“Qarabağ” ÇL-ə bizim daha çox layiq olduğumu hiss etdi və geri çəkildi” – AÇIQLAMALAR
“Dinamo” ÇL-in pley-offunun hər iki matçında “Qarabağ”ı məğlub etməklə (3:0, 2:0) liqa mərhələsində iştirak hüququ qazandı.
“Football-plus.az” xəbər verir ki, Zarqeb təmsilçinin futbolçuları oyundan sonra xorvat jurnalistlərə açıqlama verib. Sizi oyunçuların fikirləriylə tanış edirik.
Petar Suşiç:
“Dinamo”nun bütün əməkdaşlarını, xüsusilə komanda yoldaşlarımı təbbrik edirəm. Uşaqlıq arzum gerçəkləşdi. Artıq Çempionlar Liqasında oynayacağıq. “Qarabağ”a beş cavabsız qol vurduq. Çoxu buna inanmırdı. Amma biz qorxaq deyilik. Rəqibin bir dəfə belə sevinməsinə imkan vermədik... Bəli, Bakıda 30 min azərbaycanlı azarkeş var idi. Lakin bizim tərəfdarlarımız dünyanın ən yaxşı pərəstişkarlarıdı”.
İvan Nevistiç:
“Meydandakı ab-hava çox yaxşı idi. Sanki “Qarabağ” 20-ci dəqiqədən sonra ÇL-ə bizim daha çox layiq olduğumu hiss etdi və geri çəkildi. Hesab 1:0 olandan sonra “çərçivə”ni müdafiə etməyə önəm vermədim. Sadəcə, buna ehtiyac yox idi. Çempionlar Liqasına 5:0 hesablı qələbəylə yollanmaq qürurvericidi. Böyük keyfiyyət nümayiş etdirdik”.
KƏNAN BAHADIR
Digər xəbərlər
