Sumqayıt - Turan Tovuz 2:4 (1:3)
1. Mehdi Cənnətov - 5,0
6. Vüqar Mustafayev (k) - 5,0 
14. Elvin Bədəlov - 5,5 
2. Sərtan Taşkın - 5,0 
7. Rövlan Muradov - 5,5 
(20. Ayxan Süleymanlı, 71) - 4,0
17. Murad Xaçayev - 5,5 
30. Kamran Quliyev - 6,0
8. Səbuhi Abdullazadə - 5,0
(12. Georgi Karaişvili, 57) - 4,5 
9. Nikola Vuynoviç - 5,5
(10. Rəhim Sadıxov, 57) - 4,5 
99. Silvanus Nimeli - 5,5
(95. Miloş Miloviç, 71) - 4,0 
23. Cordan Rezabala - 4,0
(19. Roy Kehat, 28) - 5,5 
Ehtiyat oyunçular
94. Rəşad Əzizli
36. Xəyal Fərzullayev
21. Nihat Əhmədzadə
24. Sənan Muradlı
11. Fernando Medeyros
5. Alan Dias
60. Tresor Mossi
Baş məşqçi: Vaqif Cavadov
Komandanın ən yaxşısı: Kamran Quliyev

1. İvan Konovalov - 5,5 
4. Şəhriyar Əliyev (k) - 5,5 
88. Faiq Hacıyev - 5,5 
77. Veysəl Rzayev - 6,0 
(10. Xəyal Nəcəfov, 68) - 5,0 
99. Sadiq Şəfiyev - 5,0 
(7. İsmayıl Zülfüqarlı, 68) - 5,0 
9. Kristian da Silva - 5,5 
(13. Fərid Yusifli, 86) - qiymətsiz
5. Roderik Miller - 6,0 
23. Alexandro Serrano - 6,5 
15. Emmanuel Hakman - 5,5
25. Denis Marandiçi - 5,5 
(11. Ayxan Quseynov, 68) - 5,0 
80. Otto Con - 6,0 
(21. Aleks Souza, 68) - 5,5
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
33. Eltun Turabov
8. Tural Bayramlı
44. Rüfət Əhmədov
6. Araş Qaderi
Baş məşqçi: Kurban Berdiyev
Komandanın ən yaxşısı: Alexandro Serrano

Qollar: A.Serrano, 16 (1:0). O.Con, 25 (2:0). V.Rzayev, 26 (3:0, K.da Silva). N.Vuynoviç, 32 (3:1). A.Souza, 78 (4:1, A.Quseynov). K.Quliyev, 87 (4:2, A.Süleymanlı).
Vərəqələr: R.Muradov, 45+3 (qeyri-idman hərəkəti). V.Mustafayev, 80 (hakimin qərarına etiraz). Ş.Əliyev, 84 (qeyri-idman hərəkəti) - sarı.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Rauf Allahverdiyev (hamısı Bakı).
VAR hakimi: Cavid Cəlilov (Bakı).
VAR hakiminin köməkçisi: Müslüm Əliyev (Bakı).
Hakim-inspektor: Rəhim Həsənov (Bakı).
AFFA nümayəndəsi: Emin Cəfərov (Bakı).
20 oktyabr. Sumqayıt. Mehdi Hüseynzadə adına şəhər stadionu. 1500 tamaşaçı (9502 yerlik).
Birinci hissəyə 3, ikinci hissəyə 4 dəqiqə əlavə olunub.
Oyunun qiyməti: 7,0.

Misli premyer-liqasında həyəcan davam edir. Samir Abasovla yollarını ayırandan sonra Vaqif Cavadovun “sükanı arxasına” keçdiyi “Sumqayıt” ikinci dövrənin ilk turunda “Turan Tovuz”la üz-üzə gəldi. Çempionatda 6 oyundu qələbə qazana bilməyən “gənclik şəhəri”nin təmsilçisi seriyaya son qoymaq istəyirdi. Tovuzlular isə “Zirə”nin ardından “Sumqayıt”dan da 3 xal qoparmağa çalışacaqdı. 

5-ci dəqiqədə “Sumqayıt” hesabı açmağa yaxın oldu. Xaçayev Nimeliyə ötürmə verdi. Silvanus topu yenidən Xaçayevə qaytaran zaman Faiqlə toqquşdu. Murad cərimə meydançasına doğru ötürmə verdi. Onun ötürməsini Marandiçi uzaqlaşdıra bilmədi və Kamran Quliyev zərbə endirsə də, Miller Konovalovun səhvini düzəltdi. Konovalovun  topa inamsız çıxışı və biganəliyi də sual doğurmaya bilməz. 16-cı dəqiqədə Serrano cərimə meydançasına doğru ötürmə verdi. Sadiq Şəfiyevin topu qəbul edib, zərbə endirmək istəyinə “Sumqayıt”ın müdafiəçiləri mane olur. Meydan sahiblərinin topu təhlükəli zonadan uzaqlaşmaq cəhdi alınmadı və Alexandro hesabl açdı – 0:1. 25-ci dəqiqədə tovuzlular 2-ci dəfə Cənnətovun qapısına yol tapdı. Serrano topu Rezabaladan alıb, Cona doğru ötürmə verdi. Otto təkbaşına “Sumqayıt”ın müdafiə xəttini yardı – 0:2. Cəmi bir dəqiqə sonra “Turan Tovuz” Cənnətovu 3-cü dəfə məyus etməyi bacardı. Da Silvadan ötürmə alan Veysəl 4 rəqibdən yayınıb, topu “çərçivə”yə yönəltdi. Həmin anda “UltraSumqayıt” azarkeş qrupunun “istefa” şüarları diqqəti çəkdi. “Sumqayıt” 32-ci dəqiqədə fərqi azaltmağı bacardı. Rövlan Nimelinin cərimə meydançasına ötürməsini bir toxunuşla “çərçivə”yə yönəltsə də, top dirəkdən döndü. Vuynoviç təkrar zərbə ilə fərqi azaltdı – 1:3.

Gözləmək olardı ki, meydan sahibləri 2-ci hissədə hesabı bərabərləşdirmək üçün irəli atılacaq. Ancaq heç də belə olmadı. Komandalar arasında aşkar səviyyə fərqi var idi. 78-ci dəqiqədə Ayxan Quseynov meydanın mərkəzindən topu Aleks Souzaya göndərdi. O isə iki rəqibi aldadıb, dəqiq zərbə ilə hesabı darmadağın həddinə çatdırdı. Düzdü, 87-ci dəqiqədə “Sumqayıt” qollardan birinin əvəzini çıxdı. Ayxan Süleymanlının qapı qarşısına ötürməsini Kamran Quliyev başla tamamladı.
Beləliklə, “Sumqayıt”ın yeni çalışdırıcısı Vaqif Cavadov da qələbəsiz oyunlar seriyasını qıra bilmədi. “Turan Tovuz” isə bu qələbə sayəsində 2-ci yeri qorudu.

Gözdən qaçmadı
* Oyunun əvvəlində “Kimyaçılar” “Vaqif, Sumqayıt sənə inanır” dedi. Baş məşqçi kimi premyer-liqada debüt edən Cavadov ilk dəqiqələrdə çox emosional görünürdü.
* Rezabala əvəzləndikdən sonra ehtiyat oyunçular skamyasına yox, birbaşa paltardəyişmə otağına yollandı.
* “UltraSumqayıt” 03-dən sonra “istefa” və “Paltarı çıxarın, rədd olun, gedin” dedi.

ƏSƏD SEYİDOV