Həftəiçi Avroliqanın müntəzəm çempionatında 5-ci turun oyunları keçirildi.
Türkiyə klublarından “Efes” “Milan”ın qonağı oldu. “Pivəçilər” ilk iki çeyrəkdə inamlı təsir bağışlayaraq 21 xal önə çıxdı. “Rossonyeri” 3-cü çeyrəkdə oyunun axarını dəyişməyi bacarsa da, “Efes” sonda inamlı qələbə qazandı. “Fənərbaxça” isə “Panatinaikos”u qəbul etdi və uduzdu.
Bu arada məşhur basketbol portalı “BasketNews” Avroliqada ən çox basketbolçu ilə təmsil olunan ölkələrin siyahısını açıqlayıb. Bu siyahının şəriksiz lideri Amerika Birləşmiş Ştatlarıdı. Avroliqada daha çox oyunçu ilə təmsil olunan ölkələr:
ABŞ – 74, Fransa – 31, Serbiya – 24, Almaniya – 18, İtaliya – 15, Litva – 13, Yunanıstan, Türkiyə, İspaniya – 12.
Partizan (Serbiya) – Virtus B (İtaliya) 69:70 (20:15, 17:17, 24:25, 8:13)
Jalgiris (Litva) – Makkabi T-Ə (İsrail) 78:63 (26:7, 18:17, 15:22, 19:17)
Monako (Fransa) – Paris (Fransa) 80:87 (22:25, 21:24, 21:14, 16:24)
Baskoniya (İspaniya) – Alba (Almaniya) 80:57 (24:13, 15:13, 24:14, 17:17)
Milan (İtaliya) – Efes (Türkiyə) 84:96 (11:23, 14:23, 34:20, 25:30)
Real (İspaniya) – Srvena Zvezda (Serbiya) 95:72 (22:10, 24:19, 25:25, 24:18)
Fənərbaxça (Türkiyə) – Panatinaikos (Yunanıstan) 76:81 (15:21, 20:25, 19:16, 22:19)
Barselona (İspaniya) – ASVEL (Fransa) 90:83 (17:20, 26:24, 26:25, 21:14)
Bavariya (Almaniya) – Olimpiakos (Yunanıstan) 84:80 (20:19, 12:24, 27:18, 25:19)
Xal durumu: Barselona, Jalgiris – 9, Real, Panatinaikos, Baskoniya, Efes, Monako, Srvena Zvezda, Fənərbaxça, Bavariya – 8, Olimpiakos, Partizan, Paris, ASVEL, Makkabi T-Ə - 7, Virtus B, Milan, Alba – 6.