Turan Tovuz - Zirə 1:0 (0:0)
1. İvan Konovalov - 6,5 
4. Şəhriyar Əliyev (k) - 5,5
7. İsmayıl Zülfüqarlı - 5,5 
77. Veysəl Rzayev - 5,0 
(10. Xəyal Nəcəfov, 60) - 4,5 
99. Sadiq Şəfiyev - 5,0 
(88. Faiq Hacıyev, 74) - 5,0 
9. Kristian da Silva - 5,5 
5. Roderik Miller - 5,5 
23. Alexandro Serrano - 6,0 
15. Emmanuel Hakman - 5,5 
25. Denis Marandiçi - 6,0 
(21. Aleks Souza, 74) - 5,0 
11. Ayxan Quseynov - 5,5 
(80. Otto Con, 60) - 4,5 
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
33. Eltun Turabov
8. Tural Bayramlı
13. Fərid Yusifli
44. Rüfət Əhmədov
70. Məzahir Məmmədzadə
Baş məşqçi: Kurban Berdıyev
Komandanın ən yaxşısı: İvan Konovalov
13. Aydın Bayramov - 6,0 
7. Məqsəd İsayev - 5,5 
32. Qismət Alıyev (k) - 6,0 
8. İsmayıl İbrahimli - 5,5 
11. Rüstəm Əhmədzadə - 4,5 
(19. Salifu Suma, 46) - 5,0 
29. Ceyhun Nuriyev - 5,5 
(6. Eldar Quliyev, 82) - qiymətsiz 
4. Ruan Renato - 5,5 
90. Davit Volkov - 6,5 
23. Rafael Utziq  - 6,0 
(18. Junior Martins, 82) - qiymətsiz 
3. Ange Mutsinzi - 5,0
15. Pyer Zebli - 5,5 
(10. Georgi Papunaşvili, 90) - qiymətsiz
Ehtiyat oyunçular
41. Anar Nəzirov
21. Hacıağa Hacılı
16. Fuad Bayramov
14. Elçin Əlicanov
22. İldar Alekperov
5. Stefan Aka
28. Abbas İbrahim
17. Ayron Qomis 
Baş məşqçi: Rəşad Sadıqov
Komandanın ən yaxşısı: Davit Volkov

Qol: F.Hacıyev, 89.
Vərəqələr: R.Əhmədov, 90 (qeyri-idman hərəkəti). İ.Zülfüqarlı, 90+3; (oyunun bərpasının ləngidilməsi). M.İsayev, 90+4 (hakimin qərarına etiraz) - sarı.
Hakimlər: RƏVAN HƏMZƏZADƏ (Şəki), Cəmil Quliyev, Şirmamed Mamedov, Əkbər Əhmədov (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Namiq Hüseynov (Bakı).
Hakim-inspektor: Babək Quliyev (Bakı).
AFFA nümayəndəsi: Mübariz Hüseynov (Gəncə).
6 oktyabr. Tovuz. Şəhər stadionu. 4000 tamaşaçı (6500 yerlik).
Birinci hissəyə 3, ikinci hissəyə 4 dəqiqə əlavə olunub. 
Oyunun qiyməti: 6,0.

Hər iki komandanın yüksək yerlər uğrunda mübarizə apardığı heç kimə sirr deyil. Bir tərəfdə son üç turda qələbə qazana bilməyən “Turan Tovuz, digər tərəfdə isə qələbələri sıralayan “Zirə” var idi.

Elə ilk dəqiqədə “Zirə” hesabı açmağa yaxın oldu. Utziq Veysəlin səhlənkarlığından istifadə edib,  Volkova ötürmə verdi. Gürcü hücumçu zərbə endirsə də, Konovalovu məyus edə bilmədi. Berdıyevin yetirmələri ilk təhlükəli hücumda topu tora qovuşdursa da, əllə oyuna görə qol qeydə alınmadı. Daha dəqiqi, 16-cı dəqiqədə İsmayıl Zülfüqarlı cərimə meydançasına doğru ötürmə verdi. Marandiçi topu geri qaytarmaq istəyərkən əllə oynadı. Qarışıqlıqda Ayxan Quseynov qapıya yol tapsa da, qol qeydə alınmadı. 22-ci dəqiqədə Utziq növbəti dəfə Volkovu zərbə mövqeyinə çıxardı. Amma gürcü hücumçu bu dəfə də Konovalovla dueldən məyus ayrıldı. “Qartallar” 34-cü dəqiqədə qısa ötürmələrlə hücuma atıldı. Volkovun zərbəsi bu dəfə qapı dirəyinə tuş gəldi. Sonuncu uzatma dəqiqəsində də meydan sahiblərinin qapısı önündə təhlükə yaşandı. Məqsəd İsayevin qapı qarşısına ötürməsini Volkov baş zərbəsi ilə tamamlasa da, qolkiper yerində idi.

İlk yarı qonaqların üstünlüyü şəraitində keçsə də, ikincidə oyunun axarı dəyişdi. Artıq meydan sahibləri daha inamlı görünürdü. Görünür, Berdıyev də fasilədə onlara yaxşıca qulaqburması vermişdi. 72-ci dəqiqədə Xəyal Nəcəfov qapı qarşısına ötürmə verdi, Aydın Bayramov irəli çıxıb yumruqları ilə topu uzaqlaşdırdı. Davamında Serrano topu cərimə meydançasına qaytarsa da, Millerin başla endirdiyi zərbə dirəyə tuş gəldi. 74-cü dəqiqədə meydan sahibləri növbəti dəfə hesabı açmağa yaxın oldu. Oyuna yenicə qoşulan Aleks Souzanın topu qapıçının başı üzərindən atmaq niyyəti alınmadı. Nəhayət, 89-cu dəqiqədə meydan sahibləri qol istəyinə çatdı. Kornerin ardından qapı önündə yaranan qarışıqııq zamanı Faiq Hacıyev cəld tərpənib topu tora qovuşdurdu - 1:0. 

Gözdən qaçmadı
* “Turan Tovuz” futbolçuları klubun təsisçisi və ilk prezidenti Vidadi Əhmədovun 70 illik yubileyi münasibəti ilə meydana xüsusi pankartla çıxdı.
* Oyundan sonra “Turan Tovuz”un tərəfdaşı “İnci Group of Companies” şirkəti stimullaşdırıcı lotoreya keçirdi. Şirkətin təqdim etdiyi 4 növ məişət avadanlığı sahibini tapdı.

ƏSƏD SEYİDOV