Sizin reklam burada

“Qarabağ” çempionluğu Sumqayıtda rəsmiləşdirdi

Baxış Sayı:810

“Qarabağ” çempionluğu Sumqayıtda rəsmiləşdirdi
94. Sumqayıt – Qarabağ (Ağdam) 0:1 (0:1)
1. Fərhad Vəliyev (k) – 5,0
19. Azər Salahlı – 4,5
14. Bəxtiyar Həsənalızadə - 5,0
13. Bəhlul Mustafazdə - 4,5
2. Rail Məlikov – 5,5
18. Tural Axundov – 4,5
77. Elnur Abdullayev – 4,0
(32. Rəşad Eyyubov, 55) – 5,0
5. Vüqar Bəybalayev – 5,0
(6. Kamal Mirzəyev, 79) – qiymətsiz
11. Ehtiram Şahverdiyev – 5,0
7. Cavid Tağıyev – 4,0
(10. Cavid İmamverdiyev, 58) – 5,0
9. Amil Yunanov – 4,5
Ehtiyat oyunçular
23. Mehdi Cənnətov
25. Süleyman Əhmədov
39. Tural Bayramlı
70. Ülvi İsgəndərov
Baş məşqçsi: Samir Abasov
Komandanın ən yaxşısı: Rail Məlikov
13. İbrahim Şehiç – 6,0
77. Vild-Donald Gerye – 5,5
14. Rəşad Sadıqov (k) – 5,5
32. Elvin Yunuszadə - 5,5
5. Maksim Medvedev – 5,5
20. Riçard Almeyda – 5,5
2. Qara Qarayev – 5,0
99. Dani Kintana – 5,5
8. Miçel – 5,0
(91. Coşqun Diniyev, 82) – qiymətsiz
22. Əfran İsmayılov – 5,0
(25. Ansi Aqolli, 62) – 5,0
90. Ramil Şeydayev – 5,0
(11. Mahir Mədətov, 62) – 5,0
Ehtiyat oyunçular
1. Anton Kanibalotski
12. Şahruddin Məhəmmədəliyev
7. Rahid Əmirquliyev
21. Arid Daşdəmirov
24. Nihad Tamazov
30. Abbas Hüseynov
44. Ağabala Ramazanov
Baş məşqçi: Qurban Qurbanov
Komandanın ən yaxşısı: İbrahim Şehiç
Qol: D.Kintana, 34.
Vərəqələr: V.Bəybalayev, 25 (qeyri-idman hərəkəti).
E.Yunuszadə, 27 (qeyri-idman hərəkəti). E.Abdullayev, 36 (qeyri-
idman hərəkəti). Q.Qarayev, 55 (qeyri-idman hərəkəti).
R.Almeyda, 65 (qeyri-idman hərəkəti). B. Mustafazadə, 90+3
(qeyri-idman hərəkəti) – sarı.
Hakimlər: ÖMƏR PAŞAYEV, Namiq Hüseynov, Mübariz
Haşımov, Rauf Cabbarov (Bakı).
Hakim-inspektor: Şahin Cəfərov (Bakı).
AFFA nümayəndəsi: Məmmədəli Məmmədov (Bakı).
22 aprel. Sumqayıt. Kapital Bank Arena. 2000 tamaşaçı (1326
yerlik).
Birinci hissəyə 1, ikinci hissəyə 3 dəqiqə əlavə olunub.
Oyunun qiyməti: 5,5.
“Qarabağ” Sumqayıta gələndə həmişə “Kapital Bank Arena”da anşlaq yaşanır ki, bu dəfə də istisna olmadı. Dolu tribunalar önündə baş tutan qarşılaşmada azarkeşlər maraqlı və sürətli oyuna tamaşa etdi. Bir tərəfdə çempionluğu rəsmiləşdirmək imkanı olan qonaqlar, digər tərəfdə isə Avroliqaya vəsiqə uğrunda mübarizə aparan meydan sahibləri. Yeri gəlmişkən, qonaqlar meydana əsas heyətlə çıxsa da, “kimyaçılar”ın baş məşqçisi İmamverdiyevlə Eyyubovu ehtiyatda saxlamağı lazım bilmişdi. Sonradan, daha dəqiqi, mətbuat konfransında Samir bəy hər iki futbolçunun ayağında ağrılar olması üzündən bu addımı atdığını bildirdi. Buna baxmayaraq, ikinci yarıda Abasov hər iki oyunçunu meydana buraxmağı lazım bildi. Bəlkə də məhz bu iki futbolçunun yoxluğu üzündən ilk yarı qonaqların üstünlüyü şəraitində keçdi.
Meydanın mərkəzini ələ keçirən “köhlən atlar” kəsərli hücumlar qurmasalar da, topu özündə saxlamaqla oyuna nəzarət edirdilər. Hər halda, oyunda ilk təhlükə Şehiçin qapısı önündə yaşandı. 8-ci dəqiqədə Amilin yaxın küncə zərbəsini “Qarabağ”ın qolkiperi kornerə çıxardı. Onu da bildirək ki, matçboyu “kimyaçılar”ın forvardı yalnız bununla yadda qaldı. 34-cü dəqiqədə isə qonaqlar hesabı açdı. Kintana standart vəziyyətdən makimum yararlandı. Yarımmüdafiəçi kobudluğa görə təyin olunan cərimə zərbəsini təxminən 25 metrdən dəqiq yerinə yetirdi. İlk yarının qalan dəqiqələrində qapılar önündə yaddaqalan qol vəziyyəti yaranmadı.
Fasilədən sonra Cavidlə Rəşadın meydana çıxması “Sumqayıt”ın oyununda canlanma yaratdı. İlk hissədə sönük oyunla yadda qalan “kimyaçılar” artıq tez-tez hücuma atılır, Şehiçi daha çox oyuna qoşulmağa məcbur edirdilər. Meydan sahiblərinin bir neçə yaddaqalan həmləsi olsa da, tablodakı hesab dəyişmədi və minimal hesablı qələbə sayəsində “Qarabağ” sona 4 tur qalmış ardıcıl 5-ci çempionluğu rəsmiləşdirdi.
RƏŞAD

Gözdən qaçmadı
* Matçın başlamasına 40 dəqiqə qalmış artıq polislər tribunalara gedən yolu bağladılar. Sektorlarda yer olmadığından asayiş keşikçiləri azarkeşlərə oyunu ayaqüstə izləməyi tövsiyə etdi.
* 3-cü dəqiqədə Tural Axundov heç kimin gözləmədiyi halda qarnını tutub yerə yıxıldı. Həkimlərin müdaxiləsindən sonra müdafiəçi özünə gəlib oyunu davam etdirdi.
* Sona yaxın Bəhlul Mustafazədə diqqət mətkəzinə düşdü. Gənc müdafiəçi əvvəlcə Mahir Mədətovla mübahisə etdi. Təcrübəli Rail Məlikovun müdaxiləsindən sonra ara sakitləşdi. Son saniyələrdə Bəhlulla Şehiç arasında gərginlik yaşandı. Hakimin final fitindən sonra isə Mustafazədə Ömər Paşayevlə münasibətləri aydınlaşdırmağı lazım bildi. Onun bu addımına komanda yoldaşları və baş məşqçi Samir Abasov da dəstək verdi.

Oxşar xəbərlər
SON XƏBƏRLƏR