Turan Tovuz - Kəpəz (Gəncə) 2:1 (1:0)
1. İvan Konovalov - 5,5
33. Eltun Turabov - 5,0
(4. Şəhriyar Əliyev, 63) - 4,5
88. Faiq Hacıyev - 5,5
(7. İsmayıl Zülfüqarlı, 80) - qiymətsiz
77. Veysəl Rzayev - 5,5
(10. Xəyal Nəcəfov, 46) - 5,0
99. Sadiq Şəfiyev - 5,0
(11. Ayxan Quseynov, 46) - 6,0
9. Kristian da Silva (k) - 5,5
5. Roderik Miller - 5,5
23. Alexandro Serrano - 6,0
15. Emmanuel Hakman - 6,5
25. Denis Marandiçi - 6,0
80. Otto Con - 5,5
(21. Aleks Souza, 63) - 4,5
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
8. Tural Bayramlı
13. Fərid Yusifli
44. Rüfət Əhmədov
6. Araş Qaderi
Baş məşqçi: Kurban Berdıyev
Komandanın ən yaxşısı: Emmanuel Hakman
1. Rojerio Santos - 6,0
3. Mahamadu Ba - 5,5
78.Yeqor Xvalko (k) - 6,0
5. Rauf Hüseynli - 5,5
29. Dioqo Verdaska - 5,0
7. Ehtiram Şahverdiyev - 5,5
77. Viktor Braqa - 5,5
(10. Karim Lkouça, 62) - 5,0
70. Nicat Süleymanov - 4,5
(21. Camal Cəfərov, 46) - 4,5
11. Orxan Əliyev - 5,5
26. Valdemar Almeyda - 5,5
9. Luis Paçu - 6,0
Ehtiyat oyunçular
22. Məmməd Hüseynov
2. İlkin Qırtımov
80. Tural Rzayev
99. Əli Səmədov
12. Turab Manafov
20. Mahir Həsənov
17. Ümid Səmədov
97. Nicat Məhərrəmov
44. Nihat Fərəci
19. Lassana Ndiaye
Baş məşqçi: Azər Bağırov
Komandanın ən yaxşısı: Luis Paçu

Qollar: V.Rzayev, 15 (1:0, D.Marandiçi). L.Paçu, 76-p. (1:1). E.Hakman, 90+4 (2:1, A.Quseynov).
K.da Silva, 3-cü dəqiqədə penaltidən yararlana bilməyib (üst).
Vərəqələr: L.Paçu, 2 (hakimin qərarına etiraz). S.Şəfiyev, 19 (qeyri-idman hərəkəti). N.Suleymanov, 30 (qeyri-idman hərəkəti). V.Rzayev, 44 (qeyri-idman hərəkəti). O.Əliyev, 53 (tələb olunan məsafəyə riayət edilməməsi) K.da Silva, 55 (qeyri-idman hərəkəti). F.Hacıyev, 63 (oyunun bərpasının ləngidilməsi). A.Souza, 67 (qeyri-idman hərəkəti). R.Hüseynli, 90+3 (qeyri-idman hərəkəti). D.Verdaska, oyundan sonra (hakimin qərarına etiraz) - sarı. D.Verdaska, oyundan sonra (hakimin qərarına etiraz) – qırmızı (ikinci sarı).
Hakimlər: RAUF ALLAHVERDİYEV, Elşad Abdullayev, Rahil Ramazanov, Kamran Əliyev (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Cəmil Quliyev (Bakı).
Hakim-inspektor: Munis Abdullayev (Bakı).
AFFA nümayəndəsi: Elman Musayev (Bakı).
25 oktyabr. Tovuz. Şəhər stadionu. 3800 tamaşaçı (6800 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun qiyməti: 6,0.

11-ci turun Tovuzda keçirilən açılış matçı ilə bağlı hər bir komandanın müəyyən hədəfi var idi. Bir tərəfdə liderliyə iddialı “Turan Tovuz”, digər tərəfdə isə aşkar autsayder “Kəpəz”…

Meydan sahibləri elə ilk dəqiqələrdə hesabı aça bilərdi. Con Millerin uzun ötürməsini qəbul edib, zərbə vursa da, top Verdaskaya dəyərək meydanı tərk etdi. Serrano künc zərbəsindən Sadiq Şəfiyevə, Sadiq isə Marandiçiyə ötürmə verdi. Marandiçi qapıya zərbə endirmək istəsə də, Ehtiram Şahverdiyev ayağı ilə topa yox, rəqibinə xəsarət yetirdi. Belədə referi penalti nöqtəsini göstərir. Təbii ki, tovuzlular bundan yaxşı başlanğıcı təsəvvür edə bilməzdi. Amma Da Silva penaltini qapının üstündən vurdu. Qonaqlar da 11-ci dəqiqədə hücum qurdu. Verdaskadan ötürmə alan Braqa Eltun Turabovu aldadıb zərbə endirsə də, Konavalov yerində idi. Hər halda, tovuzlular erkən qol istəyinə çatdı. Artıq 15-ci dəqiqədə Veysəl Rzayev Marandiçinin ötürməsini qəbul edib, topu qapıdan keçirməyi bacardı - 1:0. “Kəpəz” qoldan sonra yetərincə fəallaşdı, hücumlar qurmağa başladı, bununla belə, gəncəlilər real qol vəziyyəti yaratmaqda çətinlik çəkirdi.

Tovuzlular 2-ci hissənin əvvəlində fərqi artırmağa yaxın oldu. 47-ci dəqiqədə Quseynov – Con – Hacıyev kombinasiyasını Faiq qeyri-dəqiq zərbə ilə bitirdi. 53-cü dəqiqədə Quseynov, 57-ci dəqiqədə isə qonaqlardan Paçu təhlükəli cərimə zərbəsi ilə yadda qaldı. Hər iki halda qapıçılar ustalığını göstərməli oldu. 72-ci dəqiqədə Camal Cəfərov sol cinahdan qapı qarşısına ötürmə verərkən top tovuzluların kapitanı Şəhriyar Əliyevin əlinə dəydi. Rauf Allahverdiyev monitora yaxınlaşıb, epizodu dəyərləndirdikdən sonra “nöqtə”ni göstərdi. Paçu dəqiq zərbə ilə keçmiş komandasını cəzalandırdı. Amma gəncəlilər heç-heçə hesabını qoruya bilmədi. 3-cu uzatma dəqiqəsində tovuzlular qəribə qol vurdu. Paçudan ötürmə alarkən top Orxan Əliyevin əlinə dəydi. Ayxan Quseynovun cərimə zərbəsindən qapı qarşısına ötürməsi zamanı Hakman asta, ancaq dəqiq zərbə ilə topu qapıdan keçirdi - 2:1.
Beləliklə, “Turan Tovuz” cari mövsümdə 7-ci qələbəsini qazandı, “Kəpəz” isə 11-ci oyunda 10-cu məğlubiyyətini aldı.

Gözdən qaçmadı
* Oyunu izləyənlər sırasında AFFA-nın Mətbuat və İctimaiyyətlə Əlaqələr departamentinin rəhbəri Elnur Məmmədli, AFFA-nın icraçı vitse-prezidenti Sərxan Hacıyev və yığmanın baş məşqçisi Fernando Santuş da var idi.
* Azər Bağırov 62-ci dəqiqədə hakimin qərarına etiraz etdiyinə görə sarı vərəqə aldı.
* Oyundan sonra qonaqların paltardəyişmə otağında gərginlik yarandı.

ƏSƏD SEYİDOV