Kəpəz (Gəncə) - Qarabağ (Ağdam) 0:5 (0:1)
1. Rojerio Santos - 5,5
2. İlkin Qırtımov (k) - 5,0
11. Orxan Əliyev - 5,0
(19. Lassana Ndiaye, 58) - 5,0
12. Turan Manafov - 5,0
70. Nicat Süleymanov - 5,0
(21. Camal Cəfərov, 58) - 5,0
5. Rauf Hüseynli - 5,0
26. Valdemar Almeyda - 5,0
(10. Karim Lkouça, 80) - qiymətsiz
9. Luis Paçu - 5,0
(99. Əli Səmədov, 80) - qiymətsiz
29. Dioqo Verdaska - 5,0
3. Mahamadu Ba - 5,0
77. Viktor Braqa - 5,0
(7. Ehtiram Şahverdiyev, 58) - 5,0
Ehtiyat oyunçular
22. Məmməd Hüseynov
80. Tural Rzayev
6. Nemət Musayev
17. Ümid Səmədov
Baş məşqçi: Azər Bağırov
Komandanın ən yaxşısı: Rojerio Santos
99. Mateus Koxalski - 6,0
30. Abbas Hüseynov - 6,0
24. Aleksey İsayev - 6,5
(8. Marko Yankoviç, 77) – qiymətsiz
13. Bəhlul Mustafazadə - 6,0
27. Toral Bayramov - 7,5
10. Abdullah Zubir (k) - 7,0
(21. Aleksey Kaşuk, 70) - 6,5
81. Kevin Medina - 6,0
18. Olavio Juninyo - 6,0
(22. Musa Qurbanlı, 77) – qiymətsiz
6. Julio Romao - 5,0
(66. Patrik Andrade, 46) - 5,0
15. Leandro Andrade - 6,5
(7. Yassin Benzia, 77) – qiymətsiz
11. Emmanuel Addai - 6,5
Ehtiyat oyunçular
97. Fabian Buntiç
12. Sadiq Məmmədzadə
20. Riçard Almeyda
55. Bədavi Hüseynov
44. Elvin Cəfərquliyev
90. Nəriman Axundzadə
19. Redon Cica
Baş məşqçi: Qurban Qurbanov
Komandanın ən yaxşısı: Toral Bayramov

Qollar: E.Addai, 17 (0:1, A.Zubir). A.İsayev, 51 (0:2, L.Andrade). L.Andrade, 52 (0:3, T.Bayramov). T.Bayramov, 67 (0:4, A.Zubir). A.Kaşuk, 78 (0:5, T.Bayramov).
Vərəqə: J.Romao, 20 (qeyri-idman hərəkəti) - sarı.
Hakimlər: RƏVAN HƏMZƏZADƏ (Şəki), Cəmil Quliyev, Asiman Əzizli, Əkbər Əhmədov (hamısı Bakı).
VAR hakimi: Kamal Umudlu (Bakı).
VAR hakiminin köməkçisi: Şirməmməd Məmmədov (Bakı).
Hakim-inspektor: Ramil Diniyev (Bakı).
AFFA nümayəndəsi: Erkin Hüseynov (Bakı).
18 oktyabr. Tovuz. Şəhər stadionu, 1500 tamaşaçı (6800 yerlik).
Yalnız birinci hissəyə 1 dəqiqə əlavə olunub.
Oyunun qiyməti: 5,5.

Əslində "Kəpəz"in daha əzmkar çıxış edəcəyini gözləməyə dəyərdi. Premyer-liqanı tərk etməyə real namizəd olan Gəncə təmsilçisi ötən turda "Neftçi"ni məğlub edəndən sonra azarkeşlərinin qəlbində ümid çırağı yandırmışdı. Düzdü, demək olar ki, heç kim "sarı-göylər"in qələbə qazanacağını düşünmürdü. Lakin 5 cavabsız qolun buraxılması hələ çoxlu problemin qaldığını sübut etdi. O başqa məsələ ki, matç gəncəlilərin yox, ağdamlıların ev oyunu ab-havasında keçdi. Vallah, "Qarabağ" qolları sıraladıqca tribunada əyləşən azarkeşlərin əksəriyyətinin sevinməsini başqa cür izah etmək mümkün deyil.

Həmin qışqırıqları ilk dəfə 17-ci dəqiqədə eşitdik. Daha doğrusu, Addai Zubirin Santosu aldatdıqdan sonra ona ötürdüyü topu tora qovuşdurduğu anda. Hər halda, "Qarabağ"ın futbolçusu mühafizəsiz qalan "çərçivə"ni nişan alarkən çətinlik çəkmədi. Çox keçmədən elə Koxalski də Braqanın zərbəsini bir o qədər asanlıqla dəf etdi. Növbəti dəqiqələrin sabit keçdiyini deyə bilərik. Komandalar kəsərli hücum qurmaq üçün fürsət tapa bilmirdilər. "Köhlən atlar"ın qola çox yaxın olduğu anlara şahidlik etmək 45-ci dəqiqədə qismət oldu. Rauf Zubirin zərbəsini qapı xəttinin üzərindən uzaqlaşdırdı, Santos isə əla seyvlə Juninyonun fərqlənməsinə mane oldu. Belədə "Kəpəz" fasiləyə ümidli yollandı. Amma necə deyərlər, sən saydığını say, gör fələk nə sayır...
Ciddi təzyiqə tab gətirməkdə çətinlik çəkən "sarı-göylər"in müqavimətini qırmaq üçün "Qarabağ"a çox vaxt lazım olmadı. Yəqin ki, bunda Paçunun Koxalskinin müdaxiləsindən sonra dirəkdən qayıdan zərbəsi də rol oynadı. Ona görə ki, qonaqlar dərhal ciddi təzyiqlə irəli atıldı. Ağdamlılar əvvəlcə Addainin qeyri-dəqiqliyi üzündən fürsəti əldən versə də, İsayev komanda yoldaşının "günahını yudu". 51-ci dəqiqədə Aleksey Leandronun təkbaşına xeyli irəliləyərək ona çatdırdığı topu qapıdan keçirməklə fərqi artırdı.

"Kəpəz"in cüzi "sülh" ümidinə cəmi 1 dəqiqə keçmədən Leandro son qoydu. O, cərimə meydançasına daxil olan Toralın ötürməsini qəbul edib qapını dəqiq nişan aldı. Bir qədər sonra İlkin Abbasın qapı önünə ötürməsini uzaqlaşdırsa da, top Juninyonun qarşısına düşdü. Braziliyalı dərhal qol vurmaq istədi ki, Verdaska komandasını xilas etdi. Ardınca Abbas fürsəti dəyərləndirə bilmədisə, 67-ci dəqiqədə Toral Zubirin ötürməsi sayəsində hesabına daha bir qol əlavə etdi. "Kəpəz" axtarışında olduğu təsəlli qoluna 75-ci dəqiqədə xeyli yaxınlaşdı. Lakin İsayev Almeydanın (Pananın) başla "çərçivə"yə daxil etdiyi topu qapının içindən çıxarsa belə, meydan sahiblərinin qolu sayılmadı!

78-ci dəqiqədə Santos üçün kritik keçdi. Qolkiper ardıcıl iki zərbədən birinə - Toralın dubl etmək istəyinə imkan vermədisə, Kaşukun "Qarabağ"dakı ilk qoluna mane ola bilmədi. Belədə nəzarətsiz qalan Aleksey Toralın ötürdüyü topu başla tora qovuşdurdu. Nəticədə böyükhesablı qələbə qazanan "köhlən atlar"ın lider, "Kəpəz"in isə autsayder statusu dəyişmədi.

Gözdən qaçmadı
* Hakimin start fitindən əvvəl "Kəpəz" azarkeşləri arasında dava düşsə də, başqalarının müdaxiləsiylə sona çatdı.
* Matçın ilk 14 dəqiqəsi "CBC Sport"da çox keyfiyyətsiz şəkildə yayınlandı.
* "Kəpəz"in futbolçuları meydana üzərində "Gəncə məğrurdu" yazılan plakatla çıxdı.
* Tribunada əyləşən azarkeşlərin əksəriyyəti "Qarabağ"ı dəstəkləyirdi. "Xəmsə", "İmarət Tayfa" və "Qarabağ Ordu" fanklubları stadionda idi.

KƏNAN BAHADIR