Turan Tovuz – Araz-Naxçıvan 1:2 (0:1)
1. İvan Konovalov – 5,0
4. Şəhriyar Əliyev (k) – 5,0
10. Xəyal Nəcəfov – 5,5
(77. Veysəl Rzayev, 88) – qiymətsiz
88. Faiq Hacıyev – 5,0
(8. Tural Bayramlı, 68) – 4,5
7. İsmayıl Zülfüqarlı – 5,0
9. Kristian da Silva – 5,0
5. Roderik Miller – qiymətsiz
(6. Araş Qaderi, 19) - 5,0
23. Alexandro Serrano – 5,5
15. Emmanuel Hakman – 5,0
80. Otto Con – 4,5
11. Ayxan Quseynov – 6,0
(25. Denis Marandiçi, 68) – 4,5
Ehtiyat oyunçular
71. Mehman Hacıyev
41. Sergey Samok
39. Sadiq Quliyev
33. Eltun Turabov
13. Fərid Yusifli
44. Rüfət Əhmədov
19. Elçin Qasımov
22. Nahid Əliyev
Baş məşqçi: Kurban Berdiyev
Komandanın ən yaxşısı: Ayxan Quseynov
12. Kristian Avram – 5,0
34. Urfan Abbasov - 5,5
(2. Slavik Alxasov, 86) – qiymətsiz
3. Bəxtiyar Həsənalızadə - 5,0
6. Vadim Abdullayev (k) – 5,0
26. Ömər Buludov - 5,0
16. Ramon Maçado - 6,5
(7. Ülvü İsgəndərov, 86) – qiymətsiz
29. Vanderson Melo – 5,5
23. Nuno Rodriges – 5,0
14. Miço Kuzmanoviç 5,0
(10. Bernardo Dias, 75) – qiymətsiz
4. İqor Ribeyro – 5,0
97. Felipe Santos – 6,0
(17. İssuf Paro, 80) – qiymətsiz
Ehtiyat oyunçular
94. Tərlan Əhmədli
22. Elçin Mustafayev
20. Turan Vəlizadə
88. Tuqay Əlizadə
11. Bayraməli Qurbanov
24. Mustafa Əhmədzadə
71. Sənan Ağalarov
Baş məşqçi: Elmar Baxşıyev
Komandanın ən yaxşısı: Ramon Maçado

Qollar: R.Maçado, 44 (0:1). A.Quseynov, 48 (1:1). F.Santos, 57 (1:2).
Vərəqələr: V.Abdullayev, 8 (hakimin qərarına etiraz). R.Maçado, 14 (qeyriidman hərəkəti). F.Santos, 57 (qeyri-idman hərəkəti). Ö.Buludov, 82 (oyunun bərpasının ləngidilməsi). Ü.İsgəndərov, 90+5 (oyunun bərpasının ləngidilməsi). İ.Konovalov, 90+5 (qeyri-idman hərəkəti) – sarı.
Hakimlər: ELÇİN MƏSİYEV, Elşad Abdullayev, Pərvin Talıbov, Tural Qurbanov (hamısı Bakı).
VAR hakimi: Rauf Allahverdiyev (Bakı).
VAR hakiminin köməkçisi: Rəhman İmami (Bakı).
Hakim-inspektor: Babək Quliyev (Bakı).
AFFA nümayəndəsi: Elçin Mehtiyev (Bakı).
21 sentyabr. Tovuz. Şəhər stadionu. 5000 tamaşaçı (6500 yerlik).
Birinci hissəyə 3, ikinci hissəyə 5 dəqiqə əlavə olunub.
Oyunun qiyməti: 6,0.

Komandaların hər birinin yüksəliş dönəmini yaşadığını nəzərə alsaq, meydanda maraqlı mübarizə gözləməyə dəyərdi. Düzdü, ötən tur Masazırda “beton” müdafiəsi yarılan “Turan Tovuz”un özünəvurğunluq hissinə müəyyən zərbə dəymişdi. Üstəlik bir gün əvvəl “Neftçi”ni darmadağın edən “Qarabağ” zirvəni ələ keçirmişdi. Tovuzlular ora qayıtmaq üçün qələbəyə ehtiyac duyurdu.

Gözlənildiyi kimi, meydan sahibləri oyuna hücumlarla başladı. 7-ci dəqiqədə Serrano iki rəqibdən sıyrılıb, Ayxan Quseynova doğru ötürmə versə də, top “çərçivə”dən yan keçdi. 13-cü dəqiqədə bəlkə də oyunun bütün sonrakı axarına təsir göstərən hadisə baş verdi. Maçado topu başla uzaqlaşdırmaq istəyən Millerin üzərinə açıq ayaqla getdi. Yerdə qalan panamalı müdafiəçi dərhal əvəzlənməsini istədi. Hakim isə Maçadoya yalnız sarı vərəqə göstərdi, halbuki onu meydandan qovmaq da olardı...

31-ci dəqiqədə Xəyal Nəcəfovun uzaqdan qapı qarşısına ötürməsinin qarşısını almaq istəyən Həsənəlizadə topu öz qapısına göndərdi. Avram komanda yoldaşının səhvini düzəldərək, topun tora qovuşmasına imkan vermədi. İlk hissənin sonlarına yaxın meydanın mərkəzində öncə Serrano, ardından Şəhriyar kobud səhvə yol verdi, topu ələ keçirən Maçado isə nir qədər irəliləyib “çərçivə”ni dəqiq nişan aldı – 0:1. İkinci hissə ilk yarı ilə müqayisədə daha canlı keçdi. 48-ci dəqiqədə gözlənilmədən hesab bərabərləşdi. Ayxan Quseynov təxminən 40-45 metrdən cərimə zərbəsi yerinə yetirərkən topu qapı qarşısına göndərdi. Avramla Ribeyro bir-birinə mane oldu, top isə qarıçının önündə yerə dəydi və başının üstündən tora düşdü. Hər kəs tovuzluların hücuma atılacağını, qələbə topunu vuracağını düşünürdü. Ancaq belə olmadı. Hesabı bərabərləşdirən Ayxan 53-cü dəqiqədə heç bir ehtiyac olmadan mərkəzdə qonaqların kapitanı Vadim Abdullayevə qarşı kobud oynadı. Ardından top “Turan Tovuz”un cərimə meydançasına doğru göndərildi. Burda da Xəyal Felipe Santosa qarşı sərt oynadı. “Zərərçəkən” ötürməyəbənzər zərbə ilə naxçıvanlıları növbəti dəfə irəli çıxardı. Tovuzluların hesabı bərabərləşdirmək üçün irəli atılmaqdan başqa yolu yox idi. Amma meydan sahibləru real qol vəziyyətləri yaratmaqda çətinlik çəkirdi. 85-ci dəqiqədə Marandiçi cərimə meydançası daxilinə doğru ötürmə versə də, Con topa toxuna bilmədi. Beləliklə, “Turan Tovuz”un daha bir seriyası qırıldı. Bu isə o anlama gəldi ki, tovuzlular zirvəni “Qarabağ”dan ala bilmədi.

Gözdən qaçmadı
* Hakimin start fitindən 20 dəqiqə sonra da azarkeşlər stadiona gəlməkdə idi.
* Felipe Santos komandasını hesabda önə keçirəndən sonra qol sevincini “Ultras Turan”ın gözləri önündə qeyd etdi. Belədə tovuzlu azarkeşlər stadiona əşyalar atmağa başladı.
* 88-ci dəqiqədə qonaqların məşqçisi Rasim Ramaldanova texniki zona qaydalarını pozduğuna görə sarı vərəqə göstərildi.
* “Ultras Turan” komandasını axıra qədər dəstəklədisə, “Sektor 85” tribunalarda yox idi.

ƏSƏD SEYİDOV