Qarabağ (Ağdam) – Zirə 4:0 (1:0)
97. Fabian Buntiç – 5,5
24. Aleksey İsayev – 5,5
(20. Riçard Almeyda, 66) – 5,0
13. Bəhlul Mustafazadə (k) – 6,5
44. Elvin Cəfərquliyev – 6,0
22. Musa Qurbanlı – 5,5
(19. Redon Cica, 75) – 5,0
90. Nəriman Axundzadə - 5,5
29. Marko Veşoviç – 5,5
(30. Abbas Hüseynov, 75) – 5,0
7. Yassin Benzya – 6,5
2. Mateus Silva – 6,0
6. Julio Romao – 5,5
(21. Aleksey Kaşuk, 66) – 6,0
15. Leandro Andrade – 5,5
(11. Emmanuel Addai, 81) – qiymətsiz
Ehtiyat oyunçular
99. Mateuş Koxalski
27. Toral Bayramov
10. Abdulla Zubir
81. Kevin Medina
66. Patrik Andrade
8. Marko Yankoviç
18. Olavio Juninyo
Baş məşqçi: Qurban Qurbanov
Komandanın ən yaxşısı: Yassin Benzya

13. Aydın Bayramov – 5,0
7. Məqsəd İsayev – 5,0
(70. İssa Cibrila, 46) – 5,0
32. Qismət Alıyev (k) – 4,5
(22. İldar Alekperov, 13) - 5,0
29. Ceyhun Nuriyev – 5,0
(8. İsmayıl İbrahimli, 61) – 5,0
5. Stefan Aka – 5,0
4. Ruan Renato – 5,5
90. Davit Volkov – 5,0
(11. Rüstəm Əhmədzadə, 46) – 4,5
(21. Hacıağa Hacılı, 77) – qiymətsiz
23. Rafael Utziq – 5,0
15. Pyer Zebli – 4,5
17. Ayron Qomis – 5,0
6. Eldar Quliyev – 5,0
Ehtiyat oyunçular
97. Tyaqo Silva
10. Georgi Papunaşvili
3. Ange Mutsinzi
28. Abbas İbrahim
24. Yusuf Laval
18. Martins Junior
19. Salifu Suma
Baş məşqçi: Rəşad Sadıqov
Komandanın ən yaxşısı: Ruan Renato

Qollar: M.Silva, 2 (1:0, Y.Benzya). Y.Benzya, 52-p. (2:0). B.Mustafazadə, 59 (3:0, E.Cəfərquliyev). A.Kaşuk, 68 (4:0, E.Cəfərquliyev).
Vərəqələr: M.İsayev, 26 (qeyri-idman hərəkəti). J.Romao, 61 (qeyri-idman hərəkəti). S.Aka, 85 (qeyri-idman hərəkəti) – sarı.
Hakimlər: FƏRİD HACIYEV, Zöhrab Abbasov, Rəhman İmami, Kamran Əliyev (hamısı Bakı).
VAR hakimi: Tural Qurbanov (Bakı).
VAR hakiminin köməkçisi: Müslüm Əliyev (Bakı).
Hakim-inspektor: Ömər Paşayev (Bakı).
AFFA nümayəndəsi: Anar Şıxəliyev (Bakı).
10 noyabr. Bakı. Tofiq Bəhramov adına Respublika stadionu. 900 tamaşaçı (31200 yerlik).
Birinci hissəyə 1, ikinci hissəyə 2 dəqiqə əlavə olunub.
Oyunun qiyməti: 6,0.

Turun sonuncu və mərkəzi matçı “Zirə” üçün daha yaxşı keçə bilərdi. Axı “Qarabağ”ın çətin Norveç səfərindən yorğun qayıtması ideal fürsət idi. “Qartallar” ən azı 1 xal uğrunda mübarizə apara bilərdi ki, bəzi məqamlar hadisələrin axarını dəyişdi. Ən əsası: “Araz-Naxçıvan” bir gün əvvəl “Sumqayıt”ı məğlub etməklə “köhlən atlar”ı qabaqları və liderliyi ələ keçirdi. Təbii ki, bu məqam ağdamlıların motivasiyasına təsir etməyə bilməzdi. “Qartallar”ı çətinə salan növbəti amil meydan sahiblərinin artıq 2-ci dəqiqədə hesabı açması oldu. Küncdən zərbəni yerinə yetirən Benzya topu cərimə meydançasına, Silva isə “çərçivə”yə göndərdi. Birinci hissənin qalan dəqiqələri də “Qarabağ”ın üstün oyunuyla müşayiət edildi.

30-cu dəqiqədə Benzyanın fərqi artırmasına Aydın imkan vermədi. Çox keçmədən Nərimanın bəxtini sınamaq istəyinə Aka mane oldu. Düzdü, “Zirə”nin ilk yarıda göstərdiyi oyun növbəti 45 dəqiqə üçün pozitiv düşünməyə şərait yaratmırdı. Amma komandanın daha zəif çıxışı və bu üzdən daha üç qol buraxmasını sürpriz saymaq olar. Axı “qartallar” son iki ildə (2022/23 mövsümü, 7-ci tur: “Zirə” – “Qarabağ 7:1) “köhlən atlar”a belə böyük hesabla uduzmamışdı...

48-ci dəqiqədə Veşoviç qol vurmağa yaxın olsa da, top toru yandan silkələdi. Bir qədər sonra Zebli komandasını məyus edən səhvə yol verdi. O, cərimə meydançası daxilində Musaya qarşı yersiz qayda pozuntusuyla yadda qaldı. Belədə Fərid Hacıyevin təyin etdiyi penaltini dəqiq yerinə yetirən Benzya 52-ci dəqiqədə hesabı 2:0 etdi. Dəqiq desək, zərbənin istiqamətini müəyyənləşdirən Aydın topa toxunsa da, tora qovuşmasına mane ola bilmədi. “Qarabağ”ın üçüncü qolu özünü çox gözlətmədi. 59-cu dəqiqədə Benzyanın cərimə zərbəsiylə topu oyuna daxil etməsindən sonra qapı önündə təhlükə yaradan meydan sahibləri Elvinin ötürməsi, Bəhlulun başla zərbəsi sayəsində fərqi darmadağın həddinə çatdırdı. Ardınca “Zirə” iki fürsəti əldən verdi. Birinci epizodda Buntiç Renatonun cərimə zərbəsindən birbaşa qapıya göndərmək istədiyi topa yiyələndi. İkincidə isə Qomis Buntiçlə qarşı-qarşıya qalsa da, “çərçivə”ni dəqiq nişan ala bilmədi.

68-ci dəqiqədə “Qarabağ”ın 4-cü, həm də yekun nəticəni təmin edən qolu qeydə alındı. Bəhlulun uzaqdan göndərdiyi topu qəbul edən Elvin cərimə meydançası daxilinə ötürmə etdi ki, Kaşuk şansdan maksimum yararlandı. Bir qədər sonra Renato Nərimanın qapıya zərbəsini dəf etdi.

80-ci dəqiqədə Cica qeyri-dəqiq zərbəylə yadda qaldısa, Buntiç Hacıağanın təsəlli qolunu vurmasına mane oldu. Beləliklə, “Qarabağ” yenidən lider kürsüsünə əyləşdi. “Zirə” isə son 5 matçda yalnız “Şamaxı” üzərində qələbə (2:0) qazana bilib...

Gözdən qaçmadı
* Mərkəzi matçı cəmi 900 azarkeşin izləməsi “Tofiq Bəhramov” kimi nəhəng stadionun ümumi mənzərəsini xeyli korlayırdı.
* Rəşad Sadıqov əvvəldən sona qədər texniki zonadan futbolçularına tapşırıqlar verdi.
* Hesab yalnız media sektorunun arxasındakı böyük tabloda göstərilirdi. “Qarabağ”ın mətbuat xidmətinin rəhbəri Anar Hacıyev “Futbol+”ə sağ və solda yerləşən tabloların çalışdığını, sadəcə, bu oyun üçün belə addım atdıqlarını dedi.

KƏNAN BAHADIR