Bilindiyi kimi, “Neftçi”daxili dəyişikliklər davam etdir. Klubun baş icraçı direktoru postuna Cenk Sümərin təyin olunması, həmçinin komandanın Roman Qriqorçuka tapşırılması ağ və qara rənglərə könül verən azarkeşləri müsbət dəyişikliklərə ümidləndirir.

Amma vaxtilə klubun idman direktoru olan Ceyhun Sultanov mübahisəli açıqlama verib. Menecer sosial şəbəkə (tik-tok) hesabında canlı yayın açaraq “Neftçi” barədə iddia yürüdüb.

Onun dediyinə görə, şəxsən “ağ-qaralar”a futbolçu təklif edib və danışıqlar aparılıb. Ardından klubun icraçı direktoru Cenk Sümər başqalarının, həmçinin Qriqorçukun xəbəri olmadan həmin futbolçuya 3 illik rəsmi təklif göndərib. Ceyhun bəy canlı yayında Sümərin futbolçunun atası ilə danışığa keçdiyini, hətta “vatsap” yazışmalarını göstərib. Sultanovun danışıq üslubunu izləyicilər xoş qarşılamayıb.Yəni onun prosesin gedişində belə məlumatı yayması adamlarda qıcıq doğurub. Hətta klubda yenidən idman direktoru vəzifəsini tutmaq ehtimalı olan Sultanovun belə davranışı yersiz görünüb.

Sosial şəbəkələrdə bu mövzuya şərhlər də birmənalı olmayıb:

“Ona görə Tərlan Əhmədov məşqçi olanda Braliçi təklif elədi, ancaq məşqçi bəyənmədi. Sonra Tərlan klubdan çıxdı və məşqçi olmadan Braliç satın alındı. Ən əsası bizdən əvvəl Braliç “Zirə”yə illik 70 min manata təklif olunmuş və yaxşı futbolçu olmadığına görə “yox” deyilmişdi. Amma Ceyhun onların bəyənmədiyi futbolçunu bizə 120 min manata gətirdi. Oyununu da hamımız gördük. Stadionda top onda olanda ürəyimiz əsirdi ki, topu vursun”, “Yaxşı transferləri də olub.  Dabo, Jozef-Monroz, Platellas, Kane, Buqrin, Laval - hamısını Ceyhun tapıb gətirmişdi. Sonra bu heyət çempion da oldu”, “Ceyhun 3,5 il “Neftçi”də işlədi, bu müddət ərzində 15-dən çox legioner gətirdi, Dabo ilə Jozef-Monrozu çıxıram, çünki onlar maaşı azalmış “Qəbələ”də qalmağ istəmirdilər, yəni onları gətirmək asan idi. Amma qıraqdan gətirdiyi 15 legionerdən yalnız üçü fərli çıxıb. Bu isə faciədi”, “Ceyhunun qədri bilinmədi. Adamı həqiqətən də yersiz linç elədik. Ondan sonra gələnlərin heç biri Ceyhun kimi xeyirli olmadı”.

Yuxarıdakı şərhlərdən də görünür ki, Ceyhun Sultanov “Neftçi” azarkeşlərini qəzəbləndirib. Belədə ona müraciət edərək mövqeyini bir daha dəqiqləşdirmək istədik: