Sabah (Bakı) – Turan Tovuz 2:2 (1:1)
1. Yusif İmanov – 5,5
10. Namik Ələskərov – 5,5
(9. Anatoli Nuriyev, 70) – 5,0
4. Elvin Camalov (k) – 6,0
(88. Xəyal Əliyev, 88) – qiymətsiz
2. Amin Seydiyev – 5,5
7. Boyan Letiç – 6,0
20. Coy-Lens Mikels – 5,5
44. Sofyan Çakla – 5,5
18. Pavol Şafranko – 6,0
70. Cesse Sekidika – 6,5
3. Con İrasabal – 5,0
13. İvan Lepinitsa – 5,0
Ehtiyat oyunçular
55. Nicat Mehbalıyev
94. Rəvan Mirzəmmədov
17. Tellur Mütəllimov
5. Rəhman Daşdəmirov
77. Şakir Seyidov
6. Abdullax Xaybullayev
22. Abdulla Rzayev
40. İqor Noqeyra
99. Neqoş Kupusoviç
Baş məşqçi: Krunoslav Renduliç
Komandanın ən yaxşısı: Cesse Sekidika

1. İvan Konovalov – 5,5
33. Eltun Turabov – 5.0
(13. Fərid Yusifli, 84) – qiymətsiz
10. Xəyal Nəcəfov – 5,5
(77. Veysəl Rzayev, 67) – 5,0
88. Faiq Hacıyev – 5,5
7. İsmayıl Zülfüqarlı – 5,5
9. Kristian da Silva (k) – 5,5
5. Roderik Miller – 6,0
23. Alexandro Serrano – 5,5
(6. Araş Qaderi, 84) – qiymətsiz
15. Emmanuel Hakman – 5,5
80. Otto Con – 5,5
21. Aleks Souza – 5,0
(11. Ayxan Quseynov, 30) – 6,5
Ehtiyat oyunçular
71. Mehman Hacıyev
41. Sergey Samok
8. Tural Bayramlı
44. Rüfət Əhmədov
99. Sadiq Şəfiyev
20. İbrahim Ramazanov
22. Nahid Əliyev
25. Denis Marandiçi
Baş məşqçi: Kurban Berdiyev
Komandanın ən yaxşısı: Ayxan Quseynov

Qollar: C.Sekidika, 6 (1:0, B.Letiç). R.Miller, 35 (1:1, A.Quseynov). C.Sekidika, 46 (2:1, P.Şafranko). A.Quseynov, 76 (2:2).
Vərəqələr: E.Turabov, 27 (qeyri-idman hərəkəti). C-L.Mikels, 44 (qeyri-idman hərəkəti). A.Seydiyev, 56 (qeyri-idman hərəkəti). İ.Lepinitsa, 72 (qeyri-idman hərəkəti). O.Con, 73 (qeyri-idman hərəkəti). A.Quseynov, 90+4 (hakimin qərarına etiraz) – sarı.
Hakimlər: ƏLİYAR AĞAYEV, Zeynal Zeynalov, Akif Əmirəli, Fərid Hacıyev (hamısı Bakı).
VAR hakimi: İnqilab Məmmədov (Bakı).
VAR hakiminin köməkçisi: Teymur Teymurov (Bakı).
Hakim-inspektor: Ömər Paşayev (Bakı).
AFFA nümayəndəsi: Emin Cəfərov (Bakı).
15 sentyabr. Bakı. “Bank Respublika Arena”. 2420 tamaşaçı (8600 yerlik).
Birinci hissəyə 2, ikinci hissəyə 4 dəqiqə əlavə olunub.
Oyunun qiyməti: 6,5.

Turun mərkəzi matçı Masazırda keçirildi. Oyunun yetərincə gərgin keçəcəyi əvvəldən bəlli idi. Ona görə ki, “Sabah” liderliyə ortaq olmaq, “Turan Tovuz” isə mövqeyini möhkəmləndirmək istəyirdi. Nəticədə güclünün adına aydınlıq gəlməsə də, hər iki komanda xal qazandı. İlk dəqiqələr “bayquşlar”ın ciddi təzyiqi altında keçdi. Konovalov əvvəl Sekidikanın qapı önünə ötürməsini yiyələnsə də, 6-cı dəqiqədə rəqibə mane ola bilmədi. Belədə Cesse Letiçin künc zərbəsindən oyuna daxil etdiyi topu tora qovuşdurdu və “Turan Tovuz” mövsümün ilk qolunu buraxdı! Bir qədər sonra Xəyal uzaqdan bəxtini sınasa da, qeyri-dəqiq oldu. Ardından həm Amin, həm də Xəyal həmin epizodu təkrarladı və eyni taleylə üzləşdi. Qonaqların cavab qolu 35-ci dəqiqəyə təsadüf etdi. Burda Miller Ayxanın qapı önünə ötürməsindən maksimum faydalanmaqla hesabı bərabərləşdirdi. Əlbəttə, Yusifin səhvi gözdən qaçmadı. Çünki qolkiper lazım olandan çox önə çıxmış, “çərçivə”ni sahibsiz qoymuşdu. Birinci hissəsin sonuncu təhlükəli epizodları əlavə olunmuş dəqiqələrdə qeydə alındı. Bu dəfə Da Silva uzaqdan zərbəylə yadda qaldı ki, top qapıdan yan keçdi. Onun növbəti cəhdini Yusif zərərsizləşdirdi.

Meydan sahibləri ikinci hissəyə də qolla başladı. Masazır təmsilçisi 46-cı dəqiqədə hücuma atıldı ki, Mikelsin Şafrankoya, ikincinin Sekidikaya ötürməsi Cessenin dublunu rəsmiləşdirməsiylə nəticələndi. Qonaqların əks-hücumu uğursuz alındı. Burda Ayxan Xəyalın ötürməsini “çərçivə”yə tuşlasa da, Yusif komandasını qoldan xilas etdi. Ardınca qolkiper Millerlə Faiqin qapıya zərbələrini zərərsizləşdirdi. “Turan Tovuz”un ikinci qolu isə 76-cı dəqiqədə qeydə alındı. Millerin uzaqdan zərbəsini qapının yaxınlığında qəbul edən İrasabal topa müdaxilə etsə də, “kürə” Ayxanın önünə düşdü. Fürsəti dəyərləndirən futbolçu dərhal cərimə meydançasına daxil olaraq hesabı bərabərləşdirdi. Belədə hər iki komanda qələbə qolu axtarışına çıxdı. 88-ci dəqiqədə Elvinin hesabı dəyişməsinə Konovalov mane oldusa, Millerin qolu sayılmadı. Buna topun meydanı tərk edəndən sonra qayıtması əsas gətirildi. Beləliklə, oyun məhsuldar “sülh”lə yekunlaşdı. O başqa məsələ ki, çoxu qolun sayılmamasını haqsızlıq sayır.

Gözdən qaçmadı
* Bilik Günü münasibətə məktəbli uşaqlar və valideynli tribunalara biletsiz buraxıldı.
* “Sabah”ın texniki zonasından Namiq Hüseynova 45-ci dəqiqədə, Vitaliy Kovalyova isə 68-ci dəqiqədə hakimin qərarına etiraz etdiklərinə görə “sarı” verildi.
* Stadionun əksər tribunalarında tovuzlu azarkeşlər əyləşmişdi. Onlar qonaq futbolçular üçün meydan sahibi ab-havası yaratmışdı.
* Kurban Berdıyev komandasının sayılmayan qolu zamanı texniki zonada sevinənlərə çevrilərək “qol deyil” işarəsi etdi.

KƏNAN BAHADIR