Zirə - Sabah (Bakı) 1:1 (0:1)
13. Aydın Bayramov – 4,5
4. Ruan Renato – 6,0
15. Pyer Zebli – 5,0
(8. İsmayıl İbrahimli, 46) – 5,0
3. Ange Mutsinzi – 5,0
32. Qismət Alıyev (k) – 5,0
(10. Georgi Papunaşvili, 72) – 5,5
7. Məqsəd İsayev – 5,0
18. Junior Martins – 5,0
(24. Yusuf Laval, 46) – 5,0
6. Eldar Quliyev – 4,5
(19. Salifu Suma, 83) – qiymətsiz
29. Ceyhun Nuriyev – 5,0
(11. Rüstəm Əhmədzadə, 76) – qiymətsiz
90. Davit Volkov – 5,0
23. Rafael Utziq – 5,0
Ehtiyat oyunçular
97. Tyaqo Silva
41. Anar Nəzirov
21. Hacıağa Hacılı
16. Fuad Bayramov
14. Elçin Əlicanov
5. Stefan Aka
17. Ayron Qomis
Baş məşqçi: Rəşad Sadıqov
Komandanın ən yaxşısı: Ruan Renato

55. Nicat Mehbalıyev – 5,0
17. Tellur Mütəllimov – 5,0
40. İqor Noqeyra – 4,5
6. Abdulax Xaybulaev – 4,5
(44. Sofian Çakla, 83) – qiymətsiz
3. Con İrasabal – 4,5
2. Amin Seydiyev (k) – 5,0
13. İvan Lepinitsa – 5,0
(77. Şakir Seyidov, 41) – 5,0
20. Coy-Lens Mikels – 5,0
(9. Anatoli Nuriyev, 76) – qiymətsiz
11. Kahim Parris – 5,0
70. Cesse Sekidika – 5,5
(88. Xəyal Əliyev, 83) – qiymətsiz
18. Pavol Safranko – 5,0
Ehtiyat oyunçular
1. Yusif İmanov
94. Rəvan Mirzəmmədov
10. Namik Ələskərov
5. Rəhman Daşdəmirov
22. Abdulla Rzayev
99. Neqoş Kupusoviç
Baş məşqçi: Krunoslav Renduliç
Komandanın ən yaxşısı: Cesse Sekidika

Qollar: C.Sekidika, 7 (0:1). G.Papunaşvili, 90+1 (1:1, R.Əhmədzadə).
Vərəqələr: C.Sekidika, 43 (qeyri-idman hərəkəti). M.İsayev, 45 (qeyri-idman hərəkəti) - sarı.
Hakimlər: RƏŞAD ƏHMƏDOV (Mingəçevir), Vüsal Məmmədov, Zöhrab Abbasov, Əli Əliyev (hamısı Bakı).
VAR hakimi: Elçin Məsiyev (Bakı).
VAR hakiminin köməkçisi: Pərvin Talıbov (Bakı).
Hakim-inspektor: Ceyhun Haşımov (Bakı).
AFFA nümayəndəsi: Elçin Məmmədov (Bakı).
20 oktyabr. Zirə. İdman Kompleksinin stadionu. 800 tamaşaçı (1256 yerlik).
Birinci hissəyə 4, ikinci hissəyə 5 dəqiqə əlavə olunub.
Oyunun qiyməti: 5,5.

Avrokuboklara vəsiqə uğrunda mübarizə aparan komandaların duelinin maraqlı mübarizə şəraitində keçəcəyini gözləməyə dəyərdi. Özü də bu rəqiblərin oyunları ilə bağlı maraqlı statistika var idi. Son 4 oyunun hamısında qonaqlar qələbə qazanmışdı. Bu tendensiyanın davam etməsi ehtimalı böyük idi. Papunaşvilinin bərabərlik qolunu vurduğu 90+1-ci dəqiqəyə qədər…

Rəşad Əhmədovun start fiti ilə irəli atılan qonaqların erkən qol istəyində olduğunu hiss etmək çətin deyildi. Onlar bu istəyinə çatdı. Tellurun topu autdan oyuna daxil etməsiylə başlayan hücumun davamında Seydiyev cərimə meydançasına ötürmə verdi. Aydın Bayramov Tellurun ilk zərbəsinin qarşısı alsa da, Sekidika təkrar zərbə ilə hesabı açdı. Maraqlıdı ki, “Sabah” qoldan sonra da hücumları davam etdirdi. “Zirə” isə ilk 15 dəqiqədə yalnız Volkovun toru yandan silkələyən zərbəsi ilə yadda qaldı. Ardından meydanda qarşılıqlı hücumlarla müşayiət olunan, ancaq təhlükəli vəziyyətlərin görünmədiyi oyun getdi.

Komandasının heç cür orta sahəyə nəzarəti ələ keçirə bilmədiyini görən Rəşad Sadıqov fasilədən sonra İsmayıl İbrahimli ilə Yusuf Lavalı meydana buraxdı. Bu dəyişikliklər “qartallar”ın nisbətən fəallaşmasına səbəb oldu. Xüsusən də Laval oyundaşlarını zərbə mövqeyinə çıxarmağa çalışırdı. Başı hücum əməliyyatlarına qarışan “Zirə” 59-cu dəqiqədə az qala 2-ci qolu da buraxacaqdı. Sadəcə, əlverişli mövqedə olan Mikels dəqiq zərbə vura bilmədi.
2-ci hissənin birinci ilə müqayisədə daha maraqlı keçdiyini demək çətindi. Futbolçular tez-tez qaydanı pozur, oyunda müntəzəm fasilələlər yaranırdı. Atalar boşuna deməyib ki, hər işdə bir xeyir var. 68-ci dəqiqədə Qismət zədələndi və Rəşad Sadıqov onun əvəzinə Papunaşvilini meydana buraxdı. Sonradan məhz bu gediş “Zirə”ni məğlubiyyətdən qurtaracaqdı. “Qartallar” son 5 dəqiqədə təzyiqi artırdı. Bu təzyiqin nəticəsi kimi uzatma dəqiqələrində hesab bərabərləşdi. Papunaşvili özü başladığı hücumu dəqiq zərbə ilə bitirdi. Amma ona dabanla ötürmə verən Rüstəmin əməyini də vurğulamaq lazımdı. “Zirə” mövsümdəki ilk heç-heçədən razı qalmalıdı. Çünki rəqiblə müqayisədə daha zəif oynadı.

Gözdən qaçmadı
* “Soldati di Sabah” və “Qartallar” stadionu coşdurmağı bacardı. “Sabah”ın azarkeş qrupu həm say, həm də dəstək baxımından oyunun əvvəlindən sonuna qədər rəqibdən üstün idi.
* “Zirə”nin futbolçusu Renato bu komandanın heyətində 100-cü oyununu keçirdiyinə görə ona üzərində “100” yazılmış forma təqdim edildi.
* Oyunun gedişində fürsət düşdükcə Rəşad Sadıqov Renatonu yanına çağıraraq tərcüməşi vasitəsilə ona nəyisə başa salırdı.
* Oyunu izləyənlər arasında yığmanın direktoru İlqar Qurbanov da vardı. “Şamaxı”da çıxış edən Leroy Mikels də qardaşı Coy-Lensə dəstək olmaq üçün stadiona gəlmişdi.
* Oyundan sonra Rəşad Sadıqov və Krunoslav Renduliç bir-biri ilə görüşəndən sonra rəqib futbolçularla da əl sıxdı.

ORXAN