Gürcüstanın 1-ci divizionunda 9-cu tura start verilib. “Şevardeni-1906” evdə “Qaqra”yla heç-heçə edib - 2:2. Fərid Nəbiyev ilk 45 dəqiqədə oynayıb. 12 xalla 7-ci pillədə qərarlaşan “Şevardeni-1906” növbəti turda "Samqurali"nin qonağı olacaq.
Kosovo çempionatında 29-cu turun oyunları keçirilib. "Drita" doğma meydanda "Feronikeli"yə qalib gəlib - 3:1. Amit Quluzadə 90 dəqiqə oynayıb. 59 xalla liderliyi davam etdirən "Drita" növbəti turda "Qyilani" səfərinə yollanacaq.
Çexiyanın Gənclər Liqasında 2-ci mərhələnin 4-cü turu geridə qalıb. Güclülər qrupunda "Banik Ostrava" səfərdə "Slovaçko"yla heç-heçə edib - 2:2. Arzuman Rizvanov 90 dəqiqə oynayıb. 4 xalla 8-ci pillədə qərarlaşan "mavi-qırmızılar" növbəti turda "Teplitse"ni qəbul edəcək.
Zəiflər qrupunda isə "Slaviya" evdə "Yablonets"i üstələyib - 2:1. Rövlan Muradov bu görüşü də əvəzlənmədən keçirib. 9 xalla "Jihlava" ilə şərikli lider olan "qırmızı-ağlar" növbəti turda Brnoda "Zbroyovka" ilə münasibətləri aydınlaşdıracaq.
SƏRXAN