Araz-Naxçıvan – Zirə 1:1 (0:1)
12. Kristian Avram – 5,5
34. Urfan Abbasov (k) – 5,5
(2. Slavik Alxasov, 85) – qiymətsiz
3. Bəxtiyar Həsənalızadə - 5,5
26. Ömər Buludov – 5,5
(11. Bayraməli Qurbanov, 85) – qiymətsiz
24. Mustafa Əhmədzadə - 5,0
(21. Sezar Meza Kolli, 70) – 5,0
16. Ramon Maçado – 5,5
29. Vanderson Melo – 5,5
23. Nuno Rodriges – 5,0
(10. Bernardo Dias, 53) – 5,0
14. Miço Kuzmanoviç – 5,5
(7. Ülvi İsgəndərov, 70) – 5,0
4. İqor Ribeyro – 5,0
97. Felipe Santos – 6,0
Ehtiyat oyunçular
94. Tərlan Əhmədli
6. Vadim Abdullayev
22. Elçin Mustafayev
20. Turan Vəlizadə
88. Tuqay Əlizadə
71. Sənan Ağalarov
17. İssuf Paro
Baş məşqçi: Elmar Baxşıyev
Komandanın ən yaxşısı: Felipe Santos
97. Tyaqo Silva – 6,0
7. Məqsəd İsayev – 5,5
8. İsmayıl İbrahimli – 5,5
(15. Pyer Zebli, 72) – 5,0
16. Fuad Bayramov – 5,5
11. Rüstəm Əhmədzadə - 5,5
(21. Hacıağa Hacılı, 85) – qiymətsiz
4. Ruan Renato (k) – 6,0
10. Georgi Papunaşvili – 7,0
(29. Ceyhun Nuriyev, 64) – 5,5
23. Rafael Utziq – 6,0
(90. Davit Volkov, 72) – 5,0
3. Ange Mutsinzi – 4,5
6. Eldar Quliyev – 4,5
19. Salifu Suma – 6,5
(24. Yusuf Laval, 64) – 5,0
Ehtiyat oyunçular
13. Aydın Bayramov
14. Elçin Əlicanov
22. İldar Alekperov
5. Stefan Aka
28. Abbas İbrahim
18. Junior Martins
17. Ayron Qomis
Baş məşqçi: Rəşad Sadıqov
Komandanın ən yaxşısı: Georgi Papunaşvili

Qollar: G.Papunaşvili, 30 (0:1, S.Suma). F.Santos, 89-p. (1:1).
Vərəqələr: V.Melo, 41 (qeyri-idman hərəkəti). N.Rodriges, 49 (qeyri-idman hərəkəti) – sarı.
Hakimlər: ƏLİYAR AĞAYEV, Zeynal Zeynalov, Akif Əmirəli, Əkbər Əhmədov (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Namiq Hüseynov (Bakı).
Hakim-inspektor: Ömər Paşayev (Bakı).
AFFA nümayəndəsi: Rüfət Əmirov (Bakı).
26 oktyabr. Bakı. “Liv Bona Dea Arena”. 80 tamaşaçı (6500 tamaşaçı).
Yalnız ikinci hissəyə 5 dəqiqə əlavə olunub.
Oyunun qiyməti: 5,5.

Oyunun keçirildiyi saatda hansısa turistin yolu “Liv Bona Dea Arena”dan düşsəydi, premyer-liqa klublarının, özü də avrokuboklar uğrunda mübarizə aparan komandaların yox, aşağı liqada gününü keçirənlərin qarşılaşdığını düşünərdi. Düzdü, bunun üçün tribunadakı bir ovuc azarkeş bəs edir. Lakin oyunun sürətinin çox aşağı olduğunu da qeyd etməliyik. Səbəb yağmurlu və kəskin hava şəraitiydi, yoxsa tərəflərin bir-birindən çəkinməsi? Bu, artıq başqa mövzudu.

“Araz-Naxçıvan” ilk dəqiqələrdən uzun ötürmələrlə şansını axtarırdısa, “Zirə” müdafiə olunmaqla məşğul idi. Belədə ilk hücum cəhdi meydan sahiblərindən gəldi. Maçadonun, ardından Kuzmanoviçin qapıya başla qeyri-dəqiq zərbələrindən sonra uzun müddət sabitlik hökm sürdü. Sükutu 22-ci dəqiqənin tamamında yenə Maçado pozdu ki, uzaqdan bəxtini sınayan braziliyalının göndərdiyi top tirin üstündən şütüdü. Nəhayət, 30-cu dəqiqdə “Zirə”nin mühərriki işə düşdü və qonaqların ilk təhlükəli epizodu qeydə alındı. Dəqiq desək, sağ cinahdan hücuma keçən Məqsəd topu ön xətdəki Sumaya çatdırdı. Salifunun cərimə meydançası yaxınlığında Papunaşviliyə ötürmə verməsi isə qolla nəticələndi. Gürcüstanlı müdafiə xəttinin sıxlığına, xüsusilə Bəxtiyarın təzyiqinə baxmayaraq, kiçik boşluqdan məharətlə yararlandı. Muxtar Respublika təmsilçisi “cavab atəşi” şansını 41-ci dəqiqədə Eldarın topu itirməsiylə qazandı. Belədə Melo dərhal “kürə”yə yiyələnib uzaqdan bəxtini sınasa da, Silvanın müdaxiləsi hesabın bərabərləşməsinə imkan vermədi. Meydan sahiblərinin növbəti cəhdini də Melo puç etdi. Braziliyalı bu dəfə Maçadonun ötürməsini qeyri-dəqiqlik üzündən dəyərləndirə bilmədi. Nəticədə qonaqlar fasiləyə üstün yollandı.

İkinci hissəyə daha inamlı oyunla başlayan “Zirə” 52-ci dəqiqədə hesabı açmağa yaxın oldu. Sadəcə, Sumanın xəsisliyi, daha doğrusu, həlledici məqamda əlverişli mövqedə yerləşən Utziqə ötürmə vermək əvəzinə bəxtini sınaması Silvanın seyviylə nəticələndi. 67-ci dəqiqədə Maçadonun zərbəsindən sonra top dirəkdən qayıtdı. Meydanda qalan “kürə”ni Dias tora qovuşdurmaq istəsə də, Renato qarşısını kəsdi. Elə bu epizoddan sonra komandaların “barıtı bitdi” desək, yanılmarıq. Nə “qartallar”, nə də “qırmızı-ağlar” təhlükəli hücumlarla yadda qaldı. Hesabın bərabərləşməsinə gətirib çıxaran epizoda isə Mutsinsizinin diqqətsizliyi səbəb oldu. Meza Kollinin qapı önünə ötürdüyü top Eldarın müdaxiləsindən sonra havalandı və cərimə meydançasında olan Angenin dirsəyinə toxundu. Ağayevin təyin etdiyi penaltini qola çevirən Santos komandasına bir xal qazandırdı. Beləliklə, “Araz-Naxçıvan”ın məğlubiyyətsiz oyunlar seriyası 9-a çatdı!

Gözdən qaçmadı
* Tribunada təxminən 20 nəfərdən ibarət “Qartallar” fanklubu və bir neçə sıravı azarkeş əyləşmişdi.
* Matçdan əvvəl “Ayın qolu” layihəsi çərçivəsində sentyabrın qalibi olan Bernardo Diasa PFL-in texniki-idman direktoru Elgiz Abbasov mükafat verdi.

KƏNAN BAHADIR