Kəpəz (Gəncə) - Sabah (Bakı) 2:3 (2:0)

22. Məmməd Hüseynov - 5,0
2. İlkin Qırtımov - 4,5
11. Orxan Əliyev - 4,5
(28. Redon Mihana, 72) - 4,5
7. Ehtiram Şahverdiyev - 5,0
99. Əli Səmədov - 4,5
17. Ümid Səmədov - 4,5
78. Yeqor Xvalko (k) - 5,0
10. Karim Lkoça - 6,0
(6. Nemət Musayev, 84) - qiymətsiz
19. Lassana Ndiaye - 5,5
88. Keverton Markolino - 5,0
(15. Cavad Kərimov, 90+2) - qiymətsiz
77. Viktor Braqa - 5,5
(70. Nicat Süleymanov, 84) - qiymətsiz
Ehtiyat oyunçular
40. Nahid Bağırov
3. Vurğun Hüseynov
20. Mahir Həsənov
66. Arzu Atakişiyev
44. Nihat Fərəci
24. Sənan Kərimov
25. Toğrul Məmmədov
51. Cəlil Allahverdiyev
Məşqçi: Xaliq Mərdanov
Komandanın ən yaxşısı: Karim Lkoça

1. Yusif İmanov - 4,5
10. Namik Ələskərov - 4,5
(9. Anatoli Nuriyev, 62) - 4,5
4. Elvin Camalov (k) - 5,0
2. Amin Seydiyev - 5,5
7. Boyan Letiç - 5,0
20. Coy-Lens Mikels - 6,5
44. Sofian Çakla - 4,5
18. Pavol Safranko - 4,5
(17. Tellur Mütəllimov, 90) - qiymətsiz
70. Cesse Sekidika - 6,0
(99. Neqoş Kupusoviç, 79) - qiymətsiz
3. Con İrasabal - 5,5
13. İvan Lepiniça - 4,5
Ehtiyat oyunçular:
55. Nicat Mehbalıyev
94. Rəvan Mirzəmmədov
5. Rəhman Daşdəmirov
77. Şakir Seyidov
6. Abdulax Xaybulaev
22. Abdulla Rzayev
33. Camal Cəfərov
88. Xəyal Əliyev
40. İqor Noqeyra
Baş məşqçi: Krunoslav Renduliç
Komandanın ən yaxşısı: Coy Lens Mikels

Qollar: V.Braqa, 10 (1:0, K.Lkoça). L.Ndiaye, 17 (2:0, K.Lkoça). C-L.Mikels, 53-p. (2:1). C.Sekidika, 70 (2:2, A.Seydiyev). C-L.Mikels, 85 (2:3, N.Kupusoviç).
Vərəqələr: S.Çakla, 40 (hakimin qərarına etiraz). O.Əliyev, 48 (qeyri-idman hərəkəti). K.Markolino, 52 (qeyri-idman hərəkəti). Y.Xvalko, 66 (qeyri-idman hərəkəti). A.Nuriyev, 67 (qeyri-idman hərəkəti) - sarı. 
Hakimlər: NİCAT İSMAYILLI, Eyyub İbrahimov, Şirmamed Mamedov (hamısı Bakı), Rəvan Həmzəzadə (Şəki).
VAR hakimi: Rauf Allahverdiyev (Bakı).
VAR hakiminin köməkçisi: Elşad Abdullayev (Bakı).
Hakim-inspektor: Rəhim Həsənov (Bakı).
AFFA nümayəndəsi: Rüfət Əmirov (Bakı).
31 avqust. Tovuz. Şəhər stadionu. 400 tamaşaçı (6500 yerlik).
Birinci hissəyə 2, ikinci hissəyə 4 dəqiqə əlavə olunub. 
Oyunun qiyməti: 6,5.

Yeni mövsümdə sıralanan məğlubiyyətlərin ardından Adiş Şükürovun istefa verməsinə görə “sarı-göylər”i bu matça əvəzedici komandanın baş məşqçisi Xaliq Mərdanov çıxarmışdı. Adətən, futbolda belə bir tendensiya yaşanır. Baş məşqçi dəyişikliyi dərhal komandanı canlanırır. Bu dəyişiklik də istisna deyildi. Avrokuboklardakı mübarizəsini dayandırandan sonra çempionata köklənən “Sabah”ın isə xal itirmək istəmədiyi və bu oyunda aşkar favorit olduğu bəlli idi. Lakin ilk 4 tur ərzində heç bir qələbə qazanmamaqla yanaşı, rəqib qapısına heç bircə dəfə də yol tapa bilməyən “Kəpəz”in oyuna ardıcıl qollarla başlaması marağı bir qədər də artırdı.

Baxmayaraq ki, qonaqlar ilk dəqiqələrdən hücuma can atırdı. Elə ilk təhlükəli vəziyyəti də Masazır təmsilçisi yaratdı. 7-ci dəqiqədə Mikelsin zərbəsi dirəyə tuş gəldi. Cəmi 3 dəqiqə sonra meydan sahibləri ilk təhlükəli vəziyyəti qola çevirməyi bacardı. Lkoçanın qapı önünə ötürməsi zamanı Braqa müdafiəçilərin diqqətindən yayınaraq topu qapıya göndərdi - 1:0. Beləliklə, “sarı-göylər” yeni mövsümdə ilk qolunu vurdu. Cəmi 7 dəqiqə sonra rəqibi əks-hücumda yaxalayan meydan sahibləri hesab arasındakı fərqi artırdı. Bu dəfə də Lkoçanın məhsuldar ötürməsiylə Ndiaye topu tora qovuşdurdu - 2:0. 25-ci dəqiqədə Camalovun müdafiənin arxasına göndərdiyi baxımlı ötürmə sayəsində qapıçıyla üzbəüz qalan Mikels bu dueldən məğlub ayrıldı. Cəmi 4 dəqiqə sonra Məmməd Mikelsin yaxın məsafədən vurduğu daha bir zərbəni gözəl seyvlə dəf etdi. İlk yarı “Sabah”ın meydandakı dominantlığı fonunda başa çatdı. Gəncəlilərin 2-ci hissədə daha böyük çətinliklə üzləşəcəyi şübhə doğurmurdu.

İkinci hissədə də topa “tələbələr” nəzarət edirdi. 49-cu dəqiqədə Letiç topu qapı önünə göndərdi, İrasabalın başla zərbəsinin qarşısı alınsa da, epziodun davamında Şafranko çox yaxın məsafədən “çərçivə”yə düşə bilmədi. Epizod bitəndən sonra VAR incələməsi aparan baş hakim gəncəlilərin qapısına 11 metrlik cərimə zərbəsini təyin etdi. Çünki epizodun təkrarına baxanda görünür ki, İrasabalın baş zərbəsindən sonra top Ehtiramın qoluna dəyib. Penaltini düzgün yerinə yetirən Mikels hesab arasındakı fərqi azaltdı - 2:1. Hissə başlayandan az sonra qapılarında qol görmələri “Kəpəz” futbolçularının ruhdan düşməsinə səbəb oldu. Qonaqlar isə topa nəzarət edir və hücuma atılırdı. 70-ci dəqiqədə Aminin topu başla ötürməsindən sonra elə Sekidika da eyni vuruşla toru silkələdi - 2:2. Bir qədər sonra Sekidika uzaq məsafədən “çərçivə”nin yoxlamaq qərar aldı. Fəqət qolkiper sayıqlığı itirmədi. Buna baxmayaraq meydan sahiblərinin olan-qalan ümidlərini 85-ci dəqiqədə Mikels bitirdi. Letiçin ötürməsindən sonra yolüstü Kupusoviçin də toxunduğu topu Çey-Lens qapı önündə peyda olaraq “çərçivə”yə saldı - 2:3. “Sabah” əzmkar geridönüşlə “Kəpəz”ə sarsıdıcı zərbə vurdu. Hələ 90+4-cü dəqiqədə Mikelsin ötürməsi sayəsində qapıçıyla təkbətək qalan Tellurun Məmmədi keçəndən sonra boş qapıya yüngül vuruşla istiqamətlədiyi topu Ehtiram xəttin üzərindən çıxardı. 

Beləliklə, Mərdanovun meydana çıxardığı “Kəpəz” əvvəlki turlarla müqayisədə daha yaxşı çıxış edərək 2 qol vursa da, bu, qələbə qazanmaq üçün yetərli olmadı. Renduliçin komandası isə bu qələbə sayəsində 2-ci pilləyə yüksəldi.

Gözdən qaçmadı
* Həm “Ultras Kəpəz”, “Xəmsə”, həm də “Soldati di Sabah” fanklubları tribuna yer almışdı. 
* “Kəpəz” azarkeşləri matç bitəndən sonra hakimləri lənətləyirdi. Yeri gəlmişkən, onlar arasında fikir müxtəlifliyi var idi. Əksəriyyət komandanı alqışladığı halda, 5 turdan sonra hələ də qələbə görmədiklərinə görə bunu düzgün saymayanları da gördük.

KAMAL SƏFƏR