“Əmrahbank”ın sponsorluğu ilə keçirilən, Ağdamda ilk futbol komandasının yaranmasının 67 illiyinə həsr olunan "İmarət kuboku"na yekun vurulub. “İmarət” fanklubunun təşkilatçılığıyla baş tutan turnirin yarımfinalında gərgin mübarizə gedib. "Qarabağ Ordu" – “Red Black Army” oyunun əsas vaxtında qalib müəyyənləşməyib – 1:1. Penalti seriyasında daha dəqiq (7:6) oynayan “köhlən atlar”ın fanatları finala yüksəlib. “UltrAslan Azərbaycan” isə təşkilatçıların komandasını üstələyib – 3:1. Həlledici görüşdə “Qarabağ Ordu” Türkiyə klubuna könül verənləri darmadağın edib – 3:0. Kuboku çempion komandaya “Qarabağ”ın yarımmüdafiəçisi Vild-Donald Gerye təqdim edib.
SƏRXAN