Sezar Meza Kolli (Keşlə)
“Keşlə” premyer-liqanın 25-ci turunda “Neftçi”ni məğlub etməklə rəqibin uğurlu seriyasını qırdı. Ümumiyyətlə, Yuri Maksimovun komandası hər kəsi təəccübləndirməkdə davam edir. Paytaxt təmsilçisinin bu cür çıxışında əsas pay sahiblərindən biri Sezar Meza Kollidi. Elə “Neftçi” ilə görüşdə də “Keşlə”nin heyətində ən yaxşı Sezar idi. O, iki məhsuldar ötürmə ilə komandasının qələbəsinə böyük töhfə verdi. Oyunboyu fəal olan Meza Kolli özü də bir neçə dəfə fərqlənməyə yaxın idi. Bir epizodda qapı çatı sevinməsinə mane oldu. Əvvəllər həm bu komandanın, həm də “Zirə”nin şərəfini qoruyan Sezar ölkəmizdə ən yaxşı oyununu məhz hazırda sərgiləyir.