Bakı Kəndlər Futbol Federasiyası mövsümə yekun vurub. Son olaraq, Supekubok uğrunda həlledici görüş baş tutub. ADBTİA-nın stadionunda "Ələt"lə "Qobustan" üz-üzə gəlib. Gərgin keçən qarşılaşmada "Ələt" 1:0 hesabıyla qələbə qazanıb. Qaradağ təmsilçisinin heyətində Şamxal Məlikov fərqlənib. Görüşdən sonra komandanın üzvləri, klub prezidenti Ayaz Məmmədzadə, baş məşqçi Zaur Mehdiyev kubok, diplom və medallarla təltif ediliblər. Beləliklə, komanda bu mövsüm üç kuboka sahib çıxıb. Həm payız-yaz birinciliyinin, həm də “Banişevski” turnirinin qalibi olan “Ələt” tarixində ilk belə böyük uğura imza atıb.