Qadın voleybolçulardan ibarət yığmamız geniş heyətlə hazırlığı davam etdirir. 35 nəfərlik heyət 3 qrupda məşq keçir. Əsas heyətə baş məşqçi Faiq Qarayev rəhbərlik edir. Bura Odina Bayramova, Şəfaqət Alışanova, Aynur İmanova, Marqarita Əzizova, Ceyran İmanova, Yekaterina Jidkova, Yelizaveta Səmədova, Yana Əzimova, Yuliya Kərimova, Kseniya Pavlenko, Mariya Kirilyuk, Bəyaz Əliyeva, Ayşən Abduləzimova və Kristina Yaqubova daxildi. İkinci heyətdə Leyla Parşkova, Nelli Salbişvili, Leysan Lyovkina, Nərminə Musayeva, Nərmin Fərəcova, Larisa Smeltsova, Çinarə Quliyeva, Nurhan Kazımova, Fidan Fərzullayeva və Raziyə Əliyeva yer alıb. Daha gənc voleybolçular isə 3-cü komandada məşq edir. Hazırlıq prosesi gündə iki dəfə Dərnəgül Voleybol Mərkəzində baş tutur. Ölkə xaricində çıxış edən legionerlər bir müddət sonra yığmaya qoşulacaq. Ancaq onların Qızıl Avropa Liqasında oynayıb-oynamayacağı bilinmir.