla bacarmayan təmsilçimiz “bürünc”lə kifayətlənib.
Xatırladaq ki, ilk yarış günündə Patimat Abakarova (49 kq) eyni nəticəyə imza atıb.