"Səmimi şəkildə desək, “Zirə” heç bir fürsət yaratmadı" - Kronoslav Renduliç
Misli premyer-liqasının 10-cu turu çərçivəsində “Sabah” səfərdə “Zirə” ilə heç-heçə etdi - 1:1.
“Football-plus.az” xəbər verir ki, oyundan sonra Masazır təmsilçisinin baş məşqçisi Krunoslav Renduliç mətbuat konfransında jurnalistlərin suallarını cavablandırıb.
- Nə danışa bilərəm? Yaxşı başladıq, qol vurduq. Hər şey bizim nəzarətimiz altındaydı. İkinci hissədə oyuna nəzarət edən tərəf biz idik. Qol fürsətimiz də oldu. İki-üç qol fürsətimiz oldu, amma daha yaxşı zərbələr endirsəydik, yarı fürsətlərdən də istifadə edə bilərdik. Əfsuslar olsun ki, qoldan 2 dəqiqə öncə 3-4 ardıcıl səhvlər etdik və qol buraxdıq. Bu, futboldu, əlinizə düşən fürsətləri istifadə etmirsizsə, qol görürsüz.
-Rəqib baş məşqçi dedi ki, 65-70 dəqiqə üstün oldular. Niyə daha çox əks-hücumlara üstünlük verdiz? Halbuki dominant oynamağı bacaran futbolçularınız var...
- Topla və topsuz oyuna nəzarət edə bilərsən. Səmimi şəkildə desək, “Zirə” heç bir fürsət yaratmadı. Amma bizim isə bir 100 faizlik, 2-3 yarı qol fürsətlərimiz oldu ki, onlardan yararlanmalıydıq.
RÖYANƏ OĞUZ
