Zirə - Araz-Naxçıvan 0:1 (0:0)
97. Tyaqo Silva – 5,5
32. Qismət Alıyev (k) – 6,0
8. İsmayıl İbrahimli – 6,0
16. Fuad Bayramov – 5,5
11. Rüstəm Əhmədzadə - 5,5
(18. Junior Martins, 76) – qiymətsiz
4. Ruan Renato – 5,0
10. Giorgi Papunaşvili – 5,0
(19. Salifu Suma, 62) – 5,5
23. Rafael Utziq – 6,5
3. Ange Mutsinzi – 4,5
24. Yusuf Laval – 5,0
(90. Davit Volkov, 62) – 5,0
6. Eldar Quliyev – 6,0
(29. Ceyhun Nuriyev, 76) – qiymətsiz
Ehtiyat oyunçular
13. Aydın Bayramov
7. Məqsəd İsayev
21. Hacıağa Hacılı
22. İldar Alekperov
5. Stefan Aka
70. İssa Cibrila
15. Pyer Zebli
17. Ayron Qomis
Baş məşqçi: Rəşad Sadıqov
Komandanın ən yaxşısı: Rafael Utziq

12. Kristian Avram – 6,0
5. Qara Qarayev – 5,5
(10. Bernardo Dias, 74) – 4,5
34. Urfan Abbasov (k) – 6,5
26. Ömər Buludov – 5,5
24. Mustafa Əhmədzadə - 6,0
(22. Elçin Mustafayev, 85) – qiymətsiz
16. Ramon Maçado – 6,0
29. Vanderson Melo – 6,0
17. İssuf Paro – 6,0
23. Nuno Rodriges – 5,5
(7. Ülvi İsgəndərov, 74) – 4,5
14. Miço Kuzmanoviç – 6,0
4. İqor Ribeyro – 6,0
Ehtiyat oyunçular
94. Tərlan Əhmədli
1. Vüsal Şabanov
11. Bayraməli Qurbanov
71. Sənan Ağalarov
57. Elcan Məmməıdov
21. Sezar Meza Kolli
Baş məşqçi: Elmar Baxşıyev
Komandaın ən yaxşısı: Urfan Abbasov

Qol: U.Abbasov, 48 (İ.Paro).
Vərəqələr: Ö.Buludov, 35 (qeyri-idman hərəkəti). R.Renato, 57 (qeyri-idman hərəkəti). E.Quliyev, 68 (hakimin qərarına etiraz). M.Əhmədzadə, 68 (qeyri-idman hərəkəti). V.Melo, 80 (qeyri-idman hərəkəti). U. Abbasov, 88 (hakimin qərarına etiraz). E.Mustafayev, 90+1 (oyunun bərpasının ləngidilməsi). K.Avram, 90+4 (oyunun bərpasının ləngidilməsi) – sarı.
Hakimlər: RAUF CABBAROV, Eyyub İbrahimov, Asiman Əzizli, Kamran Əliyev (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Kamran Bayramov (Bakı).
Hakim-inspektor: Ramil Diniyev (Bakı).
AFFA nümayəndəsi: İlham Əliyev (Bakı).
6 noyabr. Zirə. İdman Kompleksinin stadionu. 450 tamaşaçı (1256 yerlik).
Yalnız ikinci hissəyə 4 dəqiqə əlavə olunub.
Oyunun qiyməti: 5,5.

3-cü turdan təxirə salınan “Zirə” – “Araz-Naxçıvan” matçı hər iki komanda üçün xüsusi əhəmiyyət daşıyırdı. “Qartallar” 10 turdu uduzmayan “qırmızı-ağlar”ın seriyasını qırmaq niyyətindəydisə, Muxtar Respublika təmsilçisi növbəti qələbə ilə turnir cədvəlində “Turan Tovuz”u geridə qoymaq istəyirdi. Yeri gəlmişkən, bu komandalar arasında oktyabrın 26-da keçirilən oyun heç-heçə (1:1) bitmişdi.

Qonaqlar ilk dəqiqələrdən üstünlüyü ələ alsalar da, təhlükəli vəziyyət yaratmaqda çətinlik çəkirdilər. 10-cu dəqiqədə Qara Qarayevin uzaqdan zərbəsi qeyri-dəqiq oldu. İki dəqiqə sonra meydan sahiblərinin ifasında ilk təhlükəli hücumun şahidi olduq. İsmayıl İbrahimli bir qədər irəliləyəndən sonra topu Fuada ötürdü. Bayramovun cərimə meydançasına ötürməsini isə Urfan Abbasov zərərsizləşdirdi. 16-cı dəqiqədə Kuzmanoviç zərbə endirsə də, Tyaqo yerində idi. 31-ci dəqiqədə Qismətin qapı qarşısına göndərdiyi topu İqor Ribeyro uzaqlaşdıra bilmədi. Papunaşvili zərbə vursa da, Avram yerində idi. 40-cı dəqiqədə “Araz-Naxçıvan” hesabı açmağa yaxın oldu. Paronun Ömər Buludova ötürməsinin qarşısını Fuad Bayramov alsa da, topu uzaqlaşdıra bilmədi. Qayıdan topa Mustafa Əhmədzadə uzaqdan zərbə vurdu, top qapıdan azca aralı keçdi.

Hesab 2-ci hissənin əvvəlində açıldı. 48-ci dəqiqədə Miçonun cərimə meydançasına göndərdiyi topa Renato uğursuz müdaxilə etdi, belədə Paronun başla ötürməsini Urfan Abbasov dəqiq zərbə ilə tamamladı – 0:1. 69-cu dəqiqədə “Zirə” hesabı bərabərləşdirməyə yaxın oldu. Sumanın uzaqdan zərbəsindən sonra dirəyə dəyən top meydanı tərk etdi. Cəmi bir dəqiqə sora Eldar Quliyev sürəti hesabına üç rəqibdən sıyrılıb, topu Sumaya yönəltdi. Salifunun qapı qarşısına ötürməsi zamanı Avram topu ələ keçirməklə təhlükənin qarşısını aldı. Ümumiyyətlə, sona qədər qarşılıqlı hücumlar şəraitində keçən oyunda hesab dəyişmədi. Belədə “Araz-Naxçıvan” məğlubiyyətsiz oyunlar seriyası 11-ə çatdı, “Zirə” isə son 10 gündə iki dəfə bu komandanı məğlub edə bilmədi.

Gözdən qaçmadı
* “Qartallar” və “Sektor 85” tribunada yox idi.
* Sona yaxın zirəli azarkeşlərdən biri “istefa” qışqırdı.

ƏSƏD SEYİDOV