“Azərsu” çempionluq xəbərini Mingəçevirdən aldı
Qadın həndbolçular arasında ölkə çempionatında sonuncu - 20-ci tura start verilib. “Kür” Olimpiya Tədris-İdman Mərkəzində keçirilən turun açılış oyununda “Nur” “Azəryol”u qəbul edib. Ötən tur lider “Azərsu” ilə xal fərqini minimuma endirən “Azəryol” çempionluq ümidlərini sonadək qorumaq üçün bu görüşdən mütləq qələbə ilə ayrılmalı idi. Lakin paytaxt həndbolçuları buna nail ola bilməyiblər. Oyun 27:24 hesabı ilə Mingəçevir klubunun qələbəsiylə başa çatıb. Bu isə “Azərsu”nun çempionluğu vaxtından əvvəl rəsmiləşdirməsi deməkdi. “Azəryol” gümüşlə, ötən mövsüm titul qazanan “Nur” isə bürünc medalla təsəlli tapıb.
1. Azərsu 19 13 3 3 29
2. Azəryol 20 13 2 5 28
3. Nur 20 13 1 6 27
4. Qarabağ 19 11 2 6 24
5. Gənclərbirliyi 19 2 0 17 4
6. ADBTİA 19 2 0 17 4
Bu gün “ABU-Arena”da mövsümün son 2 görüşü baş tutacaq: 13.00 Gənclərbirliyi – Qarabağ, 15.00 ADBTİA - Azərsu.
