Şənbə günü yüksək liqada 15-ci turdan təxirə salınan bir oyun oyun keçirildi. “Neftçi” ötən həftə məğlub etdiyi “Yasamal”la üz-üzə gəldi. Elə oyunda hesabı da İlqar Aslanovun yetirmələri açdı. Tural İsmayılov komandasını önə keçirdi. Ancaq topa daha çox nəzarət edən “Yasamal” tezliklə “status-kvo”nu bərpa etdi. Mortoza Cahandost aşırma zərbə ilə baxımlı qola imza atdı. 12-ci dəqiqədə Katebi - Qurbanov dueli zamanı sonuncu əla zərbə ilə topu “çərçivə”yə istiqamətləndirsə də, qolkiper əla reaksiya nümayiş etdirdi və komandasını qoldan xilas etdi. Amma Roştani növbəti hücum zamanı bunu bacarmadı və Rüfət hesabı komandasının xeyrinə dəyişdi. Bu dəfə də “Yasamal”ın cavabı gecikmədi. Sadiq Cavid standart vəziyyətdən qapını dəqiq nişan aldı. Hissənin heç-heçə başa çatacağı gözlənilərkən, “Neftçi” üçüncü qolu vurmağı bacardı. Vahib Xocayev komandasını fasiləyə üstün durumda yollanmasını təmin etdi.
İkinci hissə də gərgin keçdi. 28-ci dəqiqədə Qurbanovun cinahdan ötürməsindən sonra Rüfət epizodu düzgün dəyərləndirdə bilmədi. Halbuki ona heç kim mane olmurdu. Əvəzində Mortoza şansını qaçırmadı. 30-cu dəqiqədə iranlı hücumçu oyunda dublunu rəsmiləşdirməklə yanaşı, hesabı da bərabərləşdirdi. Qələbə qazanmağa can atan “Neftçi” sonrakı dəqiqələrdə real şansları boşa verməklə diqqəti çəkdi. 37-ci dəqiqədə İsmayılov Orucun ötürməsini qapıdan keçirə bilmədi. Bu azmış kimi, 38-ci dəqiqədə Əjdər 10 metrlik zərbəni dəqiq yerinə yetirə bilmədi. Daha doğrusu, qapıçı topu qaytarmaqla oyunun qəhrəmanı oldu. Onu da əlavə edək ki, “Yasamal” bu mövsüm ilk dəfə “Neftçi” ilə dueldən xalla ayrıldı. Əvvəlki 3 oyunda “Neftçi” qələbə qazanmışdı - 4:1, 6:2, 6:2. Xal itkisi İlqar Aslanovun komandasının 3-cü yer şansını da çətinləşdirdi.
Neftçi – Yasamal 3:3 (3:2)
Neftçi: 1. Samir Mehtiyev, 10. Rüfət Balakişiyev (k), 11. Tural Qurbanov, 94. Oruc Baxşəli, 6. Məhəmməd Katebi; 23. Elnur Zamanov, 7. Tural İsmayılov, 8. Vahib Xocayev, 13. Əjdər Əjdərov, 17. Vüsal İsayev.
Baş məşqçi: İlqar Aslanov.
Yasamal: 1. Məhəmməd Roştani, 9. Vladislav Vorobyov, 4. Məhəmməd Şahsavari, 47. Rəsul Əkbəri, 12. Sadiq Cavid; 8. Hassan Mirzeyi (k), 10. Mortoza Cahandost, 14. Omid Məhəmmədnejat.
Rəhbər: Orxan Allahverdiyev.
Qollar: T.İsmayılov, 6 (1:0). M.Cahandost, 9 (1:1). R.Balakişiyev, 12 (2:1). S.Cavid, 14 (2:2). V.Xocayev, 20 (3:2). M.Cahandost, 30 (3:3).
Vərəqələr: V.Vorobyov, 39. T.İsmayılov, 40 – sarı.
Hakimlər: Elçin Məmmədov, Yusif Nurullayev, Azad Hüseynov.
Hakim- inspektor: Tofiq Şükürov.
21 aprel. Bakı İdman Sarayı.
1. Araz 21 19 2 0 133-27 59
2. Marafon 20 14 1 5 87-38 43
3. Ekol 20 11 2 7 87-59 35
4. Neftçi 20 8 5 7 65-52 29
5. FK.İD 20 6 5 9 79-71 23
6. Yasamal 22 5 1 16 65-138 16
7. Xəmsə 21 0 2 19 48-179 2
Bombardir: Tyaqo (Araz) – 30.