Səbail – Sumqayıt 0:1 (0:0)
1. Hüseynəli Quliyev – 5,0
74. Yusif Nəbiyev (k) – 5,0
(15. Vüsal Məsimov, 86) - qiymətsiz
3. Dmitri Litvin – 4,5
44. Amir Bilali – 5,0
20. Mərt Çəlik – 5,5
77. Fərid Nəbiyev – 4,5
11. Rüfət Abdullazadə - 5,0
8. Qorka Laruçça – 5,0
7. Madi Queta – 4,5
(21. Ayman Bouali, 65) – 4,5
14. Suleyman Alluş – 5,0
(17. Gülağa Əsədov, 86) – qiymətsiz
10. David Qomis 4,5
(19. Samir Abdullayev, 79) – qiymətsiz
Ehtiyat oyunçular
12. Əlirza Müştəbazadə
25. Nicat Məmmədzadə
6. Cabir Əmirli
18. Süleyman Əhmədov
83. Nihad Quliyev
16. Emin Rüstəmov
Baş məşqçi: Şahin Diniyev
Komandanın ən yaxşısı: Mərt Çəlik
1. Mehdi Cənnətov – 6,0
14. Elvin Bədəlov (k) – 5,5
95. Miloş Miloviç – 5,0
19. Roi Kehat – 5,0
(10. Rəhim Sadıxov, 61) – qiymətsiz
7. Rövlan Muradov – 5,0
17. Murad Xaçayev – 4,5
8. Səbuhi Abdullazadə - 5,0
23. Cordan Rezabala – 5,5
(9. Nikola Vuynoviç, 79) – qiymətsiz
60. Tresor Mossi – 4,5
(6. Vüqar Mustafayev, 46) – 4,5
99. Silvanus Nimeli – 5,5
(2. Sertan Taşkın, 90) – qiymətsiz
30. Kamran Quliyev – 5,0
(20. Ayxan Süleymanlı, 79) – qiymətsiz
Ehtiyat oyunçular
94. Rəşad Əzizli
36. Xəyal Fərzullayev
21. Nihat Əhmədzadə
24. Sənan Muradlı
11. Fernando Medeyros
12. Georgi Karaişvili
77. Cəsurbek Cəloliddinov
Baş məşqçi: Vaqif Cavadov
Komandanın ən yaxşısı: Mehdi Cənnətov

Qol: S.Nimeli, 51 (C.Rezabala).
F.Nəbiyev 78-ci dəqiqədə penaltidən yararlana bilməyib (dirək)
Vərəqələr: T.Mossi, 18 (qeyri-idman hərəkəti). S.Alluş, 24 (qeyri-idman hərəkəti). A.Bilali, 27 (qeyri-idman hərəkəti). R.Sadıxov, 77 (qeyri-idman hərəkəti). M.Xaçayev, 83 (qeyri-idman hərəkəti). Q.Laruçça, 85 (qeyri-idman hərəkəti) – sarı.
Hakimlər: FƏRİD HACIYEV, Eyyub İbrahimov, Şirmamed Mamedov, Elvin Bayramov (hamısı Bakı).
VAR hakimi: Rauf Cabbarov (Bakı).
VAR hakiminin köməkçisi: Kamran Bayramov (Bakı).
Hakim-inspektor: Babək Quliyev (Bakı).
AFFA nümayəndəsi: Məmmədəli Məmmədov (Bakı).
Yalnız ikinci hissəyə 5 dəqiqə əlavə olunub.
26 oktyabr. Bakı. “ASCO Arena”. 600 tamaşaçı (3200 yerlik).
Oyunun qiyməti: 5,0.

“Sumqayıt”ın 7 oyunluq qələbəsizlik seriyası “Səbail”lə oyunda sona çatdı. Maraqlıdı ki, “gənclik şəhəri”ni təmsil edən komanda sonuncu qələbəsini də elə “Səbail” üzərində qazanmışdı. O vaxtdan bəri keçirilən 7 görüşün altısında məğlub olan “Sumqayıt” yalnız bir görüşdə heç-heçəyə sevinmişdi. Daha bir maraqlı məqam məşqçi dəyişikliyi ilə bağlıdı. Belə ki, bu qələbə Samir Abasovun gedişindən sonra baş məşqçi postunu qəbul edən Vaqif Cavadov üçün premyer-liqada bir ilk oldu.

Amma etiraf etmək lazımdı ki, meydan sahibləri oyuna daha yaxşı başlamışdı. “Dənizçilər” tez-tez “Sumqayıt”ın qapısı qarşısında təhlükəli vəziyyət yaradır, bu vəziyyətlərin bəziləri Mehdi Cənnətovun qoruduğu qapıya zərbə ilə də yekunlaşırdı. “Milliləşdirilmiş” qapıçı bir neçə epizodda komandasını qoldan xilas etməyi bacardı. Artıq 3-cü dəqiqədə “Səbail” ilk hücum cəhdini gerçəkləşdirdi. Çəlik zərbə vurmağa imkan tapmasa da, Laruçça “çərçivə”yə doğru zərbə vura bildi. Amma onun zərbəsi qeyri-dəqiq alındı. Ardından Yusif Nəbiyev qüvvətli zərbəylə qapını dəqiq nişan aldı. Bu məqamda Cənnətov bacarığını ortaya qoydu və topu yumruqları ilə qarşıladı. 36-cı dəqiqədə Qomis bir qədər dəqiq oynasaydı, hesabı aça bilərdi. Çünki həmin epizodda Cənnətov da reaksiya verməkdə gecikmişdi. Amma top qapıdan azca aralı keçdi. “Milliləşdirilmiş” qapıçı hissənin sonlarına yaxın yenidən diqqət mərkəzinə düşdü. Bu dəfə o Alluşun sevinməsinə imkan vermədi.

Mehdinin etibarlı oyunu “Səbail”in həmlələrinin nəticəsiz qalmasına səbəb oldu. Əvəzində ondan ilhamlanan komanda yoldaşları 2-ci hissədə hücumda çoxalmağa, rəqib qapısına zərbələrin sayını artırmağa başladılar. Bu mənada 51-ci dəqiqədə hesabın açılması da təsadüfi olmadı. Rezabala sağ cinahla inamla irəlilədikdən sonra topu əks cinahdakı Nimeliyə ötürdü. Liberiyalı hücumçu “çərçivə”ni dəqiq nişan aldı. Onun zərbəsindən sonra “Səbail”in qapıçısı aciz qaldı. Heç şübhəsiz, bu, turun ən yaxşı qolu seçilməyə əsas namizədlərdəndi. Hesab açılandan sonra “Sumqayıt” təşəbbüsə yiyələndi və daha bir neçə dəfə fərqlənməyə yaxın oldu. Meydan sahibləri isə azsaylı hücum cəhdlərinin birində hesabı bərabərləşdirə bilərdilər. Belə ki, “Səbail”in 73-cü dəqiqədə reallaşdırdığı hücum künc zərbəsi ilə nəticələndi. Küncdən zərbə yerinə yetirilərkən Rəhim Sadıxov ayağıyla Yusif Nəbiyevin üzünə zərbə endirdi. Nəbiyev həkimlərin müdaxiləsindən sonra ayağa qalxa bildi. Baş hakim Fərid Hacıyev isə VAR-ın müdaxiləsindən sonra “Sumqayıt”ın qapısına penalti təyin etdi. Zərbəni yerinə yetirən Fərid Nəbiyev dirəyi nişan alınca bu əlverişli fürsətdən yararlanmaq da mümkün olmadı.

Penaltidən sonra “Sumqayıt” daha ehtiyatlı oynamağa başladı və müdafiəyə çəkildi. Bu da “Səbail”in fəallaşmasıyla nəticələndi. 87-ci dəqiqədə Bouali topu əla ram edib, qüvvətli zərbə vurdu. Amma onun zərbəsində dəqiqlik çatmadı. Son dəqiqələrdə azı iki epizodda “Səbail” məğlubiyyətdən qaçmaq üçün fürsət qazansa da, bu fürsətləri dəyərləndirmək mümkün olmadı. Beləcə Vaqif Cavadov “Sumqayıt”ın baş məşqçisi kimi çıxdığı ikinci oyunda qələbəyə sevindi.

Gözdən qaçmadı
* Həm “Dənizçilər”, həm də “Kimyaçılar” oyunun əvvəlindən sonuna qədər komandasını dəstəklədi.
* Media sektorunda hədsiz az jurnalist var idi.
* Vaqif Cavadov aşırı emosionallıq göstərirdi. Hətta dəfələrlə baş hakim Fərid Hacıyev və 4-cü hakim xətdən kənara çıxmamağı tapşırsa da, sona qədər belə davam etdi.
* Hesab açılandan sonra Cavadov Rövlan Muradovu, daha sonra köməkçisi Vurğun Hüseynovu qucaqlayaraq qolu qeyd etdi.
* Cavadovun köməkçilərindən Şahin Abdullayev hakimə etiraza görə sarı vərəqə ilə cəzalandırıldı.

AMAL