Sizin reklam burada

Yığmanın növbəti rəqibi Qazaxıstan oldu

Müəllif: football Tarix: 18-04-2018, 19:58 791 Baxış
Yığmanın növbəti rəqibi Qazaxıstan oldu
AFFA yığmaya daha bir rəqib tapıb. Qazaxıstan Futbol Federasiyası ilə əldə olunan razılığa əsasən milli bu ölkənin əsas komandası ilə yoldaşlıq oyununda qüvvəsini sınayacaq. Həmin qarşılaşma iyunun 5-də Astanada baş tutacaq. Onu da qeyd edək ki, əsas yığmaların oyunundan 1 gün öncə iki ölkənin U-21-ləri də yoxlama matçında üz-üzə gələcək. 21 yaşlıların oyunu Bakı vaxtı ilə saat 17.00-da, əsas millilərin qarşılaşması isə 22.00-da başlayacaq. Qeyd edək ki, milli həmin ərəfədə, konkretləşdirsək, mayın 29-da Bakıda Qırğızıstanla, iyunun 9-da isə Riqada Latviya ilə sınaq görüşündə qüvvəsini sınayacaq.
Onu da bildirək ki, Qazaxıstanla 9 dəfə qarşılaşmışıq. Bu oyunlarda 4-də bərabərlik qeydə alınıbsa, 2 dəfə qalib, 3 dəfə məğlub olmuşuq. Yığma top fərqində də geridədi – 10:11. Həmin 9 matçdan 4-ü seçmə mərhələ xarakteri daşıyıb. AÇ-2008-də hər iki oyun heç-heçə bitibsə (1:1, 1:1), AÇ-2012-nin seçmə mərhələsində hərə 1 dəfə qalib gəlib. Yığma 2:1, qazaxlar 3:2 hesablı qələbəyə sevinib.
FARİZ
SON XƏBƏRLƏR